Iburu 6:1 - Vato Vari Vakameka Voru Ia Batu Ne

¹ Ita mata ziki napu za, mata pala varivatatana i tora qira go vano i lavata bana go vaogoto ria, mana mata taru ze muzi qita varivatatana qata gata kenaga bana go. Mata kasi varivatatana napu ne pata qata rove bana go, gere dego qata mazala go vana ne vatovato sakata ro i mazala go vae vale qita, mana dego qata mazala go vaogote na God.

Iburu 6:1 Iomraidhean Croise

Matiu 21:29

Sale valeke ne i vataule, ‘Qa kasiqu,’ do taramuzina i kavale nanao na mana i za zazu e barue ne.

Matiu 21:32

Tanego ramu qamuki vaogote kaega Jon i vari va bapitema go, ṉalu ia i lama vasadaka ne qamu go vatovato totoloṉo tamuna lulua go. Do vano palapala takisi mana qolero iri volivoli ne tokamaqira sauna too sakata ro, iri vaogote ia. Do ramu qamu mia pataro dena, do qamuki kavale so kaega nanao qamu, go tamuna vaogote ia.”

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Matiu 4:17

Torana ṉalu nae Jesu iva tupiana ne tamana qira basoero, “Muna manava sakata ne vasakata pataro ramu, tanego vari miasoka ia God i lama garogaro.”

Matiu 5:48

Iago muna lete va velaka sivale loborona zazu ramu dekoe Batu ne, gerena God i lete velaka sivala, i mamaligara ne qamu go.”

Matiu 7:25

I lama nare mana kiale lavata, mana sokoro lavata i lama vae pade ne, do ki soru kaega, tanego i degere vanadue ipaka ne.

Maka 1:1

Iato dena vatupiana na Tarama Velaka sauna Jesu Kristo Tuna God,

Maka 6:12

Iago disipoloro ne iri zaza mana tamana qirae basoero ne seko ia God mana iri sine ne qira, muna nanao ule mana vana ne vasakata pataro ramu.

Luka 6:48

I gere valeke i zazu nego pade ia, i sola va zunua kutamana mana iva kekele ze popoko na ipaka ne, gonae i kiale me uguru, i lama vae pade ne do iki vizu kaega, tanego pade ia i degere vanadu.

Tarama Velaka Ia Jesu Kristo I Karo Go Jon 12:44

Gonae Jesu i seko va lavata igo de, “Ka basoe i vaogoto ava era, basoe nae iki vaogoto miki ava so kaega era, do i vaogoto napua Mamae ni turinava go era.

Tarama Velaka Ia Jesu Kristo I Karo Go Jon 14:1

Jesu i sine ne qira disipoloro ia, “Kasi va pela na nanao qamu, vaogote God, mana vaogoto ava era go.

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Zazu Ria Apostoloro 11:18

Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”

Zazu Ria Apostoloro 17:30

Ṉalu basoe iki rove go kaega ia, God iki nanao tarua kaega sakata ro ia. Do ninidena ia i soko osina basoero iri koego osina dia mara vana neto sakata ro ria.

Zazu Ria Apostoloro 2:38

Pita i vane qira dena, “Muna nanao vana ne vasakata pata ro ramu mana bapitemae loborona vitoṉona Jesu Kristo, go ia tina vatalukase go vasakata pata ramu.

Zazu Ria Apostoloro 20:21

De qamu koego ramu vano Jiu mana vano iriki Jiu go kaega, qa sine va moqere ne qamu, muna vanane vasakata pata ro ramu mana tabali za de ikoego God, mana taru ze ruruqe ramu de ikoego Jesu Batu ita go.

Zazu Ria Apostoloro 26:20

Kenaqana tepa Damaskus, mana loborona Jerusalema, taramuzina nae, qa za tarama napu e topu na dia loborona Izirel, mana de iri koego vano iriki Jiu go kaega. Qa tamana ne go tarina manava sakata ne vasakata pata ro ria, mana tabali ze de ikoego God, mana tarina zazu ne pataro go tina vasadake, go ria iri manava sakata go.

Zazu Ria Apostoloro 3:19

Muna manava sakata ne vasakata pata ro ramu, mana tabali za de ikoego God, go God tina nanao ule ne qamu go.

Kameka Korinti 13:10

Do ṉalu pata i lete velaka sivala go na tina lama, osina pata iki totoloṉo bana go kaega tina zaga lupo.

Kameka Korinti 2:6

I ogoto era qa tarama ne tarove de iri koego vano iri kazigarata go mana i karaputa go vaogoto ria. Do iki tarove na kaega kolabana pua dena, ba tarove ria vano iri kenaqa ne go kolobana pua dena, batu ro nae karaputa ria tina i za qoqoro so.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Karua Korinti 7:10

Iago maqata ivazazua go God, i kavale puṉuna basoe, mana i va sadaka me vari vakavele, iago maqata dena iki ko sivala kaega. Do maqata i lulua go nanao na pua dena mana iki taqia kaega God, ianae iva sadaka me le.

Epesus 2:1

De i lupo bana mego, ramu i le madau qamu, tanego qamu legulegu mana qamu vasakata pata.

Epesus 2:5

Iago, ṉalu madau qita ile ne go sauna legulegu ita, ia i pala va too tavisi qita ita de ikoego Kristo. Tanego Mana ia God qamu kavele ne go.

Epesus 4:12

Ia izazu ne pata dena go mara vanama ne qira basoero ia God sauna zazu ne na zazu ia, go tarina vadegere go mana vazazao popoka tokamana Kristo.

Kolosia 1:28

Iago qi tarama ne de go Kristo de iri koego basoero ne. Osina tarove qi mazala go, qi vabanabana qira mana vatatana qira, go osiqira tarina lama e tarakenaqana God, go tarina pala go too kazigarata loborona vari va kameka de koe Kristo.

Kolosia 3:14

Mana de go zazu na osina pataro dena muna vasadake mamaligara, iato i qolo vari palu ne qira, mana vakameka velaka ne qira osina pataro dena go.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Kameka Timoti 6:19

Zuka nae ne iri mazala babana vatopua pata vavagado mana vanama velaka ne ṉalu muzi. Mana iri mazala to palana too ogoto nae iki rove go kaega lupo.

Karua Timoti 2:19

Do kutama ogotona eklesia ni tarua go God, tiniki mazala kaega vizu na, mana i karoe seko dena, “Batu ne i rove velake basoero ia,” kaki seko igo napu de, “Basoero iri go, iri basoero ia Batu ne, iri na vana ne vatovato sakata ria.”

Iburu 11:6

Kaega ka basoe i mazala vakula na God ṉalu ia iki vaogote kaega ia, tanego basoe i soko go lama garogaro na God, ia tina vaogote God i ko, mana tina vaogote God tina tekene qira voli ria iri taqia go tanuna go.

Iburu 12:13

Zaza e zuka totoloṉo, go make i le go tiniki ara le kaega do tina velaka ule napu.

Iburu 7:11

God i valame ze Tamana ia de iri koego vano Izirel, de iri koego vano patere iri podo mego sinaqe ia Livae. Ṉalu go zazu ria patere ro dena tara va veleka ne qira basoero ne, iki tora kaega kaki sinaqe patere tara lama napu? Do tanego zazu ria patere ro de iki velaka kaega, iago kaki sinaqe patere i lama napu, iki gere kaega Aron, do i gere Melkizadek.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Jemisi 1:4

Iago sauna vanadu ramu muna miasoka velake, gogo tamuna totoloṉo mana valupo velake; mana go tiniki za kaega ne qamu go kaega kaki pata sauna vatovato ia God.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Kameka Jon 4:12

Kaega ka basoe ireṉa bana ne God, do ṉalu ita gata vari mamaligarae napu go tanuqita, God iko kamekae de qata koego, mana mamaligara ia i lama totoloṉo lupoe de qata koego.