Apocalipses 7:16 - Ivatan

¹⁶ Mirwa pa sava anti a mapteng kano mawaw. Kakohatan pa sava anti no araw as maytrabaho pa sava so ipaynalengdeng da.

Apocalipses 7:16 Iomraidhean Croise

Salmo 121:5

No Dios o gwardia mo a fermi a machitangked a omonong dimo.

Salmo 121:6

Arava o mapaparin dimo do maraw as kano mahep.

Salmo 63:1

O Dios, imo o Dios ko. Imo o fermi ko a chitahen. Mawaw ako nimo a akma so kaparin no nakolay a tana do kabo no timoy, ta imo o chitahen ko no atavo a mian diaken.

Mateo 13:21

pero nakatneb ava ya dira so mapia, dawa do kawara no pakasisian kano katetek dira a makayamot do onotan daya am masonong da ya tadichokoran.

Mateo 13:6

amna do kakohat no araw am nahayo sa takwan nakayamot sava ya so mapia.

Mateo 5:6

“Mapalak sa o oyod a makey a ompakamia so Dios, ta sidongen na sira a nawri so parinyen da.

Marcos 4:17

pero nakatneb ava ya dira so mapia as do kawara no pakasisian kano katetek dira a makayamot do onotan daya am masonong daya tadichokoran.

Marcos 4:6

amna do kakohat no araw am nahayo sa takwan nakayamot sava ya so mapia.

Lucas 1:53

Iya o tayto a tomoroh so kanen do mapteng kano mapakamia sira, as sira o maynakem am somavat sa a abo so mahap.

Lucas 6:21

“Mapalak kamo a mapteng sichangoriaw, ta makamia kamo anti a di dana mapteng. “As mapalak kamo a tayto a mangsangsah, ta mian anti o kasoyosoyotan nio.

Juan 4:14

Pero an sino o minom so danom a itoroh ko sia am mirwa pava mawaw. Ta no danom aya a itoroh ko am akmay asa ka atboran a dia yati do tawo aya a nakarawat sia.”

Santiago 1:11

ta an mawara o kohat no araw am makolay as kawlal no savosavong aya as kararayaw dana no avid na. Nia o mismo a kaparin no maynakem aya tawo a fermi a komita so kapaypaynakem na.

Apocalipses 21:4

Pakarohen na anti no Dios o atavo sa pakayapoan no katanyis da as ara pava anti o kadimanan, kangsangsahan, katanyitanyis kano maynyen a didiwen takwan no mian do nanma a kaviayan am nabo dana sa.”