Iburu 9:11 - Vato Vari Vakameka Voru Ia Batu Ne

¹¹ Do Kristo ilama bana gere na batu Patere, ia i pala me pata velaka ro ikoego de. Ia i keba bana za kova i lete tabo sivala go, i sivala ne ke bana ne, iato go i meno meno go, basoe iki zazu ne kaega pade dena, tanego vazari i vae nego God kolabana pua ne, pade dena iki va zari palu me kaega.

Iburu 9:11 Iomraidhean Croise

Matiu 11:3

Mana iri tana ne ia, iri go, “Avigo, aro to tane God ni pui bana ne go tono lama go? ba, timuna piri napu ne kaki basoe?”

Matiu 2:6

‘Betelema kena na Judia, aro qoki lete muzi sivala ne qira kaega ria batu naro Judia, tanego de qo koego aro tina reqe me kakia batu tina kenaqa ne qira basoero era Izirel.’ ”

Maka 14:58

Mana iri go dena, “Remu qi gata bana i sine go valeke dena, ‘Tanuna ne tina pero vasorua Pade Lotu lavata ne mana tina vadegere napua so taramuzina vapisana musaqara, kameka ke voru tiniki zazu ne kaega basoe,’ ” igo.

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 4:25

Qole ne ivataule ne ia igo, “Era qa rove Mesia tina lama, mana ṉalu tina lama go, ia tina sine ne qita osina pata.”

Zazu Ria Apostoloro 7:48

Do God i lete zakazaka sivala go, iki koe kaega pade ni zazu nego basoe, gerena so i sine go,

Karua Korinti 4:18

Tanego remu qiki vanadu ze kaega nanao qemu, pataro qata mia go, do qi vanadu ze nanao qemu, pataro qata ki mia go kaega. Pataro qata mia go, iki pata ko vaumata kaega, do pataro qatiki mia go kaega, iato pataro tina ko sivala go.

Karua Korinti 5:1

Remu qi rove ṉalu pade kavakava qata koego dena i tapapata, tokama qita ikoego pua dena tina mode, God tina vanama ze kaki pade tepa rani go tatana za koego. Komala i zazu ne tanuna tina ko sivala go.

Kolosia 2:11

Loborona vari vakameka ramu de koe Kristo ramu qamu kosi bana to, vari kosi ia kaega basoe, do vari kosi i zazu ne Kristo, i vakavele ze basoe loborona karaputa ia pata ikoego tokamaqita i mazala go vazao qita vasakata pata.

Iburu 10:1

Tamana ro ia Mosese, iki dudule ogoto na kaega pata ogoto ro i ko go, i gere so dudule na pata velaka ro tinara sadaka me. Kameka ado na so komakoma iri zazu nego osina ave, iago ava tina go tane Tamana na de go komakoma ro dena tina vatotoloṉo lupo qira go basoero iri lamae de i koe God na?

Iburu 12:27

Seko i sine go God igo, “Kaki ṉalu napu” i vasadake pataro i vazaria go tina vizua mana pala vazikia go, ba pataro i makuru go va vizuna tina ko so.

Iburu 13:14

Loborona vudu pua dena, i kaega kaki komala lavata tina ko sivala, go tatana koego, do ita qata soko dokae na komala lavata tinara lama go.

Iburu 2:17

Iato go i tora ia tina vanadua mana osaka ne zazu ia de koe God gerena batu ria patere, go vasakata pata ria basoero ne na nanao ule ne qira.

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Iburu 4:15

Batu Patere ita ne, i rove velaka bana so de qata pela ego ita, tanego osina makuru ro i padae de qata koego, i doka bana ia, do patavolomo nae, kaega kaki ṉalu Jesu i soru e vasakata pata.

Iburu 7:1

Melkizadek dena to i batu lavata ego Salem, mana i patere ia God i zakazaka sivala go. Ṉalu Abra-am i gado ule mego varitara ena, de iri koego kavasi batu lavata ro ne, Melkizadek i za soba mana iva tabo iago,

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Karua Jon 1:7

Topu ria vano poqepoqe iri goe to osina dia vudu pua, mana basoero dena iriki vaogote kaega Jesu Kristo i lama pala go tokama gere qita ita vano basoe. Basoe igogo nae i poqepoqe mana ikana ne Kristo.