Iburu 4:11 - Vato Vari Vakameka Voru Ia Batu Ne

¹¹ Iago ita mata lete pada ne za ziṉo tavise na God, iki velaka kaega ṉalu kakia ita, tina lulua go de iri gogo ria iriki vaogote go kaega God, mana iriki pala go kaega ziṉo igogo ne.

Iburu 4:11 Iomraidhean Croise

Matiu 11:12

Tupi me ṉalu Jon na bapitema i tarama nego seko ia God, go i lama doka to ninidena, topu basoero iri pada ne varitara mana vasakate na vari vatatana na Too ikoego vari miasoka ia God.

Matiu 7:13

Jesu i sine napua, “Muna keba goza loborona siporaṉa suka. Zuka ilulu za nako ne i papaqa lavata. Topu ria basoero iri keba goza siporaṉa gogone.

Luka 13:24

“Ramu muna lete pada ne keba za na siporaṉa suka nae, tanego topu ria iri pada ne, do tina makuru qira keba za na loboro.

Luka 16:16

Tamana ro ia Mosese, mana karo ro ria propetaro iko so go i lama doka ṉalu ia Jon na bapitema. Torana ṉalu nae Tarama Velaka na de igogo Too ikoego vari miasoka ia God iri vari vagata ne, mana topu basoero iri pada ne go tarina lamae too dena.

Tarama Velaka Ia Jesu Kristo I Karo Go Jon 6:27

Iago muniki zazu vokara ne patagege i sakata katikili go, do muna zazu vokara ne patagege i mazala go tekene qamu go too iki rove go kaega za lupo. Era Tuna basoe na tekene qamu patagege igogo ne, tanego God Tamaqita i vasadaka bana, i soko ava era.”

Zazu Ria Apostoloro 26:19

Iago batu lavata Aqripa, era qaki ara legua kaega mia dua i reqe mego rani ne.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 5:6

Kasi toqe ne na basoe go mara vasoru qamue go seko bulabulaṉoe ro. Tanego pataro dena to tina valame go muma ia God, de iri koego ria iriki lulua go kaega vatovato ia.

Pilipae 2:12

Iago, turaquroe, ramu qamu vaogoto taruava era ṉalu qa ko tavisi qamu go, iago i lete velaka sivala ramu muna vaogoto ava era ninidena ṉalu qa kasi ne qamu, loborona zazu ramu muna, sareki mana momokolo, go tamuna va lupo go vari vakavele ramu.

Kolosia 3:6

Tanego sauna to pataro igogo ne, muma ia God tina lama e, de iri koego ria iriki vaogote go kaega ia.

Taetusi 1:16

Patavolomo tane i sine, irove God igo, do vatovato ia tanuna ivasadake i vae napua so seko ia tanuna. Basoero iri gogo nae, iri vano sakata, iriki toqe ne kaega vaogote na God, mana i makuru qira tarina zazu ne kaki pata velaka go.

Taetusi 3:3

Tanego ṉalu bana ne qata bulaṉoe, go qata legulegu, qata soko go pataro ivakula so tokama qita, patana ro pua dena. Qata variqo ze too ita zazu sakata ro, mana qatiki soko qira kaega kero ne basoero ne, gereso ria iriki soko qita go kaega.

Iburu 3:12

Vakitaka ro era loborona lotu, muna miasoka niki go kakia ramu niki sakata nanao na mana vaogoto ia niki pela mana zaza kakavata ne God i ko osina ṉalu topu ro ne.

Iburu 3:18

Ṉalu God i vanadu ze nanao na igo, “Ria tariniki keba me kaega pua tuna vaziṉo qirae go,” ake ria tane i seko nego dena? Ria to iriki soko go kaega gata na God.

Iburu 4:6

Ria iri gata kenaqe go Tarama Velaka ne iriki pala kaega ziṉo igogo ne, tanego iriki vaogoto kaega. Dc i ko kakiaro basoero God i toqe ne qira tarina pala ziṉo dena de i koego tanuna.

Iburu 6:11

Remu qi lete soko osiqamu muna palataru vanadua vaogoto ramu, go na doka go, ṉalu pata qamu ala nego tina lama doka ogoto go.

Karua Pita 2:6

God i tulaṉa ze nako komala Sodom mana Qomora, go nae isubi lupo qira nako ne. I zazu ne pata dena va padapada na to pata tina sadaka qira go basoero iriki vaogote go kaega ia.