ԵՐԿՐՈՐԴ ՏԻՄՈԹԷՈՍ 2:26 - Արեւմտահայերէն Նոր Կտակարան հարմարցուած․ 2017

²⁶ եւ Սատանային որոգայթէն զգաստանան, որմէ բռնուած են անոր կամքին ծառայելու։

Western Armenian Bible 1853

²⁶ Եւ Սատանային որոգայթէն զգաստանան, որմէ բռնուած են անոր կամքին ծառայելու։

Western Armenian New Translation - Armenian Catholicosate of Cilicia - New Testament

²⁶ եւ զգաստանալով՝ դուրս գան Սատանային որոգայթներէն, որոնց մէջ բռնուած՝ անոր կամքը կը կատարեն։

ԵՐԿՐՈՐԴ ՏԻՄՈԹԷՈՍ 2:26 Iomraidhean Croise

ՂՈԻԿԱՍ 11:21

Երբ զօրաւոր մարդ մը զէնքերը վրան առած՝ իր տանը բակը պահպանէ, անոր բաները խաղաղութեան մէջ կը մնան.

ՂՈԻԿԱՍ 15:17

Այն ատեն ինքզինքին գալով՝ ըսաւ. ‘Քանի՜ բանուորներ կան իմ հօրս տունը հացով լեցուած, ես հոս սովամահ կը կորսուիմ։

ՂՈԻԿԱՍ 5:10

Նոյնպէս ալ Զեբեդէոսի որդիները՝ Յակոբոս եւ Յովհաննէս՝ որոնք Սիմոնին ընկերներն էին։ Յիսուս ըսաւ Սիմոնին. «Մի՛ վախնար, ասկէ ետեւ մարդոց որսորդ պիտի ըլլաս»։

ՅՈՎՀԱՆՆՈԻ 13:2

Երբ ընթրիքը կ’ըլլար, (Սատանան արդէն Իսկարիովտացի Սիմոնեան Յուդային սրտին մէջ դրեր էր, որ զանիկա մատնէ),

ՅՈՎՀԱՆՆՈԻ 13:27

Պատառէն ետքը Սատանան անոր ներսը մտաւ։ Յիսուս ըսաւ անոր. «Ինչ որ պիտի ընես՝ շուտով ըրէ»։

ԳՈՐԾՔ ԱՌԱՔԵԼՈՑ 26:18

անոնց աչքերը բանալու, խաւարէն լոյսի ու Սատանային իշխանութենէն Աստուծոյ դարձնելու, որպէս զի անոնք մեղքերու թողութիւն գտնեն եւ սուրբերուն հետ մասնակից ըլլան ինծի հաւատալով’»։

ԳՈՐԾՔ ԱՌԱՔԵԼՈՑ 5:3

Եւ Պետրոս ըսաւ. «Անանիա՛, ինչո՞ւ Սատանան քու սիրտդ լեցուց, որ դուն Սուրբ Հոգիին սուտ խօսիս ու ագարակին գինէն խորես։

ԱՌԱՋԻՆ ԿՈՐՆԹԱՑԻՍ 15:34

Արդարութիւնով զգաստացէ՛ք ու մեղք մի՛ գործէք, վասն զի ձեզմէ ոմանք Աստուծոյ գիտութիւնը չունին. ձեզ ամչցնելու համար կ’ըսեմ։

ԵՐԿՐՈՐԴ ԿՈՐՆԹԱՑԻՍ 2:11

որ չըլլայ թէ զրկանք մը կրենք Սատանայէն. քանզի անոր խորհուրդները գիտենք։

ԵՓԵՍԱՑԻՍ 5:14

Անոր համար կ’ըսէ. «Արթնցի՛ր, դուն որ կը քնանաս եւ կանգնէ՛ մեռելներէն ու Քրիստոս քեզի լո՛յս պիտի տայ»։

ԿՈՂՈՍԱՑԻՍ 1:13

Որ մեզ ազատեց խաւարին իշխանութենէն ու իր սիրելի Որդիին թագաւորութեանը փոխադրեց։

ԱՌԱՋԻՆ ՏԻՄՈԹԷՈՍ 1:20

որոնցմէ են Հիմենոսն ու Աղեքսանդրոսը, որոնք ես Սատանային մատնեցի, որպէս զի սորվին հայհոյութիւն չընել։

ԱՌԱՋԻՆ ՏԻՄՈԹԷՈՍ 3:7

Հապա պէտք է եկեղեցիէն դուրս եղողներէն ալ բարի վկայութիւն բերէ, որ չըլլայ թէ նախատինքի մէջ ու Սատանային որոգայթին մէջ իյնայ։

ՅԱՅՏՆՈՒԹԻՒՆ 12:9

Ուստի վար ձգուեցաւ մեծ վիշապը, այն առաջուան օձը, որ Բանսարկու ու Սատանայ կը կոչուի, որ բոլոր աշխարհ մոլորեցուց։ Իր հրեշտակներն ալ իրեն հետ վար ձգուեցան երկրի վրայ։