ԱՌԱՋԻՆ ԿՈՐՆԹԱՑԻՍ 13:2 - Western Armenian New Translation - Armenian Catholicosate of Cilicia - New Testament

² Եթէ մարգարէութեան պարգեւը ունենամ, կարենամ բոլոր խորհուրդներու խորքը թափանցել եւ հասնիմ ամբողջական գիտութեան, եւ նոյնիսկ լեռները տեղափոխելու չափ զօրաւոր հաւատք ունենամ, բայց սէր չունենամ, ոչինչ կ՚արժեմ։

Արեւմտահայերէն Նոր Կտակարան հարմարցուած․ 2017

² Եւ եթէ մարգարէութիւն ունենամ ու հասկնամ ամէն խորհուրդները ու ամէն գիտութիւնը եւ եթէ ունենամ ամէն հաւատքը մինչեւ լեռները տեղափոխելու ու սէր չունենամ, ոչինչ եմ։

Western Armenian Bible 1853

² Եւ եթէ մարգարէութիւն ունենամ ու հասկնամ ամէն խորհուրդները ու ամէն գիտութիւնը եւ եթէ ունենամ ամէն հաւատքը մինչեւ լեռները տեղափոխելու ու սէր չունենամ, ոչինչ եմ։

ԱՌԱՋԻՆ ԿՈՐՆԹԱՑԻՍ 13:2 Iomraidhean Croise

ՄԱՏԹԷՈՍ 13:11

Յիսուս պատասխանեց անոնց. – Դուք պէտք է գիտնաք Աստուծոյ արքայութեան գաղտնիքները, բայց ոչ՝ անոնք։

ՄԱՏԹԷՈՍ 17:20

Յիսուս պատասխանեց. – Ձեր թերահաւատութեան պատճառով։ Կ՚ըսեմ ձեզի, որ եթէ մանանեխի հատիկի մը չափ հաւատք ունենաք, պիտի կարենաք ըսել այս լերան. «Հոսկէ հոն տեղափոխուէ», եւ պիտի տեղափոխուի։ Ո՛չ մէկ բան անկարելի պիտի ըլլայ ձեզի համար։

ՄԱՏԹԷՈՍ 21:19

Ճամբուն վրայ թզենի մը տեսնելով՝ մօտեցաւ անոր, բայց տերեւէ զատ ոչինչ գտաւ։ Ուստի ըսաւ. – Ասկէ ետք յաւիտեան պտուղ չունենաս։ Եւ վայրկեանին թզենին չորցաւ։

ՄԱՏԹԷՈՍ 21:21

Յիսուս անոնց պատասխանեց. – Վստահ եղէք, որ եթէ հաւատք ունենաք եւ չկասկածիք, ո՛չ միայն պիտի կարենաք կատարել թզենիին պատահածը, այլ նոյնիսկ եթէ այս լերան ըսէք՝ «Ել եւ ծով ինկիր», պիտի կատարուի։

ԳՈՐԾՔ ԱՌԱՔԵԼՈՑ 13:1

Անտիոքի եկեղեցիին մէջ մարգարէներ եւ ուսուցիչներ կային, ինչպէս՝ Բառնաբասը եւ Շմաւոնը, որ Նիկէր կը կոչուէր, Կիրենացի Ղուկիոսը եւ Մանայէնը, որ Հերովդէս չորրորդապետի սննդակիցն էր, եւ Սօղոսը։

ՀՌՈՎՄԱՅԵՑԻՍ 11:25

Եղբայրնե՛ր, որպէսզի դուք ձեզ իմաստուն չհամարէք՝ կ՚ուզեմ որ Աստուծոյ ծրագիրին վերաբերմամբ հետեւեալ ծածուկ խորհուրդը գիտնաք, թէ Իսրայէլի մէկ մասին ցուցաբերած յամառ մերժումը պիտի տեւէ այնքան՝ մինչեւ որ բոլոր հեթանոսները Աստուծոյ դառնան.

ՀՌՈՎՄԱՅԵՑԻՍ 15:14

Ինչ կը վերաբերի ձեզի, եղբայրնե՛ր, ես ինքս համոզուած եմ որ դուք ինքնին բարութեամբ լեցուն էք եւ ամբողջական գիտութեամբ լեցուած, եւ հետեւաբար կրնաք նաեւ իրար խրատել։

ՀՌՈՎՄԱՅԵՑԻՍ 16:25

Փա՜ռք տանք Աստուծոյ, որ կրնայ ձեզ ձեր հաւատքին մէջ հաստատուն պահել այն Աւետարանով՝ որ ձեզի բերի Յիսուս Քրիստոսը քարոզելով։ Այդ Աւետարանը յայտնութիւնն է Աստուծոյ փրկութեան ծրագիրին, որ անցեալ բոլոր ժամանակներուն մէջ ծածուկ մնացած էր։

ԱՌԱՋԻՆ ԿՈՐՆԹԱՑԻՍ 11:4

Ոեւէ մարդ երբ աղօթած կամ մարգարէական պատգամախօսութիւն ըրած ատեն իր գլուխը ծածկուած կը պահէ, իր գլուխը՝ այսինքն Քրիստոսը անպատուած կ՚ըլլայ։

ԱՌԱՋԻՆ ԿՈՐՆԹԱՑԻՍ 12:28

Այդ մարմինին, այսինքն՝ եկեղեցիին մէջ Աստուած բազմաթիւ անդամներ կարգեց՝ զանազան ծառայութեանց համար. նախ՝ առաքեալները, երկրորդ մարգարէները, երրորդ՝ ուսուցանողները, ապա՝ հրաշագործ զօրութիւն ունեցողները, եւ դեռ՝ բժշկելու շնորհք ունեցողները, ուրիշներուն օգնելու ընդունակները, վարչական կարողութեամբ օժտուածները, յափշտակութեան մէջ լեզուներ խօսողները եւ այդ լեզուներով խօսուածը մեկնաբանելու ատակ մարդիկը։

ԱՌԱՋԻՆ ԿՈՐՆԹԱՑԻՍ 13:1

Եթէ մարդոց եւ հրեշտակներու լեզուները խօսիմ, բայց սէր չունենամ, ի՞նչ տարբերութիւն կ՚ունենամ պղինձէ շեփորէն որ կը հնչէ, կամ ծնծղաներէն որ կը ղօղանջեն։

ԱՌԱՋԻՆ ԿՈՐՆԹԱՑԻՍ 13:3

Ի՞նչ օգուտ, եթէ բոլոր ինչքերս աղքատներուն տամ եւ նոյնիսկ մարմինս կրակի մատնեմ. եթէ սէր չունիմ՝ ոչինչով կ՚օգտուիմ։

ԱՌԱՋԻՆ ԿՈՐՆԹԱՑԻՍ 13:8

Սէրը անվախճան է, մինչդեռ այս կեանքին հետ մարգարէական պատգամները վերջ պիտի գտնեն, հրեշտակներու լեզուներով խօսիլը պիտի դադրի, գիտութիւնն ալ վերջ պիտի գտնէ։

ԱՌԱՋԻՆ ԿՈՐՆԹԱՑԻՍ 14:29

Բայց եթէ Աստուծոյ պատգամները քարոզողներ կան՝ թող երկու կամ երեք հոգի խօսին, իսկ միւսները թող քննարկեն ըսուածները։

ԱՌԱՋԻՆ ԿՈՐՆԹԱՑԻՍ 14:39

Հետեւաբար, եղբայրնե՛ր, առաւելաբար ջանացէք Աստուծոյ պատգամները քարոզել. բայց անծանօթ լեզուներով խօսիլն ալ մի՛ արգիլէք։

ԱՌԱՋԻՆ ԿՈՐՆԹԱՑԻՍ 14:4

Լեզուներ խօսողը միայն ի՛նք կ՚օգտուի, մինչդեռ Աստուծոյ պատգամները հռչակողը՝ ամբողջ եկեղեցիին շինութիւն կը բերէ։

ԱՌԱՋԻՆ ԿՈՐՆԹԱՑԻՍ 15:51

Հիմա ձեզի ծածուկ խորհուրդ մը յայտնեմ։ Բոլորս չէ՛ որ պիտի մեռնինք.

ԱՌԱՋԻՆ ԿՈՐՆԹԱՑԻՍ 16:22

Ով որ Տէր Յիսուսը չի սիրեր՝ նզովեալ ըլլայ։ Մարան աթա. Տէրը շուտով կու գայ։

ԱՌԱՋԻՆ ԿՈՐՆԹԱՑԻՍ 4:1

Հետեւաբար՝ պէտք է մեզ նկատէք Քրիստոսի սպասաւորները, իբրեւ մարդիկ՝ որոնց յանձնուած է Աստուծոյ ծածուկ ծրագիրին վերակացութիւնը։

ԱՌԱՋԻՆ ԿՈՐՆԹԱՑԻՍ 7:19

Որովհետեւ կարեւորը մարդուս թլփատուած կամ անթլփատ ըլլալը չէ. կարեւորը՝ Աստուծոյ պատուիրանը պահելն է։

ԱՌԱՋԻՆ ԿՈՐՆԹԱՑԻՍ 8:4

Արդ, կուռքերուն զոհուած կերակուրներուն կապակցութեամբ գիտենք, թէ կուռքերը աշխարհի մէջ բան մը չեն ներկայացներ, եւ թէ միայն մէկ Աստուած կայ։

ԵՐԿՐՈՐԴ ԿՈՐՆԹԱՑԻՍ 12:11

Իրաւ որ անմիտ եղայ պարծենալով. բայց դո՛ւք ստիպեցիք զիս։ Դուք էր որ պէտք էր վկայէիք՝ թէ ես ոեւէ բանով ետ չեմ մնար ձեր այդ նշանաւոր “առաքեալ” ներէն, թէպէտեւ ոչինչ եմ։

ԳԱՂԱՏԱՑԻՍ 5:16

Հետեւեալը կը թելադրեմ. -- Սուրբ Հոգիով առաջնորդուեցէք, փոխանակ մեղանչական բնութեան յատուկ ցանկութիւնները կատարելու։

ԳԱՂԱՏԱՑԻՍ 5:22

Իսկ Սուրբ Հոգիին արդիւնքներն են՝ սէր, ուրախութիւն, խաղաղութիւն, համբերատարութիւն, ազնուութիւն, բարութիւն, հաւատարմութիւն,

ԳԱՂԱՏԱՑԻՍ 6:3

Որովհետեւ ով որ կը խորհի թէ ուրիշներէն տարբեր է՝ այնպիսին ինքզինք կը խաբէ, որովհետեւ բնաւ ալ տարբեր չէ։

ԵՓԵՍԱՑԻՍ 3:4

Զայն կարդալով՝ կրնաք հասկնալ թէ ո՛րքանով տեղեակ եմ Քրիստոսի ծածուկ ծրագրին։

ԵՓԵՍԱՑԻՍ 6:19

Աղօթեցէք նաեւ ինծի համար, որպէսզի Աստուած օգնէ ինծի՝ իր խօսքը տալով, եւ կարենամ համարձակօրէն պարզել Աւետարանին ծածուկ խորհուրդը։

ԿՈՂՈՍԱՑԻՍ 1:26

փրկութեան այն ծրագիրը՝ որ Աստուած անցեալ բոլոր դարերուն մարդկութեան բոլոր սերունդներէն ծածուկ պահած էր, եւ որ հիմա յայտնեց իր ընտրեալներուն։

ԱՌԱՋԻՆ ՏԻՄՈԹԷՈՍ 3:16

Եւ անհերքելիօրէն մեծ է աստուածպաշտութեան խորհուրդը, որովհետեւ Աստուած մարմինով երեւցաւ, եւ հոգիով արդարացաւ, հրեշտակներուն յայտնուեցաւ, ազգերուն մէջ քարոզուեցաւ, աշխարհի մէջ հաւատացուեցաւ, փառքով երկինք բարձրացուեցաւ։

ԱՌԱՋԻՆ ՅՈՎՀԱՆՆՈՒ 4:8

Իսկ ով որ չի սիրեր՝ զԱստուած չի ճանչնար, որովհետեւ Աստուած սէր է։