Apocalipses 12:2 - Ivatan

² Masngen dana ya a makawara as oyod a maliak o katanyis na yamot do karakoh no didiwen na.

Apocalipses 12:2 Iomraidhean Croise

Mateo 24:8

Amna tod pa ya o sitsitnanan no maymetmet a pakasisian.

Juan 16:21

Akma ya so asa ka mavakes a rakoh so didiwen an makawara dana pero an mawara dana o metdeh aya am kawayakan narana o pinandidiwan na a makayamot do rakoh a soyot na no metdeh aya.

Galacia 4:19

Ichaddaw ko a kamanganakan, tayto ako a rakoh so kapandidiw a akmay asa ka ina do kapaynananawo ko dinio a manda do kaparin nio na omonot do kakeyan ninio ni Cristo.

Galacia 4:27

Takwan niaya o nakatolas, “Imo a mavakes a di makapayanak am makasoyot ka. Mayak ka do soyot mo, imo a di pa nakadidiw so kapaymanganak. Takwan aroaro anti o akma na say anak no mavakes a chinaroan no kakovot na kano mavakes awri a mian so kakovot.”

Apocalipses 12:4

Pinavoyas na o kakatdo no atavo a vitohen do hanyit no ipos nawri as kapagagtos na sira atavo do tana aya. Katayoka na nia am nangay o dragon aya do masngen do kokod ori no mavakes ori tapian an kawara no anak nawri am kanen na.