Revaleson 2:3 - Vato Vari Vakameka Voru Ia Batu Ne

³ Qa rove era tane pala taru vanadu raramu, mana qamuki vana ne kaega vaogoto ramu, patavolomo basoero ne iri va vokara ne qamu go sauqu era.

Revaleson 2:3 Iomraidhean Croise

Maka 15:21

Ṉalu iri zazae go zuka ne, iri soba kameka valeke vitoṉona Saimon ireqe me komala sasaniqa ne mana mara zae komala lavata ne igo. Vano soldia ro ne iri vatutubo ze ia go mara vegoro tavise koluse ia Jesu iri go. Saimon dena i valeke na Saerina mana i tamaqiru Alekzada mana Rupus.

Luka 14:27

Ṉalu ka basoe i soko luluava era, do iki vagore kaega koluse ia gogo ne, basoe nae iki disipolo era kaega go.

Luka 18:1

Jesu i sine ne qira disipoloro ia vapadapada dena, go ria tarina pene taru so mana mara ria kasi pela go.

Luka 21:19

Degere vanadu, go tamuna vakavele tanuqamu.”

Luka 5:5

Saimon igo, “Batu qisibato remu lodana kuse ne do qimuki toqo so kaega kapata, do qo sine to aro go era ṉara va qoqoro zaqe to gabe ne.”

Luka 8:15

Paturu iri sorue go pua velaka ne i gere qira to ria iri gata go Tarama Velaka ia God, mana iri soti va velaka ze puṉu qira, go za doka so ṉalu iza ure go.”

Tarama Velaka Ia Jesu Kristo I Karo Go Jon 15:21

Basoero ne tarina zazu ne pataro nae de qamu koego, tanego i sauqu era, tanego iriki rove kaega Mamae ni turi nava go era.

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 16:12

Seko kula napu era de qaburu koe go raburu Tripaena mana Triposa karua qole qaburu zazu ne go zazu ia Batu ne, mana de ikoe go vakiataka velaka era Peresi qole izazu vokara ne go sauna Batu ne.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Leta Ia Pol I Karo Ne Qira Basoero Na Rom 8:25

Do ruruqe ogoto nae i reqeme pata qatiki mia go kaega. Iato nae gogo qata ko piri vanadu ne go so ita.

Kameka Korinti 13:7

Mamaligara i makuru va pela na nanao ia basoe, mana vaogoto ia, ruruqe ia mana nanao losi ia tiniki va qoqore kaega.

Kameka Korinti 16:16

Qa pene qamu vakitaka ro era, muna lulua vatovato velaka iri zazu ne go basoero gere qira ria de, mana basoero iri zazu tavisi qira go.

Karua Korinti 10:15

Iago remu qiki vazakanapu ne kaega zazu ria kero ne basoero, iri vasivala zego pada i vanama ne qemu go God. Do qi nanao, vaogoto ram tina zaza popoka go tina malumu qemu remu zazu karaputa napue de qamu koego, do tina dokae so pada i vanama bana go God.

Karua Korinti 11:23

Iri go iri vano zazu ia Kristo. Era to qa basoe zazu velaka ia Kristo, qa gere to sekoseko na basoe bulaṉoe. Era qa zazu vakaraputa sivala ne qira basoero nae, qa koe bara ne topuna ṉalu, iri sima va topu na ṉalu, mana topu ṉalu era qa garogaro le go.

Karua Korinti 4:1

Loborona vari nanao ia God i teke ne qemu zazu go timuna zazu nego, lago remu iki pela kaega nanao qemu.

Karua Korinti 4:16

Iago, remu qiki pela kaega, patavolomo karaputa remu i taqoqoro, do too na madau qemu i pala karaputa nogotona musaqara.

Karua Korinti 5:9

Remu qi soko di zazu ne pata tina vakula go God. Iago ade tepa tane qi koego, bana qiara koe so too ninidena? Ba de ikoego too, de koe God?

Karua Korinti 6:5

Iri sima qemu, iri taru qemue bara ne, mana basoero topu iri varitarae de qimu koego, qi zazu sivala qimuki kamuku velaka kaega, mana ṉaṉa velaka kaega go.

Qalesia 6:2

Muna tavisi ne makuru ia kene basoe, vatovato dena to tamuna valulu ze go ramu tamana ia Kristo.

Qalesia 6:9

Iago ita mata kasi tamadoko ne pata velaka qata zazu ne go. Tanego ṉalu ita qatiki pela ne go kaega zazu nena velaka ita, ita tatana za pala ze urena zazu velaka ita musaqara iko mego.

Pilipae 2:16

mana ṉalu qamu teke ne qira tarama na too, ṉalu ramu qamu zazu ne, era tina zari nava pata tuna kula ne qamu ego ramu ṉalu musaqara Kristo tina lama napu, tanego tina vasadake osina zazu ro era tiki vana volomo kaega.

Pilipae 4:3

Mana aro napu vakitaka era, qa soko ono tavisi ne qiru karua qole dena, tanego riru dena iru tavisi velaka nava era sauna tarama ne na tarama velake ne. Kelementi mana kero ne napu vakitaka ro iri tavisi nava era, ria dena vitoṉo qira i karo banae buka na too ia God.

Kolosia 1:11

Remu qi pene God go mara va moqere qamu e, osina karaputa i reqe mego Karaputa mazala ro ia, go laborona zazu ramu tamuna mazala vasivala nena osina pata makuru ro loborona nanao velaka ramu.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Kameka Tesalonika 2:9

Pata ogoto, ramu turaqemu, qamu nanao tarua de i gogo qemu zazu kuse mana musaqara, go timuniki va makuru qamue kaega ramu sauna pata gege, ṉalu remu qimu tamana ne qamue Tarama Velaka ia God.

Kameka Tesalonika 5:12

Turaquro, qimu pene vakaraputa qamu muna vamazala qira ria iri garetu zazue go de qamu koego. Tanego ria to iri vatatana qamue go too ia Kristo.

Karua Tesalonika 3:13

Do ramu turaquro, muna tamadoko ne zazu ne na pata velaka.

Karua Tesalonika 3:5

Go Batu ne mara kenaqa ne qamue rove velaka na mamaligara ia God, mana pala taru vanadu ramu sauna karaputa ia Kristo go.

Karua Tesalonika 3:8

Mana qimuki toqe ne kaega pala volomo na pata iri sosovolomo ne qemu qo basoero ne. Tanego remu qimu zazu vakaraputa kuse mana musaqara go mara kaega ne qamu ramu kaki makuru de qi koego remu.

Kameka Timoti 4:10

Ita qata zazu vokara taru so, tanego qata vaogote God i too. Iato i mazala go vakavele qira osiqira basoero ne, mana tina vakavele qita ita qata vaogote go iago.

Kameka Timoti 5:17

I tora muna teke ne qira voli mana vitoṉo velaka, de iri koego vano kenakenaqa ramu iri miasoka go lotu ramu. Ria iri lete zazu vokara ne sine vasadake na Tarama Velaka ne mana vari vatatana ne seko ia God, itora tarina pala voli qira.

Iburu 10:36

Ramu muna degere vanadu taru so, go tamuna zazu nego pataro i soko go God, go tamuna toṉove go pata i pui bana nego God.

Iburu 12:1

De qata koego ita ne, iri ko liqutu qita topu ria basoero iri vasadaka bana go vaogoto ria de ikoego God. Iato go ita mata vana ne osina pata i va makuru qitae go vaogote na God, mana mata vana napu ne zukazuka na vasakata pata go, mana mata teteṉe va moqere van vose i kome go kenaqa qita go.

Iburu 13:13

Iago ita mata za ko tavisi ze ia taramuzina komala lavata ne, go basoero ne tarina vasasakata ne qita, gere na so de iri vane bana go Jesu.

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Iburu 6:12

Remu qiki soko kaega ramu tamuna muaka, do muna gere qira vano iri vaogoto go mana iriki pela ne go kaega piri, mana loborona to zuka dena iri pala ze go pata i pui bana nego God tina teke ne qira go.

Iburu 6:15

Abra-am iki va nula kaega piri, iago Abra-am i pala to pata i pui ne go God.

Karua Pita 1:6

Muna miasoka va velake tokama qamu mana degere vanadu osina ṉalu, mana lulua too ia God.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.