Revaleson 1:4 - Vato Vari Vakameka Voru Ia Batu Ne

⁴ Era qa Karo ne qamu ramu kavitu eklesia qamu koego kena Esia. Pepene era, qa pene Mana ia Batu ne, mana bule ia mara ko tavisi qamu ramu, tina za reqeme de ikoego God, i ko bana, i ko ninidena mana tinara lama napu go. Mana ia Batu ne mana bule dena i reqe napu meso kavitu spirit velaka iri koego tarakenaqana de koloku batubatu ia God.

Revaleson 1:4 Iomraidhean Croise

Iburu 13:8

Jesu Kristo iki rove kaega kavala vatovato ia i varipada so, tupi me ṉalu bana ne, ninidena, mana tiniki rove kaega za lupo go

Tarama Velaka Ia Jesu Kristo I Karo Go Jon 1:1

Tarakenaqana kolabana pua iara zari go ‘Seko’ i ko bana so. ‘Seko’ dena i ko tavise God. Mana iru varipada God go.

Revaleson 5:6

Gonae qa reṉa ne zaqe Tunana Sipi i degere kolo iago. Tunana Sipi dena ne i gere pata iri vae vale bana go, i zari kavitu kiso na mana kavitu matana go, ianae ne iato kavitu Spirit ia God ni vazao ze go osina dia kolabana pua ne.

Revaleson 4:5

De kolokoloku ia batu ne, i za reqe me tatavatana ro kapi. Nae ne qa gata zaqe qumara na ro pakala i sorue go. Tarakenaqana de kolokoloku ia batu ne, i kamue kavitu pazi, ria nae kavitu Spirit velaka ia God.

Revaleson 1:8

God Batu ne igo, “Era to qa kenaqana mana muzimuzi na osina pata,” God Batu ita ikoego osina karaputa, iko bana me, iko taru ninidena mana de iara za ko mego.

Revaleson 3:1

Valeke ne igo napu de, “Ono karo ne zaqe aqelo na eklesia na Sadisi. Iato dena seko era, valeke qa pala go kavitu spirit velaka ia God mana domiri ne go. Basoero ne iri go ramu qamu too, do ramu qamu le bana tanae.

Jemisi 1:17

Osina sosovolomo na pata ni velaka go iri reqeme so rani ne. God i valame go pata velakaro dena, mana tanuna God iki rove kaega kavalena vatovato ia. Iki gere kaega pataro ivazaria go iri koe go zakazaka varioka dona iri tatavata mego, do iri rove so kavala osina ṉalu.

Revaleson 4:8

Nogoto qira kavasi pata qaraqara ro dena, i zari kaonomo babalakuru qira, mana mata qira i kakabu lupoe so osina dia tokama qira. Musaqara mana kuse iri kera taru so mana iriki mamanava kaega. Kera iri kera nego, igo dena, “Tabo, tabo, tabo ikoego God Batu ita i moqere sivala go. Ia i ko bana meso, i ko ninidena mana tinara za lama napu go.”

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.

Leta Ia Pol I Karo Ne Qira Basoero Na Rom 1:7

Iago, qa karo ne qamu ramu basoero topu qamu koe go Rom, tanego God i mamaligara ne qamu, mana i koru qamue basoero ia tanuna. Go God Tamaqita mana Batu ita Jesu Kristo mara riru teke ne qita mana, mana bule ia.

Revaleson 2:8

Ia i seko, igo napu dena, “Ono karo ne zaqe aqelo na eklesia na simina. Iato dena seko era, valeke qa kenaqana mana lupolupo nago osina ro pata. Qa le bana mana qa too napu mana tuniki ara le kaega go.

Revaleson 1:20

Qo mia kavitu domiri qa pala taru zego karisi matauqu mana kavitu pazi qolu dena gogo ne, iri pata ko pipika bana so mana i ko talupasana ro go. Kavitu domiri dena iri talukase kavitu aqelo na kavitu eklesia ro dena.”

Revaleson 1:11

Naki nae igo dena, “Ono karo ze buka osina pataro qo mia go dena, mana vazao ne qira kavitu eklesia iri koego komala lavata ro dena, Epesus, Simina, Peqamam, Taetira, Sadisi, Piladelpia mana Laodisia go.”

Karua Korinti 1:2

Qa pene, go God Tamaqita mana Batu ita Jesu Kristo mara Mana ne qamu mana mara teke ne qamu vato bulebule ia.

Kameka Korinti 1:3

Go God Tamaqita mana Batu ita Jesu Kristo mara teke ne qamu Mana, mana dalo ia.

Revaleson 3:14

Ia i seko, igo napu dena, “Ono karo napu ne zaqe aqelo na eklesia na Laodisia. Iato dena seko era, valeke vitoṉoqu iri koru zego, ‘Amen!’ Era to qa tarama totoloṉo mana qa ogoto taru mego kokosona me osina ro pata i vazaria go God.

Revaleson 2:18

Ia i seko, igo napu de, “Ono karo ne zaqe aqelo na eklesia na Taetira. Iato dena seko era Tuna God, mataqu i uqulu gere go nako ne, mana makequ i damara gere go barasi ne.

Revaleson 2:12

Ia i seko, igo napu de, “Ono karo napu ne zaqe Aqelo na eklesia na Peqamam. Iato dena seko era, valeke qa pala tarua go pegi loda i zogoto go karua tepana ne.

Revaleson 1:1

Zazaona buka dena, i vasadaka me pataro iri kokopika bana me go, do Jesu Kristo i vasadaka me. God i teke ne Jesu Kristo go tina vamia qirae basoero iri zazu nego ia, sauna pataro tiniki umata kaega tina lama doka go. Iago Kristo iturine me aqelo iago tina vamia ze Jon, valeke zazu ia.

Zazu Ria Apostoloro 19:10

Karua ave to i vari vatatana ne Pol pataro dena loborona Epesus, iago osina basoero iri koego kolabana Esia, vano Jiu mana vano iriki Jiu go kaega iri gata seko ia Batu ne.

Zazu Ria Apostoloro 2:9

Ita qata reqeme Patia, Midia mana Elamu gata reqeme Mesopotamia, Judia mana Kapodosia, tepa Pontus mana Esia.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 1:17

Pasi qa reṉa soba ne ia, qa soru kapate tarakenaqana makena ia, gere basoe i le bana go. Do i sibave karisi matauna, mana igo, “Oniki sareki, era to qa kenaqana go mana lupolupo na go osina ro pata.

Revaleson 8:2

Taramuzina ianae, era qa mia kavitu aqelo iri teke ne qira kuvili mana iri degere tarakenaqana na God go.

Revaleson 16:5

Gonae qa gata zaqe aqelo ni miasoka go besi ro ne, igo dena, “God, aro qo lete tabo sivala, qo ko bana me, mana qo ko taru ninidena go, kimata ro qo valame go ne itotoloṉo lupo so.

Revaleson 22:8

Era, Jon, tane qa gata mana qa mia go osina pataro dena. Ṉalu qa gata mana qa mia lupo go pataro dena, qa koloku tutuṉue tarakenaqana aqelo ne, go ma vabatua, qa go.

Revaleson 22:16

“Era, Jesu qa turi ne aqelo era, go tina sine ne qira basoero na eklesia ne. Era qa podoe sinaqe ia Davita mana qa gere go domiri dodola, ni tatavata mego sarusaruku lolotoro ne.”