Iburu 6:2 - Vato Vari Vakameka Voru Ia Batu Ne

² Varivatatana na zazao na bapitema, vakapata zena karisi de iri koego kero ne basoero, de go vano le tarina too napu me, mana varivatatana na de go God tina zazu ne go vivine ia musaqara muzimuzi go.

Iburu 6:2 Iomraidhean Croise

Matiu 28:19

Iago muna zae osina dia vudu pua dena, mana sine qira basoero ne mara lulu ava era. Muna bapitema qirae vitoṉo na Tamana mana Tuna mana Spirit tabo go.

Matiu 3:14

Jon i padane kadego mara kavale nanao na Jesu igo. I sine ne Jesu, “Aro tana i tora go tono bapitema va go era, iki torava kaega era tuna bapitema go aro.”

Maka 16:16

Vano iri vaogote mana bapitema gogo ne God tina vakavele qira. Do vano iriki vaogote go kaega, God tina varitanae ne qira ṉalu muzimuzi.

Maka 7:4

Pata gege ro iri za voli zego de iri volivoli ze go pata gege ne, tarina saboro kenaqa ia tarinara ge go. I topu napu tamana ria iri lulua gere saborena kapu, sereke mana ebata go.

Maka 7:8

Qamu taru vatarikise tamana ia God, mana qamu lulua so Tamana ṉalu bana na vano basoe.”

Luka 11:38

Valeke Parisio i poloso ṉalu i mia Jesu iki saboro kenaqe kaega karisina do i ṉaṉa go.

Luka 12:50

Do kameka bapitema iara ko nava tuna toṉove go. Makuru tina sapuava go i gere loka i sapua go basoe ṉalu i suala zunu nego bapitema. Mana makuru nae iara kaebo sivale na deqa koego mana puṉuqu i lete maqata sasakata.

Luka 14:14

Aro tono pala makaolo, tanego ria tina makuru qira soka vaule nigo, do God tina soka vaule nigo aro ṉalu basoero velaka tarina too napu mego tepa le ne.”

Luka 3:16

Do Jon i sine ne qira igo, “Era qa bapitema qamue so besi, do ia tina zalama go, i lete sivala nava era. Era iki torava kaega tuna lupase go qolo na makebotu ia. Mana ia ne tina bapitema qamue Spirit tabo mana nako go.

Tarama Velaka Ia Jesu Kristo I Karo Go Jon 1:33

Era qaki rove kaega akena tane valeke dena, do God ni turi nava era tuna variva bapitema ne besi, i sine bana nava igo de, ‘Tono mia Spirit tabo tina qoqoro me mana koe de ikoego Valeke ne. Valeke nae to tina bapitema qira e go basoero ne Spirit tabo.’

Tarama Velaka Ia Jesu Kristo I Karo Go Jon 5:29

mana tarina siporo kasi ne me kukubo ro ria. Ria iri zazu bana nego pataro i totoloṉo go, tarina too sivala, do ria iri zazu bana nego pataro iki totoloṉo go kaega, tarina kimata taru so.”

Zazu Ria Apostoloro 10:47

“Basoero dena iri toṉove Spirit tabo gere qita so ita, gata tonovo bana go, avigo i ko kaki basoe i mazala go vakaega ne qira bapitema na besi?”

Zazu Ria Apostoloro 13:3

Iri qaniqani mana lotu, taramuzina iri sapu qirue karisiqira mana iri vatabo qiru, mana iri turi va zazao qiru go.

Zazu Ria Apostoloro 16:15

Taramuzina nae, tanuna mana basoero iri koego pade ia iri bapitema lupo. Lidia i pene qemu remu igo, “Lama koe pade era, ṉalu qamu nanao era ogotona to qa vaogote Batu ne.” Mana i pene vamoqere qemu go timuna lulu ia.

Zazu Ria Apostoloro 16:33

Torana so kuse na ṉalu nae, valeke ni miasoka go bara ne, i lulu qiru Pol mana Saelas iri zae pade ia, i sabore de i paleka go tokama qiru mana taramuzina nae, tanuna mana osiqira to ria ko tatamana ro ia, iri bapitema lupo.

Zazu Ria Apostoloro 17:18

Kakia ro vano vari vatatana iri vitoṉo qirae Epikuriani mana Sitoiki go iri vari valegu ne seko de ikoego Pol, gonae kakiaro Iri go dena, “Avana tane valeke vakanata dena i sine go?” Mana kakia ro iri go, “Valeke dena ipepeu so god na de kakavata.” Iri sine pata ro dena, tanego Pol i tamana ne Jesu mana too napu ia tepa le ne.

Zazu Ria Apostoloro 2:38

Pita i vane qira dena, “Muna nanao vana ne vasakata pata ro ramu mana bapitemae loborona vitoṉona Jesu Kristo, go ia tina vatalukase go vasakata pata ramu.

Zazu Ria Apostoloro 2:41

Topu ria iri vaogote go seko ia iri bapitema, mana torana pisamao ria iri lama vatopu napu qira vano iri vaogote go Jesu musaqara nae.

Zazu Ria Apostoloro 23:6

Ṉalu Pol i mia basoero iri lama teṉoe go pepeu ne, kakiaro iri vano Sadusi, mana kakia ro iri vano Parisio, iago ia iseko vamazala age loboro qira vano iri koego pepeu ne. “Ramu Onotoquro na Izirel! Era qa kaki valeke Parisio qa sale ria vano Parisio go. Era qa lama go qamu pada nave go loborona pepeu dena, tanego qa vaogote ria iri le bana go tarina too napu me tepa le ne!”

Zazu Ria Apostoloro 24:15

Ria to mana era go, i varitora so piri qivae nego Batu ne, qi rove God tina vatoo qira e tepa le ne vano vatovato velaka mana vano vatovato sakata go.

Zazu Ria Apostoloro 24:21

ba era ne kameka so ovaṉa qa sine go ṉalu qa degere go tarakenaqa qira basoero ne ṉalu nae. Qa koru ne, “Ramu qamu va makuru ava era ninidena, tanego era qa vaogote vano le tarina too napu me.”

Zazu Ria Apostoloro 24:25

Do ṉalu Pol i sine napua de igogo, too totoloṉo, too ia tanuna basoe, mana ṉalu muzi God tina zazu nego vivine, Pilix i sareki, mana i sine ne Pol, “Aro mo ule tekere ninidena. Era tunara koru napu go, ṉalu go i ko napu nava ṉalu.”

Zazu Ria Apostoloro 26:8

Avigo ramu qamu ko go dena, qamuki vaogote kaega God tina vatoo napu qira vano iri le bana go?

Zazu Ria Apostoloro 4:2

Iri muma, tanego karua apostolo ne iru varove qirae basoero ne Jesu itoo napu me tepa le ne. Gerena ianae i vasadaka ogote basoero iri le go tarina too napu me.

Zazu Ria Apostoloro 6:6

Iri vazao qira taravitu dena, de iri koego apostoloro ne, ria iri pene mana iri sapu ze karisi qira kuzuku qira mana iri vatabo qira go.

Leta Ia Pol I Karo Ne Qira Basoero Na Rom 2:16

Iago zazao na Tarama velaka qa tarama ne go era dena, tina voto ṉalu tina doka go musaqara muzimuzi ṉalu God tina varitanae ne go nanao pipika ria basoero ne de ikoe go Jesu Kristo.

Kameka Korinti 10:2

Ria osiqira iri gerena iri bapitemae toba mana besi go. Ianae i va sadake ria iri lulua Mosese.

Kameka Korinti 12:13

Varipada na so osiqita, vano Jiu, ba vano iriki Jiu go kaega, vano seka, ba vano iri ko talupasa, osiqita qata bapitema bana e kameka tokama loborona kameka Spirit tabo. Mana Spirit tabo dena to i va karaputa go too ita.

Karua Korinti 5:10

Do osiqita tatana sadaka e tarakenaqana Kristo ṉalu tina zazu nego vivine ia. Ia tina vine too ita, mana tina teke ne qita voli ba kimata i tora go pataro qata zazu nego, Kristo tina zazu ne iadena, sauna osina zazu velaka ba zazu sakata ro qata zazu nego, ara too qata vaego pua dena.

Pilipae 3:21

Ia tina kavale too memelaka na tokama qita, mana tina va gere ze tokamana tanuna ni velaka mana tabo go. Tina vazazua karaputa ia, go osina pata tina koe so polana vari miasoka ia.

Kolosia 2:12

Tanego ṉalu qamu bapitema, ramu qamu vou palua Kristo, mana loborona bapitema qamu too palu napua Kristo, loborona vaogoto ramu de koe zazu mana karaputa ia God, i vatoo ze go Kristo tepa ia le ne.

Karua Timoti 2:18

iru vana ne zuka na vaogoto mana iru va vizua vaogoto ria basoero ne, iru go ita qatiki ara too napu kaega ṉalu muzi, tanego too nae ne, iato qata pala to ninidena.

Iburu 11:35

Qolero iri vaogote go God, iri pala vaule napua sale ro ria ba vano vano ria iri le bana go. Do kero ne basoero napu iri vaogote go God, iriki toqe ne kaega ko talupasa, mana iri le loborona vari vae vale i sakata sivala, go tarina pala too velaka ṉalu muzi.

Iburu 9:10

Tamana ro dena i patana so pekapeka na basoe, zazaona pata gege, besi, mana de go va vadalo, tamana ro dena tina ko go na doka ṉalu God tina kavale osina pataro mana tina va voru lupo go.

Karua Pita 3:7

Do rani mana pua iru ko doka ninidena, God i pala taru ze so seko ia go tina lama doka qiru go nako tina subi qiru go. Rani mana pua iru vanama ne so ṉalu musaqara muzimuzi, God tina varitanae nego basoero sakata iri legulegua go, go tina pero vanaqe qira go.