ԱՌԱՋԻՆ ԿՈՐՆԹԱՑԻՍ 1:1 - Western Armenian New Translation - Armenian Catholicosate of Cilicia - New Testament

¹ Ես, Պօղոս, որ Աստուծոյ կամքով կոչուած եմ Յիսուս Քրիստոսի առաքեալը ըլլալու, եւ Սոսթենէս՝ մեր եղբայրը,

Արեւմտահայերէն Նոր Կտակարան հարմարցուած․ 2017

¹ Պօղոս, Աստուծոյ կամքովը Յիսուս Քրիստոսի առաքեալ ըլլալու կանչուած ու Սոսթենէս եղբայրը,

Western Armenian Bible 1853

¹ Պօղոս, Աստուծոյ կամքովը Յիսուս Քրիստոսի առաքեալ ըլլալու կանչուած ու Սոսթենէս եղբայրը,

ԱՌԱՋԻՆ ԿՈՐՆԹԱՑԻՍ 1:1 Iomraidhean Croise

ՂՈԻԿԱՍ 6:13

Առաւօտուն իր մօտ կանչեց իր աշակերտները եւ անոնցմէ տասներկու հոգի ընտրեց, որոնք նաեւ առաքեալ կոչեց։

ՅՈՎՀԱՆՆՈԻ 15:16

Դուք չէ որ զիս ընտրեցիք, այլ ե՛ս ձեզ ընտրեցի եւ նշանակեցի ձեզ՝ որ երթաք եւ պտղաբեր ըլլաք եւ ձեր պտուղը մնայուն ըլլայ, որպէսզի Հայրս տայ ձեզի ինչ որ իմ անունովս խնդրէք։

ՅՈՎՀԱՆՆՈԻ 20:21

Յիսուս կրկին ըսաւ անոնց. – Ողջո՛յն ձեզի։ Ինչպէս որ Հայրս զիս ղրկեց, ես ալ ձեզ կը ղրկեմ։

ԳՈՐԾՔ ԱՌԱՔԵԼՈՑ 1:15

Համբարձումէն քանի մը օրեր ետք, երբ շուրջ հարիւր քսանհաւատացեալներ մէկտեղուած էին, Պետրոս ոտքի ելլելով ըսաւ. –

ԳՈՐԾՔ ԱՌԱՔԵԼՈՑ 1:2

մինչեւ այն օրը, երբ Սուրբ Հոգիին զօրութեամբ իր պատուէրները տալէ ետք իր ընտրած առաքեալներուն, երկինք համբարձաւ։

ԳՈՐԾՔ ԱՌԱՔԵԼՈՑ 18:17

Ասոր վրայ, Յոյները բոլորը մէկ բռնեցին Սոսթենէս ժողովրդապետը եւ ատեանին առջեւ ծեծեցին։ Բայց ասիկա բնաւ Գալիոնի հոգը չեղաւ։

ԳՈՐԾՔ ԱՌԱՔԵԼՈՑ 22:21

Բայց Տէրը ինծի ըսաւ. «Գնա՛, որովհետեւ ես քեզ հեռաւոր ազգերուն պիտի ղրկեմ»։

ՀՌՈՎՄԱՅԵՑԻՍ 1:1

Ես, Պօղոս, ծառան եմ Քրիստոս Յիսուսի, որ զիս կանչեց իր առաքեալը ըլլալու եւ պաշտօն տուաւ Աստուծոյ Աւետարանը քարոզելու։

ՀՌՈՎՄԱՅԵՑԻՍ 1:10

եւ միշտ աղօթքներուս մէջ կը խնդրեմ որ Աստուծոյ կամքով յաջողիմ ձեզի գալ։

ՀՌՈՎՄԱՅԵՑԻՍ 1:5

Ա՛ն էր որ ինծի առաքեալ ըլլալու շնորհքը տուաւ, որպէսզի իր անունին հաւատալու եւ հնազանդելու հրաւիրեմ բոլոր ազգերը,

ԱՌԱՋԻՆ ԿՈՐՆԹԱՑԻՍ 15:9

Արդարեւ, առաքեալներուն մէջ յետինն եմ ես եւ արժանի իսկ չեմ առաքեալ կոչուելու, քանի Աստուծոյ եկեղեցին հալածեցի։

ԱՌԱՋԻՆ ԿՈՐՆԹԱՑԻՍ 3:9

Որովհետեւ մենք պարզապէս Աստուծոյ գործակիցներ ենք. դուք Աստուծո՛յ անդաստանն էք եւ Աստուծո՛յ շինութիւնը, եւ ո՛չ թէ մերը։

ԵՐԿՐՈՐԴ ԿՈՐՆԹԱՑԻՍ 1:1

Ես, Պօղոս, Աստուծոյ կամքով Յիսուս Քրիստոսի առաքեալը, եւ Տիմոթէոս՝ մեր եղբայրը, կը գրենք ձեզի՝ Կորնթոսի մէջ հաստատուած Աստուծոյ եկեղեցիին եւ ամբողջ Աքայիայի մէջ գտնուող քրիստոնեաներուդ։

ԵՐԿՐՈՐԴ ԿՈՐՆԹԱՑԻՍ 11:5

Չեմ գիտեր թէ ես ձեր այդ նշանաւոր “առաքեալ” ներէն բանով մը ետ կը մնա՞մ։

ԵՐԿՐՈՐԴ ԿՈՐՆԹԱՑԻՍ 12:12

Իմ առաքեալ ըլլալուս նշանները Աստուած ցոյց տուաւ այն գործերով՝ նշաններով, սքանչելիքներով ու զօրաւոր հրաշքներով, որ ես մեծ համբերութեամբ կատարեցի ձեր մէջ։

ԵՐԿՐՈՐԴ ԿՈՐՆԹԱՑԻՍ 8:5

Մեր ակնկալածէն շատ աւելին ըրին. նախ՝ իրենք զիրենք յանձնեցին Տիրոջ, եւ ապա՝ Աստուծոյ կամքով՝ նաեւ մեզի։

ԳԱՂԱՏԱՑԻՍ 1:1

Ես՝ Պօղոս, առաքեալ եղած՝ ո՛չ թէ մարդոց կողմէ, ո՛չ ալ ոեւէ մէկուն միջոցաւ, այլ Յիսուս Քրիստոսէ եւ Հօր Աստուծմէ՝ որ զայն մեռելներէն յարուցանեց,

ԵՓԵՍԱՑԻՍ 1:1

Ես, Պօղոս, Աստուծոյ կամքով Քրիստոս Յիսուսի առաքեալը, կը գրեմ Եփեսոս բնակող եղբայրներուդ, Քրիստոս Յիսուսի հաւատացողներուդ։

ԵՓԵՍԱՑԻՍ 4:11

Եւ ինքը՝ Քրիստոսն էր որ «պարգեւներ բաշխեց մարդոց», որպէսզի ոմանք առաքեալ ըլլան, ոմանք՝ մարգարէ, ոմանք՝ աւետարանիչ, ոմանք՝ հովիւ եւ ուսուցանող,

ԿՈՂՈՍԱՑԻՍ 1:1

Ես, Պօղոս, Աստուծոյ կամքով Յիսուս Քրիստոսի առաքեալը, եւ Տիմոթէոս՝ մեր եղբայրը,

ԱՌԱՋԻՆ ՏԻՄՈԹԷՈՍ 1:1

Ես՝ Պօղոս, որ Քրիստոս Յիսուսի առաքեալն եմ՝ մեր փրկիչ Աստուծոյ եւ մեր յոյսը եղող Քրիստոս Յիսուսի հրամանով,

ԱՌԱՋԻՆ ՏԻՄՈԹԷՈՍ 2:7

եւ նոյն այդ վկայութիւնը տալու համար է որ ես ալ քարոզիչ եւ առաքեալ կարգուեցայ, քրիստոնէական հաւատքը եւ ճշմարտութիւնը սորվեցնելու համար բոլոր հեթանոսներուն։ Եւ Քրիստոս ինք վկայ է՝ թէ ճշմարտութիւնը կ՚ըսեմ, առանց ստելու։

ԵՐԿՐՈՐԴ ՏԻՄՈԹԷՈՍ 1:1

Ես՝ Պօղոս, որ Աստուծոյ կամքով Յիսուս Քրիստոսի առաքեալը եղայ՝ որպէսզի քարոզեմ իր խոստացած կեանքը, որ մենք՝ Քրիստոս Յիսուսի միացողներս ունինք,