Juan 19:18 - Ivatan

¹⁸ Dawri o pinapaskan da si Jesus as kano dadwa pa sa ka tawo a mayviit sia.

Juan 19:18 Iomraidhean Croise

Mateo 27:44

As aran sira o dadwa sawri a manakanakaw a pinapasek a rarayay na am nitek da pa sia.

Juan 18:32

Niaya o pinakatongtong no vinata ni Jesus a kaparin no kadimanan na.

Juan 19:32

Pototan da no sinjalo so padang da no mayviit aw di Jesus,

No Apostoles 2:23

Si Jesus a iya so nadiman a akma so mian do mato a plano no Dios Ama am pinapasek kano nidiman nio do tanoro no mararahet a tawotawo.

Galacia 3:13

Amna inadidi na yaten ni Cristo do kastigo ta do kaiya no mismo a romnawat so mahara a kastigo ta. Ta niaya o nakatolas, “An sino o mapasek do kros am nakarawat so mahára dana a kastigo.”

Hebreo 12:2

as kavidin ta masentro so aktokto di Jesus a iya so pakayapoan kano chinavoyan so mapía dana a kaparin no saray, ta makayamot do kapanmo na sia o rakoh ori a kasoyosoyotan a marawat na anti am nayagwanta a mandidiw so pakasisian kano pakasnekan do nakapapasek da sia do kros, dawa tayto dana sia a maydisna a makapamarin do kawananan sia do trono no Dios.