Iburu 6:9 - Vato Vari Vakameka Voru Ia Batu Ne

⁹ Vakitaka ro era, patavolomo tane qa sine ne qamu go seko ro dena. Qi rove velake ramu tamuna pala makaolo ia, iato i vari vakavele ramu go.

Iburu 6:9 Iomraidhean Croise

Maka 16:16

Vano iri vaogote mana bapitema gogo ne God tina vakavele qira. Do vano iriki vaogote go kaega, God tina varitanae ne qira ṉalu muzimuzi.

Zazu Ria Apostoloro 11:18

Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”

Zazu Ria Apostoloro 20:21

De qamu koego ramu vano Jiu mana vano iriki Jiu go kaega, qa sine va moqere ne qamu, muna vanane vasakata pata ro ramu mana tabali za de ikoego God, mana taru ze ruruqe ramu de ikoego Jesu Batu ita go.

Kameka Korinti 10:14

Iago turaquro, muna paqa kasine vazaka na beku.

Karua Korinti 12:19

Vakitaka ro era, kadigo qamu nanao remu qi pada ne so bara nena tanuqemu de qamu koego ramu. Kaega! Remu qi seko gerena so Kristo i soko go timuna seko e tarakenaqana God, mana osina pata qi zazu ne go tina tavisi ne qamu ramu go.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Karua Korinti 7:10

Iago maqata ivazazua go God, i kavale puṉuna basoe, mana i va sadaka me vari vakavele, iago maqata dena iki ko sivala kaega. Do maqata i lulua go nanao na pua dena mana iki taqia kaega God, ianae iva sadaka me le.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Iburu 10:34

Ramu qamu kena tavise vokara iri pala go vano iri koego bara ne, ṉalu iri pala lupo qamue go pataro qamu toṉove go, do ramu qamu kula so, tanego qamu rove bana i ko ne qamu kaki pata i lete velaka sivala mana tina ko osina ṉalu go.

Iburu 10:39

Do ita qatiki basoero na kaega tabali ule mana rore go, do ita qata vaogote God ia tina vakavele qita go.

Iburu 2:3

Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.

Iburu 5:9

Ṉalu i valupo to osina zazu, God i vazakazaka ia, iato i vari va kevele ogoto, ria iri toqe ne ia tarina pala too i ko sivala go,

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Kameka Pita 2:11

Qa pene qamu turaquro, ko ramu vudu pua dena qamu ko gerena so vano tupaka, tanego iki komala ogoto kaega. Iago kasi luluna nanao sakata ni soko go nanao qamu iri kana taru ne go madau qamu.

Karua Pita 3:1

Ramu turaquro ia dena i varuana leta era, qa karo ne qamu ramu. Loborona karua leta dena qa soko va dogara qamu ramu mana va totoloṉo velake nanao qamu ramu sauna pata ro dena.

Kameka Jon 2:7

Ramu turaquro, tamana qa karo ne qamu go dena iki tamana voru kaega, do i tamana bana qamu rove bana me so kokosona ne. Mana tamana dena iato qamu qata bana mego.

Judi 1:3

Ramu turaquro, qa lete soko karo ne qamu ramu kameka leta sauna vari vakavele qata vari pala ne go. Do ninidena to qa nanao lulusu zaqe to, itora to era ma karo ne qamu leta dena, go ma sine va karaputa ne qamu go muna varitara moqere ne, bara ne na vaogoto qamu pala bana go. Kameka ṉalu so God ivalame ne qira go basoe ia, vaogoto dena iato iko osina ṉalu topu ro ne.