ԱՌԱՋԻՆ ԿՈՐՆԹԱՑԻՍ 3:5 - Western Armenian New Translation - Armenian Catholicosate of Cilicia - New Testament

⁵ Վերջին հաշուով՝ Պօղո՛սը ով է, Ապողոսը ով է. պաշտօնեաներ են՝ որոնց միջոցաւ հաւատացիք, եւ որոնցմէ իւրաքանչիւրը պարզապէս կատարեց այն պաշտօնը որ Տէրը տուաւ։

Արեւմտահայերէն Նոր Կտակարան հարմարցուած․ 2017

⁵ Բայց ո՞վ է Պօղոս կամ ո՞վ է Ապօղոս։ Պաշտօնեաներ են, որոնցմով հաւատացիք եւ ինչպէս Տէրը տուաւ անոնց ամէն մէկուն։

Western Armenian Bible 1853

⁵ Բայց ո՞վ է Պօղոս կամ ո՞վ է Ապօղոս։ Պաշտօնեաներ են, որոնցմով հաւատացիք եւ ինչպէս Տէրը տուաւ անոնց ամէն մէկուն։

ԱՌԱՋԻՆ ԿՈՐՆԹԱՑԻՍ 3:5 Iomraidhean Croise

ՄԱՏԹԷՈՍ 25:15

Եւ համաձայն անոնց կարողութիւններուն, մէկուն տուաւ հինգ հարիւր ոսկի դրամ, միւսին՝ երկու հարիւր եւ ուրիշի մը՝ հարիւր։ Եւ ապա ճամբորդեց։

ՂՈԻԿԱՍ 1:2

եւ որ մեզի աւանդեցին անոնք՝ որոնք սկիզբէն իսկ անոնց ականատես եւ Աստուծոյ խօսքին քարոզիչ եղան։

ՅՈՎՀԱՆՆՈԻ 3:27

Յովհաննէս պատասխանեց. – Մարդ ինքնիրմէ ոչինչ կրնայ ընել, եթէ իրեն վերէն՝ Աստուծմէ տրուած չէ։

ԳՈՐԾՔ ԱՌԱՔԵԼՈՑ 18:24

Ապողոս անունով Հրեայ մը, ծնունդով Աղեքսանդրացի, որ ճարտարախօս էր եւ քաջածանօթ Սուրբ գիրքերուն, եկաւ հասաւ Եփեսոս։

ԳՈՐԾՔ ԱՌԱՔԵԼՈՑ 19:1

Մինչ Ապողոս Կորնթոս կը գտնուէր, Պօղոս Գաղատիայի եւ Փռիւգիայի կողմերը պտըտելէ ետք Եփեսոս իջաւ։ Այստեղ Տիրոջ աշակերտած մարդիկ գտնելով՝

ՀՌՈՎՄԱՅԵՑԻՍ 15:16

որպէսզի Քրիստոս Յիսուսի սպասաւորը ըլլամ հեթանոսներուն համար եւ Աստուծոյ Աւետարանին մատակարարման նուիրուիմ, որպէսզի հեթանոսները Աստուծոյ ընծայուին իբրեւ Սուրբ Հոգիով սրբուած ընդունելի պատարագ։

ԱՌԱՋԻՆ ԿՈՐՆԹԱՑԻՍ 12:28

Այդ մարմինին, այսինքն՝ եկեղեցիին մէջ Աստուած բազմաթիւ անդամներ կարգեց՝ զանազան ծառայութեանց համար. նախ՝ առաքեալները, երկրորդ մարգարէները, երրորդ՝ ուսուցանողները, ապա՝ հրաշագործ զօրութիւն ունեցողները, եւ դեռ՝ բժշկելու շնորհք ունեցողները, ուրիշներուն օգնելու ընդունակները, վարչական կարողութեամբ օժտուածները, յափշտակութեան մէջ լեզուներ խօսողները եւ այդ լեզուներով խօսուածը մեկնաբանելու ատակ մարդիկը։

ԱՌԱՋԻՆ ԿՈՐՆԹԱՑԻՍ 16:12

Գալով Ապողոս եղբօր, շատ խնդրեցի որ հաւատացեալ քանի մը եղբայրներով ձեր մօտ գայ. բայց չուզեց հիմա գալ։ Յարմար առիթով մը պիտի գայ սակայն։

ԱՌԱՋԻՆ ԿՈՐՆԹԱՑԻՍ 3:10

Աստուծոյ ինծի տուած շնորհքին համաձայն, ես՝ որպէս փորձառու ճարտարապետ՝ հաւատքին հիմը դրի. բայց ուրի՛շն է որ անոր վրայ պիտի շինէ։ Ամէն ոք զգոյշ պէտք է ըլլայ, սակայն, թէ ի՛նչպէս կը շինէ։

ԱՌԱՋԻՆ ԿՈՐՆԹԱՑԻՍ 3:22

որովհետեւ ամէն ինչ ձեզի համար է. Պօղո՛սն ալ ձեզի համար է, Ապողո՛սն ալ, Կեփա՛սն ալ։ Նոյնպէս այս աշխարհը, թէ՛ կեանքը, թէ՛ մահը, թէ՛ ներկան եւ թէ՛ ապագան, բոլորը ձեզի համար են։

ԱՌԱՋԻՆ ԿՈՐՆԹԱՑԻՍ 3:7

Այլեւս ո՛չ տնկողը կարեւորութիւն մը կը ներկայացնէ, ո՛չ ալ ջրողը, այլ աճեցնողը՝ Աստուած։

ԱՌԱՋԻՆ ԿՈՐՆԹԱՑԻՍ 9:17

Եթէ ազատ կամքովս ընէի այս քարոզութիւնը, վարձատրութիւն պիտի ակնկալէի. բայց իմ կամքովս չէ որ կ՚ընեմ, քանի Աստուծմէ ինծի յանձնուած պարտականութիւն մըն է։

ԵՐԿՐՈՐԴ ԿՈՐՆԹԱՑԻՍ 11:23

Քրիստոսի ծառանե՞րն են. աւելի մեծ յիմարութեամբ կրնամ ըսել՝ թէ ես շա՛տ աւելի Քրիստոսի ծառան եմ։ Իրենցմէ աւելի աշխատած եմ, իրենցմէ աւելի բանտարկուած, շատ աւելի ծեծ կերած եւ բազմաթիւ անգամներ մինչեւ մահուան դուռը հասած։

ԵՐԿՐՈՐԴ ԿՈՐՆԹԱՑԻՍ 3:3

եւ կրնայ յստակօրէն տեսնել՝ թէ Քրիստոսի նամակն էք դուք, պարզապէս մեր ձեռքով գրուած։ Գրուած՝ ո՛չ թէ մելանով, այլ՝ կենդանի Աստուծոյ Հոգիով. ո՛չ թէ քարեղէն տախտակներու, այլ՝ ձեր սիրտերու մարմնեղէն տախտակներուն վրայ։

ԵՐԿՐՈՐԴ ԿՈՐՆԹԱՑԻՍ 3:6

Դարձեալ ինքն է, որ մեզ արժանի ըրաւ ըլլալու ծառաները նոր Ուխտին, որ կապուած չէ՛ գրաւոր Օրէնքին, այլ՝ Սուրբ Հոգիին. որովհետեւ գրաւոր Օրէնքը մահուան կ՚առաջնորդէ, մինչդեռ Հոգին կեանք կու տայ։

ԵՐԿՐՈՐԴ ԿՈՐՆԹԱՑԻՍ 4:1

Հետեւաբար չենք յոգնիր այս պաշտօնէն, որ Աստուած մեզի տուաւ իր ողորմութեամբ։

ԵՐԿՐՈՐԴ ԿՈՐՆԹԱՑԻՍ 4:5

Սակայն մենք մեր անձերը չէ որ կը քարոզենք, այլ Տէրը՝ Յիսուս Քրիստոսը կը քարոզենք եւ Յիսուսի սիրոյն մենք մեզ ձեր ծառաները դարձուցած ենք։

ԵՐԿՐՈՐԴ ԿՈՐՆԹԱՑԻՍ 4:7

Արդ, այս գանձը մեր մէջ կը կրենք՝ կաւէ անօթներու պէս, որպէսզի յստակօրէն երեւի՝ թէ այս անսահման զօրութիւնը Աստուծմէ է որ կու գայ, եւ ո՛չ թէ մեզմէ։

ԵՐԿՐՈՐԴ ԿՈՐՆԹԱՑԻՍ 5:18

Եւ այս նորոգութիւնը կու գայ Աստուծմէ, որ Քրիստոսի միջոցաւ մեզ իրեն հետ հաշտեցուց եւ նաեւ պաշտօն տուաւ մեզի՝ ուրիշներն ալ հաշտութեան բերելու։

ԵՐԿՐՈՐԴ ԿՈՐՆԹԱՑԻՍ 6:1

Արդ, որովհետեւ Աստուծոյ գործպկիցներն ենք, կ՚աղաչենք ձեզի, մի՛ վատնէք Աստուծմէ ձեր ստացած շնորհքը։

ԵՐԿՐՈՐԴ ԿՈՐՆԹԱՑԻՍ 6:4

այլ՝ բոլոր պարագաներուն ալ դուք ձեզ ցոյց տուէք որպէս Աստուծոյ պաշտօնեաներ, մեծ համբերութեամբ յանձն առնելով նեղութիւնը, վիշտը, չարչարանքը,

ԵՓԵՍԱՑԻՍ 3:7

Եւ այդ Աւետարանին սպասաւոր եղայ Աստուծոյ ձրի շնորհքովը, որ Աստուած իր ներգործող զօրութեամբը ինծի տուաւ։

ԿՈՂՈՍԱՑԻՍ 1:23

Ուստի յարատեւեցէ՛ք ձեր հաւատքին մէջ, զայն ամուր հիմերու վրայ հաստատելով, անխախտ պահելով այն յոյսը՝ որ ունեցաք Աւետարանի քարոզութիւնը լսելով։ Ես՝Պօղոսս, ինքս ալ ծառայ մըն եմ այդ Աւետարանին, որ երկինքի տակ գտնուող բոլոր արարածներուն կը քարոզուի։

ԿՈՂՈՍԱՑԻՍ 1:25

Եւ ես եկեղեցիին ծառայ եղայ՝ իբրեւ Աստուծոյ կողմէ տրուած պարտականութիւն, որպէսզի իր ամբողջութեանը մէջ ձեզի քարոզեմ Աստուծոյ խօսքը,

ԱՌԱՋԻՆ ՏԻՄՈԹԷՈՍ 1:12

Երախտապարտ եմ մեր Տիրոջ՝ Քրիստոս Յիսուսի, որ զօրացուց զիս եւ արժանի համարեց իրեն սպասաւոր կարգելու.

ԱՌԱՋԻՆ ՊԵՏՐՈՍԻ 4:10

Ձեզմէ իւրաքանչիւրը իբրեւ Աստուծոյ բազմատեսակ պարգեւներուն իրաւ տնտես՝ իր ստացած շնորհքը ուրիշներուն թող մատակարարէ։