Iburu 5:2 - Vato Vari Vakameka Voru Ia Batu Ne

² Tanego batu ria patere ne i pela napu eso topuna pataro, ia mara pada ne nanao rove velaka na, ṉalu go kake ria iri zazu ne pata kebu ro, tanego iriki nanao rove kaega.

Iburu 5:2 Iomraidhean Croise

Luka 22:32

Do era qa pene go aro, Saimon, go vaogoto aro niki pela kaega. Mana ṉalu qo degere ule me de qa koego era, aro tono vakarapata qira go kaemu ro.”

Karua Korinti 11:30

Ṉalu tuna vazakanapu go, tuna vazakanapu ne pataro i vasadake go pela ro era.

Karua Korinti 12:5

Iago era tuna vazaka napu ne pataro i vasadaka ne go God valekenae, do tuniki vazakanapu nava kaega tanuqu.

Qalesia 4:13

Qamu nanao tarua ramu tane de qa gogo era, ṉalu qa garetu tamana kenaqa ne qamue go Tarama Velaka ne, ṉalu nae era qa mokoso.

Epesus 4:18

Mana nanao ro ria ikoe so loborona rodoko. Iriki pala kaega too ogoto iteke ne qira go God. Iri vano bulaṉoe, mana iri kasi qira gata na pata go.

Kameka Timoti 1:13

patavolomo de bana ne, era qa sine seko sakataro de ikoego ia, qa vasasakata ne qira vano iri vaogote go ia, mana qa vae vavokara qira tanego i sauna ia. Do God i nanao ule nava era, tanego ṉalu nae iara kaega nava era vaogoto de ikoego ia, mana qaki rove kaega pataro qa zazu ne go.

Iburu 12:13

Zaza e zuka totoloṉo, go make i le go tiniki ara le kaega do tina velaka ule napu.

Iburu 2:17

Iato go i tora ia tina vanadua mana osaka ne zazu ia de koe God gerena batu ria patere, go vasakata pata ria basoero ne na nanao ule ne qira.

Iburu 2:18

Mana ninidena Jesu i mazala to bara ne qira basoero i lama pada ne qira go Satana, tanego Satana do i pada bana ne ia, go i vokara bana go.

Iburu 4:15

Batu Patere ita ne, i rove velaka bana so de qata pela ego ita, tanego osina makuru ro i padae de qata koego, i doka bana ia, do patavolomo nae, kaega kaki ṉalu Jesu i soru e vasakata pata.

Iburu 7:28

Tamana ia Mosese i vine qira basoero so iri mazala go batu patere, vano i kaega ne qira karaputa mana iri mazala so vasakata pata go, do pui ia God i lulua go odo odo ia tanuna i lama doka go taramuzina Tamana ia Mosese, i vine Sale ia, iato i dalo bana mana ko totoloṉo osina ṉalu.

Iburu 9:7

do loborona varuana kova ne, Batu ria so patere i mazala go zae na, do kameka ṉalu so loborona kameka ave. Ṉalu i keba za, ia i pala za parasa na pata qaraqara go tina teke ne God, go tina valupo ze vasakata pata ia tanuna mana vasakata pata ria basoero iri zazu ne do iri ki rove kaega i vasakata pata go.

Jemisi 5:19

Turaquro, ṉalu kakia basoe izaza rore kasi ne go vaogotona tarama velaka ne, muna pada ne pala vaule na ia.

Kameka Pita 2:25

Ramu qamu gere qira sipi ro iri rore, iri va rore go zuka ria, do ninidena ramu qamu ule napu me de ikoego valeke miasoka sipi, mana i miasoka madau qamu go.