ԱՌԱՋԻՆ ՏԻՄՈԹԷՈՍ 5:6 - Արեւմտահայերէն Նոր Կտակարան հարմարցուած․ 2017

⁶ Բայց փափկասէր որբեւարին թէեւ կենդանի՝ բայց մեռած է։

Western Armenian Bible 1853

⁶ Բայց փափկասէր որբեւարին թէեւ կենդանի՝ բայց մեռած է։

Western Armenian New Translation - Armenian Catholicosate of Cilicia - New Testament

⁶ Իսկ հանգստութիւն ու վայելք փնտռող այրին կենդանի մեռած մըն է արդէն։

ԱՌԱՋԻՆ ՏԻՄՈԹԷՈՍ 5:6 Iomraidhean Croise

ՄԱՏԹԷՈՍ 8:22

Յիսուս ըսաւ անոր. «Եկուր իմ ետեւէս ու թող տուր մեռելներուն, որ թաղեն իրենց մեռելները»։

ՂՈԻԿԱՍ 12:19

եւ իմ անձիս ըսեմ. ‘Ո՛վ անձս, շատ բարիքներ ունիս շատ տարիներու համար ժողվուած. հանգչէ՛, կե՛ր, խմէ՛ եւ ուրախ եղի՛ր’։

ՂՈԻԿԱՍ 15:13

Շատ օրեր չանցած՝ պզտիկ որդին բոլոր բաները հաւաքեց, հեռու երկիր մը գնաց եւ հոն անառակութեամբ ապրելով իր ունեցածը փճացուց։

ՂՈԻԿԱՍ 15:24

վասն զի այս իմ որդիս մեռած էր ու ողջնցաւ, կորսուած էր ու գտնուեցաւ’։ Սկսան ուրախութիւն ընել։

ՂՈԻԿԱՍ 15:32

Սակայն պէտք է ուրախ ըլլալ եւ խնդալ, վասն զի այս քու եղբայրդ մեռած էր ու ողջնցաւ, կորսուած էր ու գտնուեցաւ’»։

ՂՈԻԿԱՍ 16:19

«Հարուստ մարդ մը կար, որ ծիրանի ու բեհեզ կը հագնէր եւ ամէն օր փառաւորապէս ուրախութիւն կ’ընէր։

ՂՈԻԿԱՍ 7:25

Հապա ի՞նչ տեսնելու ելաք. փափուկ հանդերձներ հագած մա՞րդ մը։ Ահա անոնք որ փառաւոր հագուստներով ու փափկութեան մէջ են, թագաւորական պալատներն են։

ԵՓԵՍԱՑԻՍ 2:1

Դուք յանցանքներու ու մեղքերու մէջ մեռած էիք, ինք ձեզ կենդանացուց։

ԵՓԵՍԱՑԻՍ 2:5

երբ յանցանքներու մէջ մեռած էինք, մեզ Քրիստոսին հետ կենդանացուց, (դուք շնորհքով փրկուած էք),

ԵՓԵՍԱՑԻՍ 5:14

Անոր համար կ’ըսէ. «Արթնցի՛ր, դուն որ կը քնանաս եւ կանգնէ՛ մեռելներէն ու Քրիստոս քեզի լո՛յս պիտի տայ»։

ԿՈՂՈՍԱՑԻՍ 2:13

Եւ ձեզ, որ ատեն մը յանցանքներու մէջ ու ձեր մարմնին անթլփատութեանը մէջ մեռած էիք, կենդանացուց անոր հետ. մեր բոլոր յանցանքները ներեց մեզի։

ԵՐԿՐՈՐԴ ՏԻՄՈԹԷՈՍ 3:6

Վասն զի ասոնցմէ ոմանք տուներէն ներս կը մտնեն ու գերի կ’ընեն մեղքով բեռնաւորուած տկարամիտ կիները՝ զանազան ցանկութիւններէ վարուած,

ՅԱԿՈԲՈՒ 5:5

Երկրին վրայ փափկութեամբ եւ հեշտութեամբ ապրեցաք, սրտերնիդ սնուցանեցիք՝ որպէս թէ մորթուելու օրուան համար։

ՅԱՅՏՆՈՒԹԻՒՆ 18:7

Որչափ որ փառաւորեց զինք եւ զեղխութեամբ ապրեցաւ, այնչափ ալ տանջանք եւ սուգ հատուցանեցէք անոր. վասն զի իր սրտին մէջ կ’ըսէ. ‘Ես թագուհի եմ, որբեւարի չեմ ու բնաւ սուգ պիտի չտեսնեմ’։

ՅԱՅՏՆՈՒԹԻՒՆ 3:1

Սարդիկէի մէջ եղած եկեղեցիին հրեշտակին գրէ. «Այսպէս կ’ըսէ անիկա որ ունի Աստուծոյ եօթը Հոգիները ու եօթը աստղերը. ‘Գիտեմ քու գործերդ՝ որ դուն անուն ունիս թէ կենդանի ես, բայց մեռած ես։