ԱՌԱՋԻՆ ԿՈՐՆԹԱՑԻՍ 13:1 - Western Armenian New Translation - Armenian Catholicosate of Cilicia - New Testament

¹ Եթէ մարդոց եւ հրեշտակներու լեզուները խօսիմ, բայց սէր չունենամ, ի՞նչ տարբերութիւն կ՚ունենամ պղինձէ շեփորէն որ կը հնչէ, կամ ծնծղաներէն որ կը ղօղանջեն։

Արեւմտահայերէն Նոր Կտակարան հարմարցուած․ 2017

¹ Եթէ մարդոց ու հրեշտակներուն լեզուները խօսիմ եւ սէր չունենամ, ես ձայն տուող պղինձի պէս եղայ, կամ հնչող ծնծղաներու պէս։

Western Armenian Bible 1853

¹ Եթէ մարդոց ու հրեշտակներուն լեզուները խօսիմ եւ սէր չունենամ, ես ձայն տուող պղինձի պէս եղայ, կամ հնչող ծնծղաներու պէս։

ԱՌԱՋԻՆ ԿՈՐՆԹԱՑԻՍ 13:1 Iomraidhean Croise

ՄԱՏԹԷՈՍ 25:45

Թագաւորը պիտի պատասխանէ անոնց. «Կ՚ըսեմ ձեզի, որովհետեւ այս փոքր եղբայրներէս մէկուն չօգնեցիք, ինծի օգնած չեղաք»։

ՄԱՐԿՈՍ 16:17

Անոնք որոնք կը հաւատան՝ հետեւեալ նշաններով յայտնի պիտի ըլլան.– Իմ անունովս չար ոգիներ պիտի հանեն, նոր լեզուներ պիտի խօսին,

ՀՌՈՎՄԱՅԵՑԻՍ 14:15

Եթէ գիտես թէ քու ուտելովդ եղբօրդ խղճմտանքը կը վիրաւորես, սիրով շարժած չես ըլլար՝ երբ ուտես։ Քու կերակուրովդ պատճառ մի՛ դառնար որ կորսուի եղբայրդ, որուն համար Քրիստոս իր կեանքը տուաւ։

ԱՌԱՋԻՆ ԿՈՐՆԹԱՑԻՍ 12:10

ուրիշի մը՝ հրաշագործութեան կարողութիւնը կու տայ, ուրիշի մը՝ մարգարէական պատգամախօսութիւն, ուրիշ մէկուն՝ Հոգիէն տրուած պարգեւները ճանչնալու կարողութիւն, ուրիշի մը՝ յափշտակութեան մէջ լեզուներ խօսելու շնորհք, իսկ ուրիշի մը՝ այդ լեզուներով խօսուածը մեկնաբանելու կարողութիւն։

ԱՌԱՋԻՆ ԿՈՐՆԹԱՑԻՍ 12:16

Եթէ ականջը ըսէ՝ «Որովհետեւ աչք չեմ, մարմինին մաս չեմ կազմեր», դարձեալ չի դադրիր մարմինին մէկ անդամը ըլլալէ։

ԱՌԱՋԻՆ ԿՈՐՆԹԱՑԻՍ 12:8

Այսպէս, Սուրբ Հոգին մէկուն կարողութիւն կու տայ իմաստութեամբ յորդորելու, միւսին՝ նոյն Հոգին կարողութիւն կու տայ հոգեւոր գիտութեան հասնելու եւ ուսուցանելու։

ԱՌԱՋԻՆ ԿՈՐՆԹԱՑԻՍ 13:8

Սէրը անվախճան է, մինչդեռ այս կեանքին հետ մարգարէական պատգամները վերջ պիտի գտնեն, հրեշտակներու լեզուներով խօսիլը պիտի դադրի, գիտութիւնն ալ վերջ պիտի գտնէ։

ԱՌԱՋԻՆ ԿՈՐՆԹԱՑԻՍ 14:2

Որովհետեւ, օրինակ, անծանօթ լեզուներով խօսողը մարդոց չէ որ կը խօսի, այլ՝ Աստուծոյ. որովհետեւ ո՛չ ոք զինք կը հասկնայ, թէպէտեւ անիկա Հոգիին զօրութեամբ խորհուրդներ կը պատմէ։

ԱՌԱՋԻՆ ԿՈՐՆԹԱՑԻՍ 14:4

Լեզուներ խօսողը միայն ի՛նք կ՚օգտուի, մինչդեռ Աստուծոյ պատգամները հռչակողը՝ ամբողջ եկեղեցիին շինութիւն կը բերէ։

ԱՌԱՋԻՆ ԿՈՐՆԹԱՑԻՍ 14:5

Ես պիտի ուզէի որ բոլորդ ալ լեզուներ խօսիք, բայց կը նախըտրեմ որ մարգարէութիւն ընէք. որովհետեւ մարգարէութիւն ընողը աւելի՛ օգտակար կ՚ըլլայ, քան լեզուներով խօսողը, բացի այն պարագայէն՝ երբ թարգմանող մը գտնուի, եւ ամբողջ եկեղեցին օգտուի։

ԱՌԱՋԻՆ ԿՈՐՆԹԱՑԻՍ 8:1

Գալով կուռքերուն զոհուած կերակուրներուն, գի–տեմ թէ «բոլորս ալ պէտք եղածը գիտենք» ըսողներ կան։ Գիտցէ՛ք սակայն, թէ գիտութիւնը կը հպարտացնէ, մինչ սէրը հաւատքը կ՚ամրապնդէ։

ԳԱՂԱՏԱՑԻՍ 5:22

Իսկ Սուրբ Հոգիին արդիւնքներն են՝ սէր, ուրախութիւն, խաղաղութիւն, համբերատարութիւն, ազնուութիւն, բարութիւն, հաւատարմութիւն,

ԳԱՂԱՏԱՑԻՍ 5:6

Որովհետեւ Քրիստոս Յիսուսի միանալէ ետք՝ ո՛չ թլփատուած ըլլալը արժէք մը ունի, ո՛չ ալ թլփատուած չըլլալը, այլ՝ սիրով գործի դրուած հաւատքը։

ԱՌԱՋԻՆ ՏԻՄՈԹԷՈՍ 1:5

Գերագոյն պատուիրանը սէրն է. անարատ սրտէ, մաքուր խղճմտանքէ եւ անկեղծ հաւատքէն բղխած սէրը։

ԱՌԱՋԻՆ ՊԵՏՐՈՍԻ 4:8

Ամէն բանէ առաջ՝ սրտանց սէր ունեցէք իրարու հանդէպ, որովհետեւ «սէրը պատճառ կ՚ըլլայ որ ձեր բազմաթիւ մեղքերը ներուին»։

ԵՐԿՐՈՐԴ ՊԵՏՐՈՍԻ 2:18

Որովհետեւ իմաստէ զուրկ մեծ–մեծ խօսքերով եւ մարմնական անառակ ցանկութիւններ գրգռելով՝ կը մոլորեցնեն անոնք, որոնք հազիւ փախած էին ուրիշ մոլորութեանց մէջ ապրող մարդոցմէ։

ՅԱՅՏՆՈՒԹԻՒՆ 14:2

Երկինքէն ձայն մը լսեցի, որ կը նմանէր առատ ջուրերու կամ ուժգին որոտումի ձայնին։ Ձայնը կը հնչէր երաժշտութեան մը պէս, որ քնարահարները կը նուագեն իրենց քնարներուն վրայ։