Proverbo 11:5 - Ivatan

⁵ No katalineng no chintokto am parinyen na maydaydamnay o viay no mapia tawo, pero sira o marahet so aktokto am sira o ompaparin sia o mismo da ichararayaw.

Proverbo 11:5 Iomraidhean Croise

Proverbo 1:18

asna sira o akma sawri sia so kaparin a tawo am anitan da o kapamarin da so tolo no mismo da karakohan a nia so omrarayaw sira.

Proverbo 11:3

An mapia ka tawo am pawnoten naymo no matalineng a chintokto mo. Asna sira o dia parin a ichasaray am mararayaw sa no mismo a kapaydaydaday da.

Proverbo 12:3

Maparin ava pachidependian o marahet a parinyen, pero no kanamonamoan o tomoroh so mapia a paytetnekan.

Proverbo 13:6

No kanamonamoan o proteksion no abo so gatos, pero no marahet a parinyen o kararayawan no makagatogatosen.

Proverbo 14:32

Sira o omonot do marahet o mismo a mamarin so pakayapoan no kararayawan da, pero no pinangtoktoan da no mapia tawo o tomoroh dira so proteksion.

Proverbo 15:19

An matalakak ka am arava o kaboan no problema mo, pero an manamonamo o viay mo am arava o problema mo.

Proverbo 21:29

Mapanmo no mapia tawo o somnivog na a kaparin, pero no marahet so aktokto am toman sia.

Proverbo 28:18

Pavawahen ka do kadelikadoan an manamonamo o viay mo, pero an di ka ichasaray am nia mismo o ichararayaw mo so di mo a tanggal.

Proverbo 3:6

Panomahen mo do aktokto mo o Dios do atavo a parinyen mo, ta iya anti o mapawnot dimo.

Proverbo 5:22

As no gatos no asa ka tawo o mismo a omtolo sia a akmay pinospos a omvahod sia.