Juan 3:19 - Ivatan

¹⁹ No pakayapoan no ikastigo aya anti dira am yamot do sivog a kaskeh da omonot do nawara do mondo aya a tomoroh so sehdang asna no onotan da am no komwan do kasarisarian.

Juan 3:19 Iomraidhean Croise

Proverbo 2:13

a sira so tayto dana tomnadichokod do manamonamo a kaparin no viay a omonot dana do viay do kasarisarian no gatos,

Lucas 12:47

Mahara anti o kastigo no pachirawatan a dia nananggal kano di minarin so logar na parinyen a tori na mapanmo so hosto,

Lucas 16:14

As sira o Fariseo a oyod a malakam no kartos am chinayak da o nadngey daya.

Juan 1:4

Iya o pakayapoan no viay as an sino o torohan na so viay am kasehdangan.

Juan 1:5

Iya o sehdang aya a romial do kasarisarian as homisen ava no kasarisarian o sehdang aya.

Juan 12:31

Ta sichangoriaw dana o kawara no hosga no tawotawo do mondo aya as kano kahomis no manyokoyokod no tawotawo do mondo aya a si Satanas.

Juan 12:43

Pinipia da o kapakamia nira no tawo as kano kapakamia nira no Dios.

Juan 12:46

Nawara ako do mondo aya a tomoroh so sehdang tapian an sino o manganohed diaken am komaro do kasarisarian.

Juan 5:44

Maypango o kapanganohed nio diaken an no voyvoh a mian do aktokto nio am no kachita nio so kadaay dinio no kapalit nio a tawo asna kadi nio chitan sia o kapakamia ninio no Dios.

Juan 7:17

As an sino somnivog a makey a omparin so inolay no Dios am ichapatak na an yapo do Dios o pananawan koaya anmana pinayapo ko.

Juan 7:7

Arava o omkontra dinio asna yaken am kontrahen da takwan paytotwawen ko o marahet a pariparinyen da.

Juan 8:12

As minirwa a mangononong si Jesus dira do tawotawo saw a makavata sia, “Yaken o sehdang no mondo aya. An sino o omonot diaken am makarawat so sehdang do viay na as kadi narana akma so tawo a mayam do kasarisarian.”

Juan 9:5

Mintras mian ako pa do tana aya am yaken o tomoroh so sehdang do tawotawo.”

Roma 1:32

Aran akma sawri o kapanmo da sia o kapayanong da a kastigoan no Dios so kadimanan am kayan pa no nakaparin da sira ya as kakey da pa nia o kaaro da pa no omparin so akma saya sia.

Roma 2:8

Pero sira o nachisobna do kakawyoran as tayto a marahet so pariparinyen am sigorado o kapakarawat da anti so kastigo.

2 Tesalonica 2:12

tapian makarawat sa anti atavo so kastigo o machisobna saya do kakawyoran as nawri so chitahen a onotan o marahet.

1 Pedro 2:8

as kavata na pa sia, “Asa sia ka Bato a katicharan kano kadodogan.” Nia o chinatongdoan da a makayamot do kasivog da maskeh a manganohed do kakawyoran aya a Chirin no Dios.

2 Pedro 3:3

No manoma am ichahoho ko o kapanakem ko nia dinio o kayan da anti do manawdi a tiempo no aro a omtek no kakawyoran as kanawri no chitahen da o pagostoan da do karakohan da.