Iburu 5:7 - Vato Vari Vakameka Voru Ia Batu Ne

⁷ Ara too i vaego Jesu vudu pua, ne, ia i dae valavata mana i sone matana ṉalu i pepene ne tanuna mana kero ne basoero de i koego God, go mara vakavele ze ia tepa ia le. God i gata ia tanego Jesu i vaqoqore tanuna de koe God mana i osaka ne God go.

Iburu 5:7 Iomraidhean Croise

Matiu 27:46

Torana ivele kapisa koloko, Jesu i koru valavata igo, “Eli, Eli, lama sabatani?” Talupasana igo, “God erae, God erae, avigo tane qo vana nava go?”

Matiu 27:50

Jesu i koru valavata mana i le to.

Maka 15:34

I kapisa koloko to ia Jesu i koru valavata igo, “Eloi, Eloi lama sabatani.” Talukasana, “God erae, God erae, avigo tane qo vana nava go?”

Maka 15:37

Jesu gonae i kameka koru valavata mana i le to igo.

Luka 23:46

Jesu i koru valavata igo, “Mamae loborona karisimu qa taru ze go madauqu.” I sine lupo to seko dena, mana i le to go.

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 11:35

Jesu i dae.

Tarama Velaka Ia Jesu Kristo I Karo Go Jon 11:42

Era qa rove, osina ṉalu aro qo gata pene ro era, do qa sine iadena, go basoero iri degere go dena tarina vaogote aro qo turi nava go era.”

Tarama Velaka Ia Jesu Kristo I Karo Go Jon 17:1

Ṉalu Jesu i sine lupo pataro dena, i kadeka qe rani ne mana i pepene, igo de, “Mamae, ṉalu ne i lama doka to, vasadaka ze karaputa mazala aro de ikoego Tumu, go Tumu tina vasadake karaputa mazala aro.

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Qalesia 4:4

Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Iburu 10:10

Tanego Jesu Kristo i zazu valupo banato pata i soko go God, tina zazu nego ṉalu ia i vamao go tokamana go ile go koluse ne, ia i komakoma ne tanuna kameka so ṉalu, sauna to zazu dena God i va dalo qitae ita loborona vasakata pata ro ita go.

Iburu 10:5

Iata go sauna to pataro dena, tarakenaqana Kristo iara lamae go vudu pua, ia i sine ne God, “Aro qoki soko kaega komakoma mana soso ria basoero go, do aro go vanama nava era kameka tokama.

Iburu 11:7

Loborona vaogoto ia, Noa i vaogote seko vabanabana ia God sauna pataro iara komego, mana pataro iara kaebo mia na go. Noa i zazu ne kameka koluka mana iva kavele ze ko tatamana iago. Tanego Noa i tatadaṉa e de ikoego God, iago i vasadake basoero na vudu pua ne iri vano sakata, iago God i va sadake Noa i valeke totoloṉo tanego Noa i vaogote God.

Iburu 12:28

Ita mata seko velake God, tanego ita qata koe de ikoego vari miasoka ia God i makuru go vizu na. Sauna to ianae, ita mata seko velake God mana vazaka ze ia loborona zuka tina vakula go ia, loborona va tabo tabo mana vamazala go,

Iburu 13:20

Iato dena pepene era, go God ikoego loborona bule, tina teke ne qamu osina pata velaka qamu pusi ne go, mana tina vamalumu ne qamu zazu nena pataro qamu soko go zazu ne na. Jesu i Batu ita i le go, parasana i zazaka go, go tina vanadua go pui ia God iki rove go kaega lupo. Taramuzina God i va too ule ze ia tepa le, God i va kenaqa ze ia mia soka na sipi ro ia. Qa pene God, go ita mata kameka e de koe go Jesu Kristo, go tatana totoloṉo e de i soko go tanuna, mana mata vazaka tarua vitoṉona Kristo i lete zakazaka go osina ṉalu topuro ne. Amen.

Iburu 2:14

Salero iri vane qira go ne, basoero i ko go manu mana parasa qira, Jesu tanuna i basoe napu so mana i podo napue so vudu pua go. I lama basoe, go le i vae go koluse ne, i vasakate Satana i kone go karaputa tepa ia le, karaputa i mazala go vae vale na basoe.

Kameka Jon 4:3

Do ṉalu basoe i legua go pata dena sauna Jesu, basoe nae iki toṉove kaega Spirit tabo ireqe mego God. Nanao na basoe nae, mana vatovato ipala gonae ireqeme kana ia Kristo. Ramu qamu gata bana ia tina za lama, mana ninidena ikoe to vudu pua dena.

Karua Jon 1:7

Topu ria vano poqepoqe iri goe to osina dia vudu pua, mana basoero dena iriki vaogote kaega Jesu Kristo i lama pala go tokama gere qita ita vano basoe. Basoe igogo nae i poqepoqe mana ikana ne Kristo.