Revaleson 2:2 - Vato Vari Vakameka Voru Ia Batu Ne

² Era qa rove de igogo zazu ramu, mana qa rove de igogo zazu vokara ramu sauna karaputa ramu. Qa rove era tane qamuki soko qira kaega vano sakata. Mana qa rove era tane qamu padane qira vano iri apostoloro iri gogo, do taramuzina ramu qamu rove to, iri vano poqepoqe bana go.

Revaleson 2:2 Iomraidhean Croise

Matiu 7:23

Do ṉalu nae tuna sine ne qira, ‘Kasi ne de qa koego era, qamu vano sakata. Qaki rove bana qamu kaega.’ ”

Tarama Velaka Ia Jesu Kristo I Karo Go Jon 6:6

Jesu i tana ne Pilipi tanego i soko so pada ne ia, ba ia ne, i rove bana pata tina zazu ne go.

Qalesia 1:7

Do pata ogotona ne, ikaega napu kaki Tarama Velaka, tanego kakiaro basoe iri lama vasakate nanao qamu mana pada ne itane na Tarama Velaka ia Kristo. Igo nae ia tanego qa sine ne qamu go.

Epesus 4:14

Iago, ita mata kasi gere qira salero iri teteṉe ne go za gata na vari vatatana poqepoqero iri gere go pupuakana masi i lama kiuru pero vanaqe go sokoro ne. Iago ita mata kasi lulu qira vano vari vatatana poqepoqe ro, iri soko go vazazao vasakata qitae pata tatakiu ro iri zazu ne go.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Kameka Tesalonika 5:21

Do osina pataro dena muna toere velake tekere ia, munara lulua go ke i velaka go.

Karua Timoti 2:19

Do kutama ogotona eklesia ni tarua go God, tiniki mazala kaega vizu na, mana i karoe seko dena, “Batu ne i rove velake basoero ia,” kaki seko igo napu de, “Basoero iri go, iri basoero ia Batu ne, iri na vana ne vatovato sakata ria.”

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Kameka Jon 4:1

Ramu turaquro kasi vaogoto qira basoero iri go, iri toṉove Spirit tabo. Do muna pada mana mia va velake ṉalu go Spirit iri toṉove go ireqe ogoto me de ikoe God. Tanego topu propeta poqepoqe iri zaza goe to osina dia.

Revaleson 2:5

Muna nanao ule zaqe de igogo ko velaka bana ramu kokosona bana me na ne. Ninidena ramu muna taleqe ule me de qakoego era. Vana ne vasakata pata ro ramu mana zazu ne pata velaka ro qamu zazu ne me kokosona ne. Do ṉalu qamuki vana ne kaega vasakata pata mana vatovato sakata ro ramu, era tuna lama pala vaule pazi ramu nae.

Revaleson 2:6

Ba kameka pata qamu lete velaka nego ramu, qamuki soko kaega vatovato ria vano iri lulua go vari vatatana ia Nikolasi. Era do qaki soko to kaega vatovato ria nae.

Revaleson 2:9

Era qa rove napua qamu ramu soba makuru mana qamu situ go, do qamu vavagado napu so. Qa rove basoero iri seko vasakata qamu go nae ne, iriki vano Jiu ogoto kaega, basoero nae ne iri vano zazu ia so Satana.

Revaleson 3:1

Valeke ne igo napu de, “Ono karo ne zaqe aqelo na eklesia na Sadisi. Iato dena seko era, valeke qa pala go kavitu spirit velaka ia God mana domiri ne go. Basoero ne iri go ramu qamu too, do ramu qamu le bana tanae.

Revaleson 3:15

Era qa rove pataro qamu zazu nego ramu, mana qa rove ramu qamuki lolomu mana qamuki ila kaega. Ṉalu go ramu tamu lete ila, ba lete lolomu gogo ne, iato i velaka va go era!

Revaleson 3:8

Era qa rove pataro qamu zazu nego, mana qa rove karaputa ramu i suka so, do qamu lulua vari vatatana era mana qamu osaka nava go. Iago siporaṉa ne era qa papaqa ne qamu to, i kaega to ka basoe tina kokoqu ne qamu go.