ԵՐԿՐՈՐԴ ՏԻՄՈԹԷՈՍ 2:16 - Արեւմտահայերէն Նոր Կտակարան հարմարցուած․ 2017

¹⁶ Բայց պիղծ ու փուճ խօսքերէն մէկդի՛ կեցիր, քանզի անոնք աւելի յառաջ կ’երթան ամբարշտութեան մէջ

Western Armenian Bible 1853

¹⁶ Բայց պիղծ ու փուճ խօսքերէն մէկդի՛ կեցիր, քանզի անոնք աւելի յառաջ կ’երթան ամբարշտութեան մէջ

Western Armenian New Translation - Armenian Catholicosate of Cilicia - New Testament

¹⁶ Հեռո՛ւ կեցիր հաւատքի ճշմարտութիւնները խեղաթիւրող պարապ վիճաբանութիւններէ, որոնք հետզհետէ մարդիկը Աստուծմէ հեռացնելու կը ծառայեն միայն։

ԵՐԿՐՈՐԴ ՏԻՄՈԹԷՈՍ 2:16 Iomraidhean Croise

ԱՌԱՋԻՆ ԿՈՐՆԹԱՑԻՍ 15:33

Մի՛ խաբուիք. չար ընկերակցութիւնները աղէկ բարքը կ’ապականեն։

ԱՌԱՋԻՆ ԿՈՐՆԹԱՑԻՍ 5:6

Այդ ձեր պարծենալը աղէկ չէ։ Չէ՞ք գիտեր թէ քիչ մը խմորը բոլոր զանգուածը կը խմորէ։

ԱՌԱՋԻՆ ՏԻՄՈԹԷՈՍ 1:9

Բայց ա՛յս թող գիտնայ թէ արդարներուն համար չէ օրէնքը, հապա անօրէններուն ու անհնազանդներուն համար, ամբարիշտներուն եւ մեղաւորներուն, անսուրբներուն եւ պիղծերուն, հայր ու մայր զարնողներուն, մարդասպաններուն,

ԱՌԱՋԻՆ ՏԻՄՈԹԷՈՍ 4:7

Բայց պիղծ ու պառաւական առասպելներէն ե՛տ կեցիր եւ քու անձդ աստուածպաշտութեան վարժեցուր.

ԱՌԱՋԻՆ ՏԻՄՈԹԷՈՍ 6:20

Ո՜վ Տիմոթէոս, քեզի տրուած աւանդը պահէ, փախչելով պիղծ ունայնաբանութիւններէ եւ սուտանուն գիտութեան հակառակութիւններէ։

ԵՐԿՐՈՐԴ ՏԻՄՈԹԷՈՍ 2:14

Այս բաները անոնց միտքը ձգէ՝ Տէրոջը առջեւ վկայելով, խօսքերու վրայ վէճ չընել՝ որ բանի մը օգտակար չէ, հապա միայն կը կործանէ լսողները։

ԵՐԿՐՈՐԴ ՏԻՄՈԹԷՈՍ 2:21

Ուստի եթէ մէկը իր անձը անարգ բաներէ մաքրէ, անիկա պատուական անօթ մը պիտի ըլլայ, սրբուած ու իր Տէրոջը պիտանի, ամէն բարի գործերու համար պատրաստուած։

ԵՐԿՐՈՐԴ ՏԻՄՈԹԷՈՍ 3:13

Բայց չար ու խաբեբայ մարդիկ չարութեան մէջ պիտի յառաջանան՝ մոլորեցնելով ու մոլորելով։

ՏԻՏՈՍԻՆ 1:11

անոնք պէտք է պապանձեցնել, քանի որ ամբողջ տուներ կը կործանեն ու անպատեհ բաներ կը սորվեցնեն անարգ շահախնդրութեան համար.

ՏԻՏՈՍԻՆ 1:14

ու չնային Հրէական առասպելներուն եւ ճշմարտութենէն հեռացող մարդոց պատուէրներուն։

ՏԻՏՈՍԻՆ 3:9

Բայց դուն յիմարական վէճերէն ու ազգահամարներէն ու հակառակութիւններէն եւ օրէնքի վրայով եղած կռիւներէն մէկդի՛ կեցիր, վասն զի անօգուտ են ու սնոտի։

ԵԲՐԱՅԵՑԻՍ 12:15

Զգուշացէ՛ք, չըլլայ որ մէկը Աստուծոյ շնորհքէն ետ մնայ. չըլլայ որ դառնութեան արմատ մը վեր երեւնալով՝ ձեզ նեղէ ու անով շատեր պղծուին.

ԵՐԿՐՈՐԴ ՊԵՏՐՈՍԻ 2:18

Քանզի ունայնութեան հպարտ խօսքեր ընելով՝ գիջութիւններով, մարմնի ցանկութիւններով կը խաբեն զանոնք որ քիչ մը առաջ փախեր էին անոնցմէ՝ որ մոլորութեան մէջ կը պտըտին.

ԵՐԿՐՈՐԴ ՊԵՏՐՈՍԻ 2:2

Շատեր անոնց կորստական ընթացքներուն ետեւէն պիտի երթան, որոնց համար ճշմարտութեան ճամբուն պիտի հայհոյեն.

ՅԱՅՏՆՈՒԹԻՒՆ 13:14

Երկրի վրայ բնակողները կը մոլորեցնէր այն նշաններով, որ իր ձեռքը տրուած էր գազանին առջեւ ընելու։ Երկրի բնակիչներուն կ’ըսէր, որ պատկերը շինեն այն գազանին, որ սուրով վիրաւորուած էր ու առողջացաւ։

ՅԱՅՏՆՈՒԹԻՒՆ 13:3

Անոր գլուխներէն մէկը մահու չափ վիրաւորուածի պէս էր, բայց անոր մահացու վէրքը առողջացաւ եւ բոլոր երկիր գազանին վրայ զարմացաւ։