Apocalipses 4:11 - Ivatan

¹¹ “Apo namen a Dios, imo o mayanong a makarawat so onor kano ipakapamarin kano kanianib dimo, takwan imo o minamaog so atavo as kan do inolay mo am inamaog mo sa as katoroh mo dira so viay.”

Apocalipses 4:11 Iomraidhean Croise

Proverbo 16:4

Atavo a pinarin no Apo taya am mian o pamandan na. No pamandan da no omonot sa do marahet am kararayawan.

No Apostoles 14:15

“Ango parinyan nioaya siay! Tod kami a tawo akma dinio! Nangay kami diaya a mananawo so komapet di Jesus tapian karoan nio o dios nio saya a abo so sinmo as kapanganohed nio na do Dios a tayto a maviay a iya so minamaog so hanyit, tana, taaw as kano atavo.

No Apostoles 17:24

No Dios a minamaog so mondo kano atavo am matda ava do pinarin no tawotawo, ta Apo sia no mian do hanyit kano mian do tana.

Roma 11:36

Arava, ta no Dios o pakayapoan as maynolay do atavo, a nia so mayanong a dadayan sia a abo so pandan! Amen.

Efeso 3:9

as kapavoya ko nia do atavo a tawo o plano aya no Nangamaog a Dios a dia pinapanmo do nakarahan a tiempo,

Hebreo 1:10

Vatahen na pa ya do Manganak naya, “Imo a Apohen, do sitnanan na am imo o minamaog so tana aya as aran no atavo sa a mian do tohos am pinarin pa sa no tanoro mo.

Hebreo 1:2

amna do sichangoriaw am no mismo naya a Manganak o pinanahanan na sia o ipapanmo na saya diaten a iya so minamaog so mondo aya do mando no Dios a iya pa so natongdo a taydira so atavo.

Apocalipses 1:6

as katayto na minparin diaten a asa ka paypatolan na a mayserbi do Dios a Ama na a akma sira so papali. Dawa pamatohen ta si Jesus a iya so makapamarin a abo dana so pamandan. Amen.

Apocalipses 10:6

as kapayavay na do ngaran no Dios aya a maviay a abo so pandan as minamaog so tohos, tana kano taaw as kano atavo a miniminyan da. Niaya o vinata naya, “Maparonoron pava o tiempo,

Apocalipses 14:7

Oyod a maliak o kavata na sia, “Anohdan nio o Dios as kadaday nio sia ta nawara dana o araw no kapanhosga na. Anianiven nio sia ta iya o minamaog so tohos kano tana, no taaw kano atboran sa no danom.”

Apocalipses 19:1

Do katayoka na nia am nadngey ko o akmay pinaychakasa a boses no aro a tawo do hanyit a makavata sia o, “Dadayen kano pamatohen ta o Dios a rakoh so ipakapamarin a iya so pakayapoan no kalibrian ta!

Apocalipses 5:12

As no kantahen daya so oyod a maliak am, “No dekey aya a Karnero a nidiman o mayanong a makarawat so ipakapamarin, kaynakman, kasolivan kano ayet as kaiya no voyvoh a mayanong a anianiven, pamatohen kano dadayen!”

Apocalipses 5:2

Kwanasaw am navoya ko o asa ka mayet a anghel a maliak a tomawatawag nia, “Sino mian so anohed a mapakaro so selyo naya as kano omiwang do nihon aya a papil.”

Apocalipses 5:9

As kakanta da sia o vayo aya a kanta, “Imo o mian so anohed a omahap so nihon aya a papil kano mapakaro so selyo na, takwan nidiman daymo as no mismo mo a raya o inadidi mo sira so tawotawo tapian mayvadiw sa a dira no Dios a yapo do atavo a tribo, chirin, kavahayan kano nasion do mondo aya,