Apocalipses 11:12 - Ivatan

¹² As mian o asa ka maliak a boses a yapo do hanyit a madngey da a makavata sia dira, “Tomohos kamo dia!” As do kavoyan da sia no atavo a omlaban sira am tomnohos sa a mangay do hanyit do asa ka demdem.

Apocalipses 11:12 Iomraidhean Croise

Salmo 112:10

Sira o makagatogatosen sa tawo am oyod da ichaskeh o kavoya da so kaparin no mapia aya tawo. Maket sa ya atavo amna mabo o panapanayahen da nia do andelak da.

Salmo 15:1

Sino paro o tanggapen do templo mo as kano sino paro maparin a omdaday dimo, O Dios, do manamonamo aya a tokon mo do Sion.

Salmo 24:3

Sino paro o tanggapen do tokon aya no Dios as sino pa o maparin a somdep do manamonamo aya a templo na.

Lucas 16:23

As do katori narana no maynakem aya do logar ori no pandidiwan am tomnangay as kavoya na si Abraham as kani Lazaro a tori machichasa sia.

No Apostoles 1:9

Katayoka na makavata sia ya am tomnohos do hanyit do kavoyan da sia as kawlib dana sia no demdem.

1 Tesalonica 4:17

As yaten a navidin as maviay pa do tana aya am machirayay ta anti dira do nayvangon saya a tomohos do kademdeman as kavayat ta so Apo taya do tohos as kapachichasa ta anti sia a abo dana so pandan.

Apocalipses 12:5

Nakawara o mavakes aya so mahakay as nyeng da iyangay o metdeh aya do Dios do trono na as no metdeh aya o natongdo a maypatol do atavo a kavahayan a oyod a rakoh so ipakapamarin.

Apocalipses 3:21

As sira o makapanghomis am patangkeren ko anti sira diaken do trono ko akma so nakapachitangked na diaken no Ama ko do trono na do katayoka ko a manghomis.

Apocalipses 4:1

Do katayoka na nia am navoya ko pa o asa ka maywang a pantaw do hanyit. As minirwa ko a madngey o boses ori a akmay liak no trompeta a makavata sia diaken, “Tomohos ka dia ta ipavoya ko sa dimo o manam saya a mapaparin.”