Apocalipses 7:12 - Ivatan

¹² a makavata sia, “Amen! Mayanong do Dios o kadaday sia, kanianib, kapamato kano kapamahemahes sia. Dira na o kasolivan, ipakapamarin do atavo kano ayet a abo so pandan! Amen!”

Apocalipses 7:12 Iomraidhean Croise

Salmo 100:4

Somdep kamo do templo na a rakoh so kapamahemahes as maypasngen kamo a omdaday sia. Pamahmahsan nio sia as kadaday nio sia.

Salmo 106:48

Dadayen ta o Dios sichangoriaw as kan anchowa abo so pandan! Atavo a tawo am vatahen nio, “Alleluia! Dadayen ta o Dios!”

Salmo 95:2

Mangay ta do salapan na a mamahemahes as makakanta no soyot ta a omdaday sia.

Mateo 6:13

Pavawahen mo pa yamen do katentasionan diamen kan do atavo a marahet. [Ta imo o maypatol a mian so ipakapamarin a abo so pandan. Amen.]’

Roma 11:36

Arava, ta no Dios o pakayapoan as maynolay do atavo, a nia so mayanong a dadayan sia a abo so pandan! Amen.

1 Corinto 14:16

Ta an dadayen mo o Dios do matarek a chirin am maypango o kapachichasa na dimo a omdaday so Dios no asa ka tawo a di makaintindi so vatavatahen mo sa.

2 Corinto 4:15

As no atavo saya a tayto namen a pakasisian am makayamot do kachita namen so ichapia nio. Ta do karoaro no papanmoan nia o grasia na am karoaro no mamahemahes do Dios a nia so ipamato so ngaran na.

Colosas 2:7

as kaiya no pachidependian nio as paytetnekan no saray nio a akma so ninanawo dinio as kasolib nio a mamahemahes.

Colosas 3:17

Pavatahen nio kano parinyen nio o atavo do kakeyan nia no Apo ta a si Jesus as kapamahemahes nio do Dios Ama do atavo a narawat nio a makayamot di Cristo.

Judas 1:25

Iya o voyvoh aya Dios a Mangahwad ta a iya so parawatan so onor, ipakapamarin, anohed as kano pamatohen a nakayapo pa kaychowa, sichangoriaw a manda anchowa a abo so pandan a makayamot do pinarin no Apo taya a si Jesu Cristo! Amen.

Apocalipses 1:18

Yaken o tayto aya maviay. Nadiman ako amna maviay ako a abo so pandan. Mian o ipakapamarin ko do kadimanan kano yanan da no nadiman sa a tawo.

Apocalipses 19:4

No beinte kwatro a ka mangalkem kano apat saw a ka inamaog no Dios am domnogod sa as kanianib da so maydisna do trono ori a makavata sia, “Amen! Dadayen ta o Dios!”