Apocalipses 19:1 - Ivatan

¹ Do katayoka na nia am nadngey ko o akmay pinaychakasa a boses no aro a tawo do hanyit a makavata sia o, “Dadayen kano pamatohen ta o Dios a rakoh so ipakapamarin a iya so pakayapoan no kalibrian ta!

Apocalipses 19:1 Iomraidhean Croise

Salmo 104:35

Pabohen sa anti o atavo a makagatogatosen do ato no tana aya. Mabo sa anti o atavo a makagatogatosen. Dadayen no tawol ko o Dios! Dadayen o Dios!

Salmo 106:1

Dadayen ta o Dios as kapamahemahes ta sia takwan oyod sia a mapia kano machipanda ava o addaw na.

Salmo 146:1

Dadayen o Dios! Dadayen sia so pasivogen do tawol ko.

Salmo 150:1

Dadayen o Dios! Dadayen o Dios do templo na! Dadayen sia do rakoh a ipakapamarin na do tohos!

Mateo 6:13

Pavawahen mo pa yamen do katentasionan diamen kan do atavo a marahet. [Ta imo o maypatol a mian so ipakapamarin a abo so pandan. Amen.]’

Apocalipses 11:15

As do kalop dia no ichapapito dawri no anghel o trompeta nawri am mian sa o maliak a boses a yapo do hanyit a makavata sia, “No paypatolan no mondo aya am dira narana a makayapo sichangoriaw no Apo ta a Dios kani Cristo a tinongdo na a maypatol, as maypatol dana anti so abo dana so pandan.”

Apocalipses 12:10

Nadngey ko o asa ka maliak a boses a yapo do hanyit a makavata sia, “Nawara dana o kalibrian a yapo do Dios. Pinavoya narana o ipakapamarin na a asa ka patol. Pinavoya narana ni Cristo aya o anongen na a manyokoyokod, ta pinakaro dana do hanyit o maparahet as omakosa sira do Dios do kararaw kan kaheahep o kakakteh ta sa a nanganohed di Jesus.

Apocalipses 19:6

As nakadngey ako so akmay boses no aro a tawo a akma so kakayasakas no rakoh a ayo a gomtos do kakarangan kano liak no mayet a adey a makavata sia, “Dadayen o Dios, ta no makapamarin aya a Apo ta Dios am iya o maypatol!