Lucas 6:21 - Ivatan

²¹ “Mapalak kamo a mapteng sichangoriaw, ta makamia kamo anti a di dana mapteng. “As mapalak kamo a tayto a mangsangsah, ta mian anti o kasoyosoyotan nio.

Lucas 6:21 Iomraidhean Croise

Salmo 119:136

Omoyog o hoo ko a makayamot dira do maskeh a omonot do nanawo mo.

Mateo 5:4

“Mapalak sa o mangsah, ta paydamnayen no Dios o aktokto da.

Mateo 5:6

“Mapalak sa o oyod a makey a ompakamia so Dios, ta sidongen na sira a nawri so parinyen da.

Lucas 1:53

Iya o tayto a tomoroh so kanen do mapteng kano mapakamia sira, as sira o maynakem am somavat sa a abo so mahap.

Lucas 6:20

Tiban na dira do disipolos na saya as kavata na sia, “Mapalak kamo a makasiasi, ta inio o somnivog a machangay do paypatolan no Dios.

Lucas 6:22

“Mapalak kamo an kontrahen kamo no tawo as kaskeh da ninio as kaparahet kano kapakavatavata da so marahet dinio a makayamot do kawnot nio do Naytawo aya,

Lucas 6:25

“Inio a maybastante so kanen sichangoriaw am mapteng kamo anti. “So pakasi nio a tayto a mayayak sichangoriaw, ta ito o kapakasiasi kano katanyis nio.

Juan 11:35

As tomnanyis si Jesus.

Juan 4:10

No tinbay ni Jesus am, “An mapanmo mo o maparin a itoroh dimo no Dios as kano an masinchad mo sigoro an sino o mangahes aya dimo so inomen am nangahes ka dia daw so danom a makatoroh so viay a abo so pandan.”

Juan 6:35

Vatan sia ni Jesus dira, “Yaken o tinapay aya a tomoroh so viay as an sino o mangay diaken am mapteng pava as an sino manganohed diaken am mirwa pava a mawaw.

1 Corinto 4:11

Manda sichangoriaw am masanib kami a mapteng kano mawaw as kabo pa no mahosto a onayen namen. Atetekan kami as arava o matodin kano tanyan namen a vahay.

2 Corinto 11:27

Nadidiw ko na o kaoyod ko a mavanah makayamot do oyod a rakoh a trabaho ko, kasanib ko mapohaw as kano oyod a maymetmet a kapteng kano kawaw ko. Mian dana o nakahen ko a kolang so payoayoben kano pachisirongan,

2 Corinto 12:10

As makayamot di Cristo am ichaydamnay ko o kakahan ko, kainsolto diaken kano atavo a kasaditan kano pakasisian diaken takwan no mismo saya a kakahan ko o mapayvadiw diaken a mayet as mahni so kasaray no Dios.

2 Corinto 6:10

Mahara o pandidiwan namen amna fermi kami a masoyosoyot. Makasiasi kami amna aro sa o torohan namen so abo so pandan a kaynakman. Arava o tanyan namen amna arava o di namen a dira a makayamot do Dios.

Santiago 1:12

Mapalak sa do karakoh anti no marawat da a kasoyosoyotan no atavo a nakapayagwanta do pakasisian a mavidin a omonot do Dios, ta an katayoka na nia am makarawat sa so korona no viay a abo so pandan a nia so promisa no Dios do atavo a maddaw nia.

Apocalipses 21:3

As nadngey ko o asa ka maliak a boses a yapo do trono ori do hanyit a makavata sia, “Niaya dana o kavahayan no Dios, ta machasa dana o Dios do tawotawo as tawotawo narana sira. Fermi dana anti a machipanghovok dira o Dios as moyvoh anti a iya o sincharan da a Dios.

Apocalipses 7:16

Mirwa pa sava anti a mapteng kano mawaw. Kakohatan pa sava anti no araw as maytrabaho pa sava so ipaynalengdeng da.