ԱՌԱՋԻՆ ԿՈՐՆԹԱՑԻՍ 1:5 - Western Armenian New Translation - Armenian Catholicosate of Cilicia - New Testament

⁵ որովհետեւ ամէն բանի մէջ հարստացաք իրմով, ըլլա՛յ խօսքի առատութեամբ, ըլլա՛յ գիտութեան։

Արեւմտահայերէն Նոր Կտակարան հարմարցուած․ 2017

⁵ որ դուք անով ամէն բանի մէջ հարստացաք ամէն խօսքով ու ամէն գիտութիւնով

Western Armenian Bible 1853

⁵ Որ դուք անով ամէն բանի մէջ հարստացաք ամէն խօսքով ու ամէն գիտութիւնով

ԱՌԱՋԻՆ ԿՈՐՆԹԱՑԻՍ 1:5 Iomraidhean Croise

ԳՈՐԾՔ ԱՌԱՔԵԼՈՑ 2:4

Բոլոր ներկաները Սուրբ Հոգիով լեցուեցան եւ սկսան տարբեր լեզուներովխօսիլ, ինչպէս որ Հոգին խօսիլ կու տար։

ՀՌՈՎՄԱՅԵՑԻՍ 11:12

Բայց եթէ անոնց յանցանքը պատճառ եղաւ որ աշխարհը Աստուծոյ շնորհքով հարստանայ, այսինքն՝ անոնց նուաստացումը պատճառ եղաւ որ հեթանոսները Աստուծոյ շնորհքով հարստանան, ո՜րքան աւելի մեծ պիտի ըլլայ բարիքը՝ երբ անոնք բոլորը հասնին փրկութեան։

ՀՌՈՎՄԱՅԵՑԻՍ 15:14

Ինչ կը վերաբերի ձեզի, եղբայրնե՛ր, ես ինքս համոզուած եմ որ դուք ինքնին բարութեամբ լեցուն էք եւ ամբողջական գիտութեամբ լեցուած, եւ հետեւաբար կրնաք նաեւ իրար խրատել։

ՀՌՈՎՄԱՅԵՑԻՍ 15:4

Բայց ինչ որ սկիզբէն Սուրբ գիրքին մէջ գրուեցաւ՝ մեր դաստիարակութեան համար գրուեցաւ, որպէսզի համբերութեամբ եւ Սուրբ գիրքերուն մեզի պարգեւած քաջալերանքով՝ յոյս ունենանք։

ԱՌԱՋԻՆ ԿՈՐՆԹԱՑԻՍ 12:10

ուրիշի մը՝ հրաշագործութեան կարողութիւնը կու տայ, ուրիշի մը՝ մարգարէական պատգամախօսութիւն, ուրիշ մէկուն՝ Հոգիէն տրուած պարգեւները ճանչնալու կարողութիւն, ուրիշի մը՝ յափշտակութեան մէջ լեզուներ խօսելու շնորհք, իսկ ուրիշի մը՝ այդ լեզուներով խօսուածը մեկնաբանելու կարողութիւն։

ԱՌԱՋԻՆ ԿՈՐՆԹԱՑԻՍ 12:8

Այսպէս, Սուրբ Հոգին մէկուն կարողութիւն կու տայ իմաստութեամբ յորդորելու, միւսին՝ նոյն Հոգին կարողութիւն կու տայ հոգեւոր գիտութեան հասնելու եւ ուսուցանելու։

ԱՌԱՋԻՆ ԿՈՐՆԹԱՑԻՍ 13:2

Եթէ մարգարէութեան պարգեւը ունենամ, կարենամ բոլոր խորհուրդներու խորքը թափանցել եւ հասնիմ ամբողջական գիտութեան, եւ նոյնիսկ լեռները տեղափոխելու չափ զօրաւոր հաւատք ունենամ, բայց սէր չունենամ, ոչինչ կ՚արժեմ։

ԱՌԱՋԻՆ ԿՈՐՆԹԱՑԻՍ 13:8

Սէրը անվախճան է, մինչդեռ այս կեանքին հետ մարգարէական պատգամները վերջ պիտի գտնեն, հրեշտակներու լեզուներով խօսիլը պիտի դադրի, գիտութիւնն ալ վերջ պիտի գտնէ։

ԱՌԱՋԻՆ ԿՈՐՆԹԱՑԻՍ 14:26

Ուրեմն, եղբայրնե՛ր. ի՞նչ ընել։ Երբ մէկտեղ կը հաւաքուիք, ձեզմէ իւրաքանչիւրը ի՛նչ շնորհք ալ ունենայ՝ սաղմոսելու, ուսուցանելու, Աստուծոյ մէկ յայտնութիւնը բերելու, անծանօթ լեզուներով խօսելու թէ այդ լեզուներով խօսուածը բացատրելու, թող այդ բոլորը եկեղեցւոյ օգուտին ծառայեցնէ։

ԱՌԱՋԻՆ ԿՈՐՆԹԱՑԻՍ 8:11

Եւ ահա, քու «գիտութիւն» դպատճառ պիտի ըլլայ որ կորուստի մատնուի հաւատքով տկար եղբայր մը, որուն համար Քրիստոս մեռաւ։

ԵՐԿՐՈՐԴ ԿՈՐՆԹԱՑԻՍ 4:6

Որովհետեւ Աստուած ինք, որ ըսաւ՝ «Խաւարին մէջ լոյս թող ծագի», ինք մեր սիրտերուն մէջ ծագեցաւ, որպէսզի լուսաւորուինք եւ Աստուծոյ փառքը ճանչնանք Յիսուս Քրիստոսի անձին մէջ։

ԵՐԿՐՈՐԴ ԿՈՐՆԹԱՑԻՍ 6:10

Թող մեր կեանքը տխուր կարծեն. մենք միշտ ուրախ ենք։ Աղքատ թող սեպեն. մենք շատերու կեանքերը կը ճոխացնենք։ Այո՛, կը թուի թէ ոչինչ ունինք, մինչդեռ ամէն ինչ ունինք։

ԵՐԿՐՈՐԴ ԿՈՐՆԹԱՑԻՍ 8:7

Դուք ամէն բանով գերազանց էք ուրիշներէն.– հաւատքով, Աստուծոյ խօսքին քարոզութեամբ, գիտութեամբ, փութաջանութեամբ եւ մեզի հանդէպ ձեր ցուցաբերած սիրով։ Կ՚ուզենք որ այս աստուածահաճոյ գործին մէջ եւս գերազանցըլլաք։

ԵՐԿՐՈՐԴ ԿՈՐՆԹԱՑԻՍ 9:11

Ամէն ձեւով պիտի հարստացնէ ձեզ, որպէսզի միշտ առատաձեռն ըլլաք, եւ մեր միջոցաւ փոխանցուած ձեր նուէրները զԱստուած գոհաբանելու պատճառ ըլլան։

ԵՓԵՍԱՑԻՍ 1:17

որպէսզի մեր Տիրոջ Յիսուս Քրիստոսի Աստուածը, Հայրը՝ որուն կը պատկանի փառքը, ձեզի տայ իմաստութիւն եւ յայտնութիւն պարգեւող Հոգին, որպէսզի կարենաք զինք ճանչնալ։

ԵՓԵՍԱՑԻՍ 2:7

որպէսզի գալիք բոլոր ժամանակներուն մէջ մարդիկ տեսնեն այն գերազանցօրէն մեծ շնորհքը, որ Աստուած ա՜յնքան բարութեամբ ցոյց տուաւ մեզի՝ Քրիստոս Յիսուսի անձին մէջ։

ԵՓԵՍԱՑԻՍ 3:8

Այո՛, ինծի՝ որ Աստուծոյ ժողովուրդին մէջ յետիններուն յետինն եմ՝ Աստուած այս շնորհքը տուաւ, որպէսզի բոլոր ազգերուն աւետիս տամ՝ թէ ի՛նչպիսի աներեւակայելի գանձ մըն է Քրիստոս,

ԵՓԵՍԱՑԻՍ 6:19

Աղօթեցէք նաեւ ինծի համար, որպէսզի Աստուած օգնէ ինծի՝ իր խօսքը տալով, եւ կարենամ համարձակօրէն պարզել Աւետարանին ծածուկ խորհուրդը։

ՓԻԼԻՊՊԵՑԻՍ 1:9

Իմ աղօթքս է, որ ձեր սէրը աւելի եւ աւելի աճի աստուածգիտութեամբ եւ կատարեալ դատողութեամբ,

ԿՈՂՈՍԱՑԻՍ 2:3

Քրիստոսի մէջ ծածկուած կը գտնուի Աստուծոյ իմաստութեան ու գիտութեան ամբողջ գանձարանը։

ԿՈՂՈՍԱՑԻՍ 3:10

եւ նոր մարդ եղէք՝ ձեր Արարիչին պատկերին համաձայն նորոգուելով, որպէսզի կարենաք զինք ճանչնալ։

ՅԱԿՈԲՈՒ 3:13

Ձեր մէջ իմաստուն եւ խելացի մարդ կա՞յ. թող ցոյց տայ՝ իր օրինակելի կեանքով եւ հեզութեան ու իմաստութեան արտայայտութիւնը եղող գործերով։

ԵՐԿՐՈՐԴ ՊԵՏՐՈՍԻ 3:18

Այլ, մեր Տիրոջ եւ Փրկչին՝ Յիսուս Քրիստոսի շնորհքովն ու գիտութեամբը աճեցէք։ Անոր փառք, թէ՛ այժմ եւ թէ՛ յաւիտենական օրը։ Ամէն։