Leta Ia Pol I Karo Ne Qira Basoero Na Rom 1:3 - Vato Vari Vakameka Voru Ia Batu Ne

³ Tarama velaka dena i sauna Jesu Kristo Batu ita iato i Sale ia. I pala tavise too ita vano basoe na vudu pua, mana i podo me sinaqe ia Davita.

Leta Ia Pol I Karo Ne Qira Basoero Na Rom 1:3 Iomraidhean Croise

Matiu 1:1

Iadena tutusi na sinaqe ia Jesu Kristo, i reqe me sinaqe ia Davita, Davita ireqe me sinaqe ia Abraam.

Matiu 1:16

mana Jekop tamana Josepo valeke ia Maria, mana Maria iva podo Jesu Kristo.

Matiu 1:6

mana Jese i tamana batu lavata Davita, Davita i tamana Solomon, sinana ne, qole bana ia Uria.

Matiu 12:23

Osiqira basoero ne iri nureke ne pata i zazu nego Jesu. Iri go, “Kadego valeke dena to i Tuna go batu lavata Davita.”

Matiu 15:22

Kaki qole Kenanaiti ikoego dego i lama mana koru me, “Ke Batu! Sale ia Davita nanao ava me, sale qole era i siqane manuru sakata mana iki ko velaka kaega go.”

Matiu 26:63

Do Jesu i duduli so, gonae batu lavata ria patere ro ne i sine napu ne ia, “Qa odo odo nigoe to vitoṉona God i too osina ṉalu, ono sine me pata ogoto, avigo aro to qo Mesia ni Tuna go God?”

Matiu 27:43

I vaogote God, mana igo tanuna i Tuna God, mata mia ṉalu go God i soko vakavele na ia, ia mara zazu neto ninidena!”

Matiu 3:17

Mana kakia seko i reqeme tepa rani ne igo, “Iadena to Sale valeke era qa lete mamaligara ne, mana qa lete kula ne go.”

Matiu 9:27

Ṉalu Jesu i kasi ne dego, karua valeke kodo iru kale muzi ne ia, mana iru koru me, “Ke nanao qaru to Sale ia Davita” iru go.

Luka 1:35

Aqelo ne, i vataule igo, “Spirit tabo tina lamae de qo koego aro, mana karaputa ia Batu ne tina ko tavisi go aro. Sauna to ia dena sale tabo ne tina vitoṉo ze Sale ia God.

Luka 1:69

I valame kakia basoe tina vakavele qita. Ia i valeke, ireqe me sinaqe ia Davita valeke seka ia.

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 1:34

Tanuqu qa miasoba bana to, mana iato qa sine ne qira go basoero, valeke dena i Tuna God.”

Tarama Velaka Ia Jesu Kristo I Karo Go Jon 1:49

Natanel i vataule, “Valeke vari vatatana, aro qo Tuna God! Aro to qo Batu lavata na Izirel.”

Tarama Velaka Ia Jesu Kristo I Karo Go Jon 10:30

Tanego raru Mamae, qaru kameka so.”

Tarama Velaka Ia Jesu Kristo I Karo Go Jon 10:36

Ba era ne, Mamae tane ivine ava, mana i turi nava me vudu pua dena go. Avigo tane qa seko sakate go era God qamu go? Bana qa sine go, era qa Tuna God?

Tarama Velaka Ia Jesu Kristo I Karo Go Jon 20:28

Pasi nae Tomasi igo de, “Batu erae mana God erae!”

Tarama Velaka Ia Jesu Kristo I Karo Go Jon 20:31

Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.

Tarama Velaka Ia Jesu Kristo I Karo Go Jon 5:25

Ma sine ne qamu pata ogoto, tinara lama doka ṉalu, mana ṉalu nae i lama doka bana to, ṉalu vano le tarina gata ovaṉa na Tuna God, mana ria iri gata go tarina too ule napu me tepa le.

Tarama Velaka Ia Jesu Kristo I Karo Go Jon 7:42

Tanego Buka tabo ne i sine, “Mesia ne tina reqe me popodo ia batu lavata Davita, mana tina podo e Betelema, komala i ko banae go Davita.”

Zazu Ria Apostoloro 2:30

Ia i kameka propeta mana i rove bana pata i pui bana ne go God. God i vanadua odo odo ia de ikoego ia, kaki kameka basoe tina reqeme sinaqena popodo ia Davita, tina batu lavata gerena tanuna Davita.

Zazu Ria Apostoloro 3:13

God ia Abra-am, Aisak, mana Jekop, God ria vanovano bana ro ita, i teke bana ne karaputa mana mazala ia de ikoego valeke zazu ia, Jesu. Do ramu qamu vazao ze ia de iri koe ria batubatu ro, mana Qamu sila ze ia tarakenaqana Pilato, ṉalu Pilato i nanao mara Vatalupase ia.

Zazu Ria Apostoloro 8:36

Loborona zaza iru vaego zuka ne, iru lama dokae de i koe kaki besi, valeke na Itiopi i sine ne Pilipi, “Besi to dena. Avana tane tinara va makuru ava go era go tuniki bapitema go kaega?” [

Zazu Ria Apostoloro 9:20

Iza totoloṉe so Pade Lotu ria vano Jiu, mana i tamana ne, Jesu i Tuna ogoto to God.

Leta Ia Pol I Karo Ne Qira Basoero Na Rom 1:9

Tanuna God i mazala go vasadakena ogotona seko era, iato qa zazu ne ze go osina karaputa i reqeme go puṉuqu, ṉalu qa tamana ne go Tarama velaka sauna ia. Iago God i rove era qa nanao taru qamue go ramu pene era.

Leta Ia Pol I Karo Ne Qira Basoero Na Rom 4:1

Avana mata vane too ia Abra-am, i kazigaratana go sinaqe ita? Ava patana i dokae de ikoego ia?

Leta Ia Pol I Karo Ne Qira Basoero Na Rom 9:3

Iago, sauqira era qa lete soko God mara vakimata va mana mara pala vakuziki nave Kristo, go ṉalu i malumu ava ria mara lama garogaro napue de ikoego God.

Leta Ia Pol I Karo Ne Qira Basoero Na Rom 9:5

Ria to iri reqeme go tutuluna popodo ireqeme go kazigarata bana ro ria. Mana Kristo i lama podo basoe me sinaqe ro nae. Iago osiqita mata vazaka God ia i Batu ne qita go osiqita. Amen!

Kameka Korinti 1:9

Ita mata vazaka God, iato God i koru qamu tamuna vari vakitakie de ikoego Tuna, Jesu Kristo Batu ita.

Kameka Korinti 10:18

Nanao zaqe vano Izirel iri ge go pata iri komakoma ne zaqe go God, go iri vakameka ne go ia.

Qalesia 4:4

Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.

Kameka Tesalonika 1:10

Mana de go ramu qamu piri ne go lama napu na sale ia tina reqe mego rani ne. God i vatoo napu mego ia tepa le ne, mana Jesu to tina vakavele qitae go ita muna mana varitanae ia God kene ṉalu.

Kameka Timoti 2:5

Tanego ita qata rove, kameka so God, mana iko napu kameka basoe i vakameka ne God mana basoero na pua dena, basoe nae to Jesu Kristo,

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Karua Timoti 2:8

Tarama Velaka qa sine go era igo dena, Jesu Kristo i reqe me sinaqe ia Davita mana i too napu me tepa le go.

Kameka Jon 1:3

Pata qimu mia mana gata gogo ne qimu sine napu ne qamu so ramu, iago ramu muna ko kamekae de qimu koe remu loborona varikitaki qimu pala ze go God Tamaqita, mana de ikoego sale ia Jesu Kristo.

Kameka Jon 3:23

Tamana ro ia i sine ne qita go igo dena, mata vaogote sale ia Jesu Kristo mana vari mamaligarae napu tanuqita, gere Kristo i sine bana ne qita go.

Kameka Jon 3:8

Do basoe i zazu taru ne go vasakata pata i sale ia Satana, tanego Satana, ne i vasakata pata bana meso kokosona me. Iago, sauna to ianae tanego Tuna God i lama ne go pero vanaqe na zazu sakataro ia Satana dena.

Kameka Jon 4:15

Basoe i sine vasadake go Jesu i Tuna God igogo, God i too e go loborona too ia basoe nae, mana basoe nae ne ikoe loborona God go.

Kameka Jon 5:1

Osiqira ria iri vaogote Jesu to, i Mesia go, ria to iri salero iago God. Mana osiqira ria iri mamaligara ne go sale ia.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Kameka Jon 5:5

Iago, akena to i mazala go vasivala nena vatovato sakatana vudu pua dena? Tanuqira to ria iri vaogote go Jesu i Tuna ogoto go God iri mazala go.

Karua Jon 1:7

Topu ria vano poqepoqe iri goe to osina dia vudu pua, mana basoero dena iriki vaogote kaega Jesu Kristo i lama pala go tokama gere qita ita vano basoe. Basoe igogo nae i poqepoqe mana ikana ne Kristo.

Revaleson 2:18

Ia i seko, igo napu de, “Ono karo ne zaqe aqelo na eklesia na Taetira. Iato dena seko era Tuna God, mataqu i uqulu gere go nako ne, mana makequ i damara gere go barasi ne.