Lucas 23:10 - Ivatan

¹⁰ As sira o maato a papali as kanira no eskriba saya am aro o vatahen da a kaso ni Jesus.

Lucas 23:10 Iomraidhean Croise

Mateo 27:12

Do kaakosa da sia no maato sa a papali kano adngedngeyen sawri am tominbay ava sia.

Lucas 11:53

Komaro dia am sinitnan da sia no Fariseo kano eskriba saya a hawahawayen as panitan so payrahtan no vatahen na,

Lucas 23:11

As si Herodes kanira no sinjalo na saya am pinasnesnek kano nitek da si Jesus, as pinawnayan da sia so akmay onayen no patol as kapavidi da sia di Pilato.

Lucas 23:2

as kasitnan da sia akosahen a makavata sia, “Chinaproyban namen o kapawnot no tawo aya do icharahet no kavahayan taya as vadawen na o katoroh so bienes do gobierno ni Cesar as kavata na pa so kaiya no Cristo aya a patol.”

Lucas 23:5

amna pahamohen dava o ichakey daya as vinata da pa, “Mapasitnan ya so golo as kapananawo na do atavo a parte no Judea a makayapo do Galilea a manda diaya.”

Lucas 23:9

Nayendes na sia paheahsen ni Herodes amna tominbay ava.

No Apostoles 24:5

ta napanmo namen o kaoyod na nia a marahet a tawo, ta oyod a makey a mapasitnan so golo. Oyod na so kakey a mapasolsol so kasoli da no Judeo sa do aran dino do mondo aya as iya pa o apohen da no tawo a naychawaw so nanawo a manganohed do asa ka iNazareth.