Iburu 6:11 - Vato Vari Vakameka Voru Ia Batu Ne

¹¹ Remu qi lete soko osiqamu muna palataru vanadua vaogoto ramu, go na doka go, ṉalu pata qamu ala nego tina lama doka ogoto go.

Iburu 6:11 Iomraidhean Croise

Matiu 24:13

Do basoe i pala taru vanadu go, mana za doka go valupolupo na ne, tina za kavale.

Luka 1:1

Ke! Tiopilus. Era qa mia ria iri pada ne karo na pepeu na, deni gogo pataro isadaka e de qata koego ita.

Leta Ia Pol I Karo Ne Qira Basoero Na Rom 12:8

Ṉalu God i teke ne qita sosovolomo mazala go tatana vakaraputa qirae go basoero ne seko ita, ita mata zazu neto. Ṉalu basoe i pala sosovolomo na soso go tina teke ne qira go basoero kaki pata i toṉove go, ia mara zazu ne ze pata ogoto i ko mego loborona puṉuna. Ṉalu basoe i pala go sosovolomo na mazala go tina kenaqa ne qira go basoero ne, ia mara miasoka velaka qira to basoero ia. Ṉalu basoe qo vasadake go vari nanao aro de iri koe go basoero ne, ia mara zazu ogoto ne ze to pata ogoto i kome go loborona kula.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Kameka Korinti 13:13

Iago kapisa pata dena i ko sivala go, vaogoto, ruruqe, mamaligara, do ke lavata sivala ne to mamaligara.

Kameka Korinti 15:58

Iago vakitaka ro era, degere vanadu mana ko vakaraputa. Variqo ze too ramu loborona zazu ia Batu ne, tanego qamu rove bana, kaega kaki pata i patavolomo ṉalu qamu zazu ne zazu ia Batu ne.

Qalesia 5:5

Do remu qimu ruqe zaqe God tina vatotoloṉo qemue de ikoego tanuna. Iato nae pata qimu piri ne go remu loborona Spirit tabo ia God, izazue go loborona vaogoto remu.

Qalesia 6:9

Iago ita mata kasi tamadoko ne pata velaka qata zazu ne go. Tanego ṉalu ita qatiki pela ne go kaega zazu nena velaka ita, ita tatana za pala ze urena zazu velaka ita musaqara iko mego.

Pilipae 3:15

Osiqita ita i kazigarata go too na madau qita, mata pada ne pala na kameka nanao. Do ṉalu kakiaro ramu qamu pala go nanao kakavata, God tina va tatavata ne qamu.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kolosia 1:5

Ṉalu tarama ogoto mana Tarama Velaka go i garetu doka kenaqe de gamu koego ramu, ramu qamu gata bana pata qata mazala pala zena Tarama Velaka igogo ne, tanego vaogoto mana mamaligara i kutamana to pata qamu ala ne go, pata igogo ne iato i soti vanadu ze God tepa rani ne.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Kameka Tesalonika 1:5

Tanego ṉalu remu qimu pala zatu go Tarama Velaka de qamu koego ramu, remu qimuki seko volomo kaega, do i lama palua karaputa ia Spirit tabo, iata go remu qimu vasadake to, ogotona qimu vaogote go Tarama Velaka nae, mana ṉalu remu qimu kotavisi qamu ramu, ramu qamu rove pataro qimu zazu ne go remu, i sauna to velaka gamu ramu.

Kameka Tesalonika 4:10

Mana ramu qamu zazu bana ne to mamaligara ramu de iri koego turaqita ro iri koe kena Masedonia. Do qimu soko so vakaraputa napu qamu, go muna pala vapopoka napua vatovato nae.

Karua Tesalonika 3:13

Do ramu turaquro, muna tamadoko ne zazu ne na pata velaka.

Iburu 10:22

Iago ita mata za garogaro God, tanego nanao qita i dalo mana vaogoto ita i karaputa. Nanaoqita i poṉo ego vasakata pata, tina vavoru ze parasana Kristo, mana tokama qita tina dalo tanego qata seqe ne besi voru.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Karua Pita 1:10

Vakitaka ro era, God i vine mana i koru bana qamu go, qamu ke ia tanuna. Iago muna lete zazu vakaraputa go tamuna vanadua go vine mana koru ia God de qamu koego. Ṉalu qamu va voto pataro nae, i makuru napu tamunara soba makuru go.

Karua Pita 3:14

Iago turaquro, ko piri qamu vae ne go musaqara nae, pada ne mamu velaka mana tabo go, go mara kaega ne qamu kaki kebu tarakenaqana God, mana ko bule de ikoego iago.

Kameka Jon 3:14

Ba ita qata kasi bana neto tepa ia le, mana qata kavae to tepa ia too ogoto, ṉalu ninidena, tanego qata mamaligara ne qira vano lotu. Do vano iriki mamaligara ne qira kaega kero ne vano lotu, iri ara koeso tepa ia le.

Kameka Jon 3:19

Ṉalu qata zazu neto vatovato nae qatara mazala go ita rovena qata ke ogoto ia God.

Revaleson 2:26

Basoero iri karaputa nego varitara dena, mana pala soma so zazu velaka era, go za dokae ṉalu vudu pua tina za lupo gogo ne, era tuna teke ne qira karaputa go tarina kenaqa ne ze go sinaqe na vudu pua ne.