Iburu 4:14 - Vato Vari Vakameka Voru Ia Batu Ne

¹⁴ Ita mata pala taru vanadua vaogoto qata vasadake go. Tanego ita i ko qita batu ria patere ro i lete karaputa go, iato Jesu Sale ia God, i zako banae go rani ne.

Iburu 4:14 Iomraidhean Croise

Matiu 4:3

Gonae Satana i lama pada ne Jesu, i sine ne, “Ṉalu aro qo Tuna God, mo sine ne qira i pakaro dena mara kavala go mara bureri.”

Maka 1:1

Iato dena vatupiana na Tarama Velaka sauna Jesu Kristo Tuna God,

Maka 16:19

Taramuzina Jesu Batu ne i seko tabe lupo qira disipoloro ia ne, God i pala vapopoka zaqe Jesu rani ne, mana ia iza kolokue tepa matauna God Tamana.

Luka 24:51

Ṉalu i vatabo lupo qira, Jesu i kasi ne qira mana God i pala va popoka zaqe ia rani ne.

Zazu Ria Apostoloro 1:11

Mana iru go dena, “Ramu vano na Qalili, avigo tane qamu degere nae, mana reṉa popoka qe rani ne na? Iato Jesu i kasi ne qamu, mana izae go rani ne tina za lama napu, gerena so qamu mia go ipopoka za go rani ne ninidena.”

Zazu Ria Apostoloro 3:21

Ia tina koeso rani ne, go tina doka so ṉalu osina pata tina va vorua go, gerena so God ni sine bana ne qira go ria propeta tabo ro ia ṉalu bana ne.

Leta Ia Pol I Karo Ne Qira Basoero Na Rom 8:34

Iago, i mazala so kaki basoe tina seko vaqoqoro qira go ba? Kaega! Tanego tanuna to Jesu Kristo ile bana, mana i too napu me go tepa lene, mana i za koe go karisi matauna God, do iki seko vaqoqoro qira kaega, do ia i pene vakaraputa ne qitae de ikoego God.

Karua Korinti 12:2

Era qa rove kameka valeke lotu, God i pala va popoka ze ia rani ne, torana manoga kavasi ave i sivala bana zago. Qaki rove kaega de go ogotona, avigo i sadaka ogoto? Ba qa miadua so? Tanuna so God i rove go.

Karua Korinti 9:13

Tanego i sauna zazu velaka ramu, topu na basoero iri vazakazaka ze God, tanego ramu qamu vaogote Tarama Velaka ia Jesu Kristo mana qamu vasadake go, qamu toqe ne soso na tavisi ramu de iri koego vano Judia mana kero ne basoero lotu go.

Epesus 4:10

Iago basoe nae to i qoqoro bana mego, mana i gado popoka napu za go, iza koe zakazaka sivala ne, go osina pata tarina ko lupoe rani ne.

Iburu 1:8

Sauna Sale ia, God igo, “Ke God, de ikoego vari miasoka aro tina ko sivala osina ṉalu topu ro! Aro qo kenaqa mana vatovato ne qira basoero aro loborona totoloṉo.

Iburu 10:12

Do Kristo i zazu neso kameka komakoma, mana komakoma ia dena i koe karaputa go tina vatalupase go vasakata pata mana taramuzina nae ia i za kolokue tepa karisi matauna God.

Iburu 10:23

Mata pala taru vanadua vaogoto qata seko bana nego, tanego ita qata rove God i vavoto pataro i pui ne tina zazu ne go.

Iburu 10:29

Ṉalu igogo nae, ava na tina doka go ṉalu kaki basoe i mia vaqoqore go tuna God? Mana i va patavolome go parasa na varitoqe ia God i vadalo go vasakata pata ia na? Mana i seko vasakate Spirit i soso ne go makaolo? Nanao zaqe, ava tina lete goto ka vokara na kimata tina pala go basoe nae.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Iburu 2:1

Iato dena to kutamana, iago ita mata pala taru vanadua ogotona pata qata gata go, go tataniki zaza kakavata go kaega.

Iburu 2:17

Iato go i tora ia tina vanadua mana osaka ne zazu ia de koe God gerena batu ria patere, go vasakata pata ria basoero ne na nanao ule ne qira.

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Iburu 6:20

Go tina tavisi ne qita, Jesu i kenaqa bana za de igogo, mana i za batu lavata ria patere loborona sinaqe patere ia Melkizadek mana zazu patere ia tiniki rove kaega lupo go.

Iburu 6:6

Mana iri tabali kakamu ne vaogoto ria de ikoego Kristo. I makuru kaki basoe tina tavisi ne qira, go tarina nanao ule napu go, tanego igere iri paqi paqi napu ze koluse ne Tuna God mana iri va agava ze ia tarakenaqa qira basoero topu.

Iburu 7:3

I kaega kaki karo loborona Buka tabo ne i vasadaka ne qita tamana ba sinana Melkizadek, sinaqe ia, ṉalu i podo ba ṉalu i le go. Ia i gere so Sale ia God, zazu patere ia iki rove kaega lupo go.

Iburu 8:1

Iato dena kutamana pata qi pada nego pepeu na, igo de, ita i ko ne qita batu Patere ita i koloku e tepa matauna God i lete karaputa sivala go.

Iburu 9:12

Ṉalu Kristo i keba za go pade iri pala zazao nego, kameka ṉalu so de ilete tabo sivala go. Jesu iki pala za kaega parasana nani koti ba buluka go tina koma koma nego, do ia i pala za parasana tanuna mana zuka dena to i pala vakuziki ne vasakata pata ro ita mana qata pala ze vari vakavele ita go.

Iburu 9:24

Kristo iki keba za kaega kova tabo, i zazu ne go basoe i vapadapada zego ke ogoto ne. Do Jesu i keba za rani tanuna, de go ninidena i sadake tarakenaqa na God sauqita ita.

Kameka Pita 3:22

Jesu dena i popoka za go rani ne, mana iza kolokue tepa matauna God. I Batu ne qira aqeloro, mana osina vano karaputana rani ne.