Proverbo 3:2 - Ivatan

² Ta no inanawo ko saya dimo o tomoroh dimo so manaro a viay a maydamnay so aktokto.

Proverbo 3:2 Iomraidhean Croise

Proverbo 4:10

Adngeyen mo yaken, imo a manganak ko. Kapiahen mo a iktokto o vatahen ko saya dimo, ta nia o tomoroh dimo so manaro a viay.

Proverbo 9:11

No kasolib a komtokto so parinyen am tomoroh so nakarapa awawan do viay no asa ka tawo.

Salmo 91:16

Pakamiahen ko sa a torohan so manaro a viay as katoroh ko pa dira so kalibrian.”

Roma 15:13

Dawa tayto ko akdawen do Dios do sidong dinio no Espirito na o katoroh na dinio so kasoyosoyotan kano kaydamnayan no aktokto a makayamot do saray nio do katayto taya a ompanapanaya so Mangahwad taya.

Salmo 128:6

Torohan na paymo so manaro a viay do tana aya tapian mavoya mo pa sa anti o inapo mo sa. Karadinepan pa o mian do Israel!

Salmo 119:165

Sira o manganohed dimo kano omonot do nanawo mo am mian o kaydamnayan no aktokto da as arava o kadodogan da.

Proverbo 10:27

Sincharan mo o Dios tapian manaro o viay mo, ta sira o makagatogatosen am marapit dava ya.

1 Timoteo 4:8

takwan aran mian o kapian no kapaypayet so karakohan am rakorakoh o inakyan mo nia an nawri o paypangayen mo a paypapiahen o kawnot mo do kakeyan nimo no Dios a nia so rakoh so sinmo sichangoriaw as kan do manam pa a tiempo a abo so pandan.

Roma 5:1

Dawa makayamot do katayto naranaya napayvadiw diaten no Dios a mahosto do salapan na a makayamot do nakasaray ta no Apo taya a si Jesu Cristo a iya so minadidi diaten am tayto na pa pinabo o kastigo aya a mayanong ta rawaten as karisibi narana diaten.

Roma 14:17

takwan no kanen ava anmana no inomen ava o maimportante dana do komwan do paypatolan no Dios asna nawri o mayanong o kachitachita ta so manamonamo a kaparin no viay as kapaypangay no kapia no anod kano kasoyosoyotan ta a makayamot do sidong no Espirito no Dios,

Proverbo 16:31

No manaro a viay am asa ka primio dira do mapia so dadakay. No ovan am asa ka onor a akmay korona do oho.

Proverbo 4:4

am ninanawo ako no ama ko as vinata na, “Kanakmen mo sa o vatahen ko dimo as kawayakan mo sava ya onotan, ta nia sa o mismo a tomoroh dimo so viay.