Iburu 4:16 - Vato Vari Vakameka Voru Ia Batu Ne

¹⁶ Osiqita mata vanadua nanao qita, mana zae de koko ia God i koego Mana ia. Dego qata mazala pala zena manava mana soba zena Mana tina mazala go tavisi ne qita go ṉalu qata soko go.

Iburu 4:16 Iomraidhean Croise

Epesus 2:18

Loborona Kristo, osiqita vano Jiu mana vano Jiu kaega, qata mazala lamae na de ikoego Tamaqita loborona karaputa ia Spirit tabo.

Epesus 3:12

Iago loborona vari va kameka ita de ikoego Kristo, mana loborona vaogoto ita i nadue go ia, ita mata kasi sareki ne na lamae na de ikoego God.

Iburu 13:6

Iato go ita mata karaputa, mana mata sine, “Batu ne i varitatavisi era, qaki sareki kaega. I kaega kaki basoe tina zazu ne kaki pata kebu de qa koego era.”

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Iburu 7:19

Tanego Tamana ia Mosese i makuru tina vavelake kaki pata. Do ninidena God i papaqa kameka zuka qata mazala vanadu ze na nanao qita mana i vagarogaro qitae de ikoego God.

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Iburu 9:5

Popoka na bokese igogo ne i koe de i mazala vatalupasa ze na vasakata pata ia basoe. Mana popoko na kokoqu na bokese ne ikoe karua beku i zari babalakuru qiru, karua pata dena iru vasadake lalana, God i koe de go. Do ninidena i kaega ṉalu go tuna pepeu lupase go ia igogo ne.

Kameka Pita 2:10

Ṉalu bana ne ramu qamuki basoe ia kaega God, do ninidena ramu qamu basoero ia, ṉalu bana me ramu qamuki pala kaega manava ia God, do ninidena ramu qamu pala to manava ia.