ԱՌԱՋԻՆ ԿՈՐՆԹԱՑԻՍ 4:6 - Western Armenian New Translation - Armenian Catholicosate of Cilicia - New Testament

⁶ Եղբայրնե՛ր, ձեզի համար ինքզինքս եւ Ապողոսը օրինակ դարձուցի ըսածներուս, որպէսզի մեզմէ սորվիք չհպարտանալ, կամ ինչպէս առածը կ՚ըսէ՝ «Ոչինչ՝ գրուածէն անդին», եւ որպէսզի այնքան մը չպարծենաք մէկով՝ ուրիշ մը արհամարհելու չափ։

Արեւմտահայերէն Նոր Կտակարան հարմարցուած․ 2017

⁶ Ասոնք օրինակ բերի, ե՛ղբայրներ, իմ վրաս ու Ապօղոսին վրայ ձեզի համար, որպէս զի դուք մեզմէ սորվիք մարդոց վրայով գրուածէն աւելի բան մը չխորհիլ, որ չըլլայ թէ ձեզմէ մէկը հպարտանայ մէկուն համար ուրիշի մը դէմ։

Western Armenian Bible 1853

⁶ Ասոնք օրինակ բերի, ե՛ղբայրներ, իմ վրաս ու Ապօղոսին վրայ ձեզի համար, որպէս զի դուք մեզմէ սորվիք մարդոց վրայով գրուածէն աւելի բան մը չխորհիլ, որ չըլլայ թէ ձեզմէ մէկը հպարտանայ մէկուն համար ուրիշի մը դէմ։

ԱՌԱՋԻՆ ԿՈՐՆԹԱՑԻՍ 4:6 Iomraidhean Croise

ԳՈՐԾՔ ԱՌԱՔԵԼՈՑ 18:24

Ապողոս անունով Հրեայ մը, ծնունդով Աղեքսանդրացի, որ ճարտարախօս էր եւ քաջածանօթ Սուրբ գիրքերուն, եկաւ հասաւ Եփեսոս։

ԳՈՐԾՔ ԱՌԱՔԵԼՈՑ 19:1

Մինչ Ապողոս Կորնթոս կը գտնուէր, Պօղոս Գաղատիայի եւ Փռիւգիայի կողմերը պտըտելէ ետք Եփեսոս իջաւ։ Այստեղ Տիրոջ աշակերտած մարդիկ գտնելով՝

ՀՌՈՎՄԱՅԵՑԻՍ 12:3

Ինծի տրուած Աստուծոյ շնորհքով հետեւեալ պատուէրը կու տամ իւրաքանչիւրիդ.– Մեծամիտ մի՛ ըլլաք. ընդհակառակը, միշտ համեստ եղէք եւ միայն Աստուծմէ ձեզի տրուած հաւատքին չափով գնահատեցէք դուք ձեզ։

ԱՌԱՋԻՆ ԿՈՐՆԹԱՑԻՍ 1:12

Ըսեմ ինչ որ լսեցի։ Թէ՝ ձեզմէ իւրաքանչիւրը տարբեր բան կ՚ըսէ։ Մին կ՚ըսէ՝ «Ես Պօղոսի կը հետեւիմ», միւսը՝ «Ես Ապողոսին կը հետեւիմ», երրորդ մը կ՚ըսէ՝ «Ես Կեփասին կը հետեւիմ», իսկ ուրիշ մը՝ թէ «Ես Քրիստոսի կը հետեւիմ»։

ԱՌԱՋԻՆ ԿՈՐՆԹԱՑԻՍ 1:19

Արդարեւ մարգարէութեան մէջ գրուած է.– «Իմաստուններուն իմաստութիւնը պիտի խափանեմ, խելացիներուն խելքը պիտի կորսնցնեմ»։

ԱՌԱՋԻՆ ԿՈՐՆԹԱՑԻՍ 1:31

որպէսզի, ինչպէս մարգարէութեան մէջ գրուած է. «Ով որ կը պարծենայ՝ թող Տիրոջմով պարծենայ»։

ԱՌԱՋԻՆ ԿՈՐՆԹԱՑԻՍ 13:4

Սէր ունեցողը համբերատար կ՚ըլլայ եւ քաղցրաբարոյ։ Սէր ունեցողը չի նախանձիր, չի գոռոզանար, չի հպարտանար,

ԱՌԱՋԻՆ ԿՈՐՆԹԱՑԻՍ 3:19

Որովհետեւ այս աշխարհի իմաստութիւնը Աստուծոյ աչքին յիմարութիւնէ, ինչպէս Սուրբ գիրքերուն մէջ գրուած է. «Աստուած իմաստունները իրենց ճարպիկութեան մէջ կը բռնէ»։

ԱՌԱՋԻՆ ԿՈՐՆԹԱՑԻՍ 3:21

Հետեւաբար, թող ոեւէ մէկը չպարծենայ մարդոցմով,

ԱՌԱՋԻՆ ԿՈՐՆԹԱՑԻՍ 5:2

Եւ դեռ դուք կը հպարտանա՞ք. պէտք չէ՞ր, ընդհակառակը, սգայիք, եւ ձեր մէջէն դուրս դնէիք այդ անբարոյութիւնը գործողը։

ԱՌԱՋԻՆ ԿՈՐՆԹԱՑԻՍ 5:6

Ճիշդ չէ որ պարծենաք։ Չէ՞ք գիտեր առածը, որ կ՚ըսէ. «Քիչ մը թթխմորը ամբողջ զանգուածը կը խմորէ»։

ԱՌԱՋԻՆ ԿՈՐՆԹԱՑԻՍ 8:1

Գալով կուռքերուն զոհուած կերակուրներուն, գի–տեմ թէ «բոլորս ալ պէտք եղածը գիտենք» ըսողներ կան։ Գիտցէ՛ք սակայն, թէ գիտութիւնը կը հպարտացնէ, մինչ սէրը հաւատքը կ՚ամրապնդէ։

ԱՌԱՋԻՆ ԿՈՐՆԹԱՑԻՍ 9:23

Եւ այս բոլորը կ՚ընեմ՝ Աւետարանին սիրոյն, որպէսզի անոր տարածման մասնակցութիւնս բերած ըլլամ։

ԵՐԿՐՈՐԴ ԿՈՐՆԹԱՑԻՍ 10:12

Անշուշտ չենք համարձակիր մենք մեզ բաղդատել կամ դասել անոնց հետ՝ որոնք ձեր դիմաց իրենք զիրենք կը գովեն։ Ա՜յնքան անմիտ են, որ իրենք իրենցմով կը չափեն եւ իրենք իրենց հետ կը բաղդատեն իրենց անձերը։

ԵՐԿՐՈՐԴ ԿՈՐՆԹԱՑԻՍ 10:15

Այնպէս որ՝ մենք որոշ սահմանէ մը անդին չենք պարծենար, մանաւանդ ուրիշներու աշխատանքով. բայց կը յուսանք որ ձեր հաւատքը աճի եւ ձեր մօտ մեր աշխատանքը աւելի մեծնայ ու տարածում գտնէ, միշտ Աստուծոյ որոշած սահմանին մէջ։

ԵՐԿՐՈՐԴ ԿՈՐՆԹԱՑԻՍ 10:7

Դուք իւրաքանչիւրը իր երեւոյթով կը դիտէք։ Ով որ ներքնապէս համոզուած է թէ ինք Քրիստոսի կը պատկանի, թող դարձեալ հետեւեալը խորհի, թէ ինչպէս որ ինք Քրիստոսի կը պատկանի՝ այնպէս նաեւ մենք Քրիստոսի կը պատկանինք։

ԵՐԿՐՈՐԴ ԿՈՐՆԹԱՑԻՍ 11:4

Կը վախնամ որ նոյնքան դիւրութեամբ ընդունիք ո՛եւէ մէկը՝ որ մեր քարոզածէն տարբեր փրկիչ մը, ձեր ստացած Հոգիէն տարբեր հոգի մը, կամ ձեր ընդունած Աւետարանէն տարբեր աւետարան մը կը քարոզէ ձեզի։

ԵՐԿՐՈՐԴ ԿՈՐՆԹԱՑԻՍ 12:19

Թերեւս կը խորհիք որ մինչեւ հիմա մենք մե՞զ է որ կը փորձենք արդարացնել։ Ո՛չ, սիրելիներ. մենք իբրեւ Քրիստոսի հաւատացողներ՝ Աստուծոյ դիմաց է որ կը խօ— սինք, եւ ինչ որ կ՚ընենք՝ ձեր օգուտին համար է որ կ՚ընենք։

ԵՐԿՐՈՐԴ ԿՈՐՆԹԱՑԻՍ 12:20

Բայց կը վախնամ որ երբ գամ՝ ձեզ չգտնեմ այնպէս՝ ինչպէս որ կ՚ուզեմ, եւ դուք ալ զիս գտնէք այնպէս՝ ինչպէս պիտի չուզէիք։ Այսինքն, կը վախնամ որ դարձեալ ձեր մէջ կռիւ, նախանձ, զայրոյթ, իրարու դէմ գրգռութիւն, չարախօսութիւն, բամբասանք, հպարտութիւն, ամբարտաւանութիւն եւ խռովութիւն ըլլայ։

ԵՐԿՐՈՐԴ ԿՈՐՆԹԱՑԻՍ 12:6

Եթէ տակաւին ուզէի՝ կրնայի պարծենալ եւ անմիտ ալ եղած պիտի չըլլայի, որովհետեւ ճշմարտութիւնը ըսած պիտի ըլլայի։ Բայց կը հրաժարիմ ըսելէ, որպէսզի չըլլայ որ ոեւէ մէկը իմ վրաս աւելի բարձր համարում ունենայ՝ քան կրնայ ունենալ գործերս տեսնելով կամ խօսքերս լսելով։

ԵՐԿՐՈՐԴ ԿՈՐՆԹԱՑԻՍ 4:15

Այս բոլորը ձեզի համար կ՚ըլլան, որպէսզի փրկութեան շնորհքը աւելի եւ աւելի անձերու վրայ տարածուի, եւ գոհաբանական աղօթքները առատանան՝ Աստուծոյ փառքին համար։

ԿՈՂՈՍԱՑԻՍ 2:18

Չըլլա՛յ որ ոեւէ մէկը իր կեղծ խոնարհութեամբ, հրեշտակներուն ընծայուած պաշտամունքով եւ զանազան տեսիլքներով ձեզ մոլորեցնէ եւ մրցանակէն զրկէ. որովհե— տեւ այդպիսիները մարդկային հպարտութենէ տարուած են եւ կ՚ուզեն իրենք զիրենք պարտադրել ձեզի։

ԱՌԱՋԻՆ ԹԵՍԱՂՈՆԻԿԵՑԻՍ 1:5

որովհետեւ մեր քարոզութեամբ Աստուած իր Աւետարանը յայտնեց ձեզի՝ ո՛չ միայն խօսքով, այլ նաեւ զօրութեամբ, այսինքն՝ Սուրբ Հոգիին ներգործութեամբ, եւ կատարեալ վստահութիւն ներշնչեց ձեզի։ Դուք լաւ գիտէք, թէ ձեր մէջ ի՛նչպէս ապրեցանք, ձեզի օրինակ ըլլալու համար։

ԵՐԿՐՈՐԴ ՏԻՄՈԹԷՈՍ 2:10

Ատոր համար ալ ամէն բանի կը համբերեմ՝ Աստուծոյ ընտրեալներուն սիրոյն, որպէսզի անոնք եւս Քրիստոս Յիսուսի միանալով՝ հասնին փրկութեան եւ յաւիտենական փառքին։