Juan 15:14 - Ivatan

¹⁴ Kaychayvan koynio an parinyen nio o panyokoyokoran ko saya.

Juan 15:14 Iomraidhean Croise

Proverbo 18:24

Mian sa o toman a kayvan as mian sa o somnivog a kayvan a akma mo nay kakteh.

Mateo 12:50

Ta an sino o omparin so inolay no Ama ko a mian do hanyit am sira o somnivog a kakakteh ko kano ina ko,” kwana.

Lucas 12:4

“Kaychayvan, vatahen ko dinio o kadi nio mamoan nira no maparin a omdiman so karakohan nio ta nawri o pamandan no maparin da dinio.

Juan 13:17

As makayamot do kapanmo nio so vatahen ko saya dinio am masoyot kamo an parinyen nio sa ya.

Juan 14:15

“An ichaddaw nio yaken am anohdan nio sa o panyokoyokoran ko.

Juan 14:21

An sino o mavidin a omonot do panyokoyokoran ko am iya o maddaw niaken. As an sino o maddaw niaken am ichaddaw no Ama ko. Ichaddaw ko pa sia as kaparin ko sia a makasinchad diaken.”

Juan 14:28

Vinata ko na dinio o kakaro ko amna mayvidi ako anti dinio, as an ichaddaw nio yaken am masoyot kamo do kapayvidi ko na do Ama a iya so matoato kaniaken.

Juan 2:5

Vatan sia no ina naya do pachirawatan sirawri, “An ango vatahen na dinio am parinyen nio.”

Santiago 2:23

as nakatongtong o nakatolas do Chirin no Dios a akma sia, “Nanganohed si Abraham do Dios as makayamot dia am sinincharan sia a mahosto do salapan no Dios,” as nibnekan pa sia so pinakamia no Dios.

1 Juan 5:3

ta no somnivog a addaw ta no Dios am no kawnot do yokoyokoran na niaten a nia sa so dia rahmet a onotan.