ՓԻԼԻՊՊԵՑԻՍ 2:3 - Արեւմտահայերէն Նոր Կտակարան հարմարցուած․ 2017

³ Բան մը գրգռութիւնով կամ սնապարծութիւնով մի՛ ընէք. հապա խոնարհութիւնով մէկզմէկ ձեր անձէն լաւ սեպեցէք.

Western Armenian Bible 1853

³ Բան մը գրգռութիւնով կամ սնապարծութիւնով մի՛ ընէք. հապա խոնարհութիւնով մէկզմէկ ձեր անձէն լաւ սեպեցէք.

Western Armenian New Translation - Armenian Catholicosate of Cilicia - New Testament

³ Մի՛ ընէք ոեւէ բան որ հակառակասիրութենէ կամ փառասիրութենէ մղուած ըլլայ. այլ՝ խոնարհ ոգիով՝ ձեր ընկերները աւելի լաւ համարեցէք քան դուք ձեզ։

ՓԻԼԻՊՊԵՑԻՍ 2:3 Iomraidhean Croise

ՂՈԻԿԱՍ 18:14

Ձեզի կ’ըսեմ թէ ասիկա այն միւսէն աւելի արդարացած իր տունը գնաց, վասն զի ով որ իր անձը կը բարձրացնէ՝ պիտի խոնարհի եւ ով որ իր անձը կը խոնարհեցնէ՝ պիտի բարձրանայ»։

ՀՌՈՎՄԱՅԵՑԻՍ 12:10

Եղբայրսիրութեան մէջ իրարու գորովալից եղէ՛ք. պատուելու մէջ իրարմէ անցէ՛ք.

ՀՌՈՎՄԱՅԵՑԻՍ 13:13

Որպէս զի ցորեկ ատեն՝ պարկեշտութեամբ պտըտինք, ո՛չ թէ անառակութիւններով ու գինովութիւններով եւ ո՛չ թէ խառնակ անկողիններով ու պղծութիւններով եւ ո՛չ թէ հակառակութիւնով ու նախանձով.

ՀՌՈՎՄԱՅԵՑԻՍ 2:8

բայց անոնց՝ որ հակառակ են եւ ճշմարտութեան անհնազանդ ու անիրաւութեան հնազանդած՝ պիտի ըլլայ բարկութիւն եւ սրտմտութիւն,

ԱՌԱՋԻՆ ԿՈՐՆԹԱՑԻՍ 15:9

Վասն զի ես առաքեալներուն ամենէն յետինն եմ, որ արժանի ալ չեմ առաքեալ ըսուելու, վասն զի Աստուծոյ եկեղեցին հալածեցի։

ԱՌԱՋԻՆ ԿՈՐՆԹԱՑԻՍ 3:3

Որովհետեւ տակաւին ձեր մէջ նախանձ ու հակառակութիւն եւ բաժանումներ կան. չէ՞ որ մարմնաւոր էք ու մարդկօրէն կը քալէք։

ԵՐԿՐՈՐԴ ԿՈՐՆԹԱՑԻՍ 12:20

քանզի կը վախնամ որ չըլլայ թէ երբ գամ՝ ձեզ ուզածիս պէս չգտնեմ եւ ես ալ ձեզի ձեր ուզածին պէս չգտնուիմ. չըլլայ թէ ձեր մէջ գտնուին վէճեր, նախանձներ, սրտմտութիւններ, կամ գրգռութիւններ, չարախօսութիւններ, բանսարկութիւններ, ամբարտաւանութիւններ, խռովութիւններ.

ԳԱՂԱՏԱՑԻՍ 5:15

Ապա եթէ իրար խածնէք եւ ուտէք, զգոյշ կեցէք որ չըլլայ թէ իրար սպառէք։

ԳԱՂԱՏԱՑԻՍ 5:26

Սնապարծ չըլլանք՝ մէկզմէկ գրգռելով ու իրարու վրայ նախանձելով։

ԵՓԵՍԱՑԻՍ 4:2

լման խոնարհութիւնով ու հեզութիւնով, երկայնմտութեամբ, սիրով իրարու ներողամիտ ըլլալով.

ԵՓԵՍԱՑԻՍ 5:21

Իրարու հնազանդ եղէ՛ք Աստուծոյ վախովը։

ՓԻԼԻՊՊԵՑԻՍ 2:14

Ամէն բան առանց տրտունջներու ու վիճաբանութիւններու ըրէք.

ԿՈՂՈՍԱՑԻՍ 3:12

Ուստի Աստուծոյ ընտրեալ սուրբերու եւ սիրելիներու պէս ձեր վրայ հագէ՛ք գութը, ողորմութիւնը եւ քաղցրութիւնը, խոնարհութիւնը, հեզութիւնը, երկայնմտութիւնը,

ԿՈՂՈՍԱՑԻՍ 3:8

Բայց հիմա մէկդի՛ ձգեցէք դուք ալ այն ամէնը՝ բարկութիւնը, սրտմտութիւնը, չարութիւնը հայհոյութիւնը, անհամեստ խօսքերը ձեր բերաններէն։

ԱՌԱՋԻՆ ՏԻՄՈԹԷՈՍ 6:4

այնպիսին հպարտացած է ու բան մը չի գիտեր, հապա վէճերով ու հակառակութիւններով ախտացած է. որոնցմէ կը յառաջանան նախանձ, կռիւ, հայհոյութիւններ, գէշ կասկածներ,

ԱՌԱՋԻՆ ՊԵՏՐՈՍԻ 3:8

Վերջապէս ամէնքդ մէկ մտքի վրայ եղէք, կարեկից, եղբայրասէր, ողորմած ու քաղցրաբարոյ։

ԱՌԱՋԻՆ ՊԵՏՐՈՍԻ 5:5

Նմանապէս դո՛ւք, երիտասարդներ, հնազա՛նդ եղէք ծերերուն։ Ամէնքդ իրարու հնազանդ ըլլալով՝ խոնարհութիւն հագէք. վասն զի Աստուած ամբարտաւաններուն հակառակ կը կենայ, բայց խոնարհներուն շնորհք կու տայ։