Juan 17:17 - Ivatan

¹⁷ Parinyen mo pa o chirin mo a mapavawa sira do pakagatosan, ta no chirin mo o voyvoh a kakawyoran.

Juan 17:17 Iomraidhean Croise

Salmo 119:104

No chirin mo o tomoroh diaken so maypangay a kasolivan, dawa ipsok ko o atavo a marahet.

Salmo 119:11

Payvividien ko a aktoktohen o chirin mo tapian di ako a makagatos a machisada do piahen mo.

Salmo 119:144

Dawa sidongen mo yaken a makapanmo so nanawo mo saya tapian katahaman ko do viay ko o somnivog a pakamian a itoroh mo.

Salmo 119:160

Atavo a vatahen mo sa am kakawyoran as no nanawo mo sa am mahosto as arava o pandan na.

Salmo 119:9

Maypango o kavidin na a manamonamo no viay no asa ka kanakan a mahakay. No mavoyvoh a ichaparin na am no kawnot na dia o chirin mo.

Lucas 8:11

Niaya o inmonmoan no parabola aya. No tinokos aya am no Chirin no Dios.

Lucas 8:15

No natokos aya do mapia a tana am irepresenta na sa o domngey so Chirin aya as kapawyod da sia onotan do viay da as kayan no kavoyan sia dira.

Juan 15:3

Akma kamo so chinatotoan dana a mohamoha makayamot do kapanganohed nio do vinata ko sa dinio.

Juan 17:19

as tapian mayvadiw sa ya a somnivog a tawotawo mo am itoroh ko o viay ko a makayamot dira,” kwana ni Jesus.

Juan 8:32

As mapanmo nio anti o kakawyoran as no kakawyoran aya anti o omlibri dinio.”

Juan 8:40

Amna parinyen ava ni Abraham o kachita nioaya a omdiman diaken a minvahevahey nia dinio o kakawyoran a nadngey ko do Dios.

No Apostoles 15:9

Nitatarek nava yaten no Dios, ta malit ta a pinakaboan na so gatogatos do nakapanganohed ta sia.

2 Corinto 3:18

Amna yaten a tayto dana chinaywangan so aktokto as tayto dana makasinchad kano manganohed do mato aya a Apohen ta am iyavayohen na yaten no Espirito aya tapian maypangay o kavoyan sia do mismo ta viay o kaparin ni Cristo.

Efeso 4:21

ta nadngey nio na o ninanawo namen dinio as ari kamo na omonot do kakawyoran aya a mian di Jesus.

Efeso 5:26

tapian payvadiwen na ya a manamonamo as kavidin na sia pavawahen do pakagatosan a makayamot do Chirin na,

2 Tesalonica 2:13

Amna mayanong kami a rakoh so kapamahemahes do Dios a makayamot dinio a kakakteh a ichaddaw no Apo taya takwan pinidi naynio no Dios do sitnanan na a librien as kano omonot do manamonamo a kaparin no viay do sidong dinio no Espirito na do katayto nio na a manganohed do kakawyoran aya,

Santiago 1:21

Dawa machivawa kamo do atavo a pakagatosan kano matatarek a marahet as kapamahbo nio so karakohan nio a omonot do narawat nioaya a kakawyoran a nia so rakoh so ipakapamarin a tomoroh dinio so kalibrian.