Iburu 3:6 - Vato Vari Vakameka Voru Ia Batu Ne

⁶ Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Iburu 3:6 Iomraidhean Croise

Matiu 10:22

Basoero ne tariniki soko qamu kaega tanego i sauqu era. Do ka basoe i degere vanadu ne vaogoto ia deqa koego era, go tina za doka go valupolupo na, God tina vakavele ia.

Matiu 16:18

Iago ma sine nigo Saimon ninidena vitoṉomu, Pita mana aro qo bakoso, mana popokona to bakoso nae era tuna va degere ze go zazu na eklesia era, go karaputa ia le ba kaki pata napu tiniki sivala ne kaega eklesia era.

Matiu 24:13

Do basoe i pala taru vanadu go, mana za doka go valupolupo na ne, tina za kavale.

Leta Ia Pol I Karo Ne Qira Basoero Na Rom 11:22

Ianae qata mia zaqe de igogo God i vari nanao mana i vari vakimata napu so go. God i vakimata qira ria iriki lulua go kaega vatovato ia. Do ṉalu ramu qamuki lulua go kaega, ia tina vatavarasa vakuziki napu ne qamu so go.

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Kameka Korinti 3:16

Ramu qamu rove bana, qamu Pade Lotu ia God, mana Spirit ia God i koe loboro qamu.

Kameka Korinti 6:19

Avigo qamuki rove kaega tokama qamu i pade tabo ia Spirit tabo. Iato i koe loboro qamu, mana i teke ne qamu go God? Ramu qamuki ke ramu kaega tanuqamu, do qamu ke ia God,

Karua Korinti 6:16

Pade Lotu ia God i makuru tina vakameka ne pade manumanuru, tanego ita to qata Pade Lotu ia God! Gerena God tanuna i sine, “Era na zazu ze komala era, de iri koego basobasoero era mana tuna ko tavisi qira. Era tuna God ria mana ria tarina basobasoero era go.”

Qalesia 6:10

Iago torana iara kone qita go dena ṉalu, ita mata zazu ne ze pata velaka de iri koego vano qata kamekae go vaogoto na Kristo.

Qalesia 6:9

Iago ita mata kasi tamadoko ne pata velaka qata zazu ne go. Tanego ṉalu ita qatiki pela ne go kaega zazu nena velaka ita, ita tatana za pala ze urena zazu velaka ita musaqara iko mego.

Epesus 3:12

Iago loborona vari va kameka ita de ikoego Kristo, mana loborona vaogoto ita i nadue go ia, ita mata kasi sareki ne na lamae na de ikoego God.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kameka Tesalonika 5:16

Osina ṉalu muna ko kula.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Kameka Timoti 3:15

Do ṉalu qaki garetu katikili kaega, qamu mazala toere na leta dena de go too velaka na ko tatamana ia God. Iato nae eklesia ia God i too osina ṉalu. Mana eklesia nae i pala taru vanadua seko ogoto, go kaega kakia tina vasakate go.

Iburu 1:2

Do ṉalu ro dena i garogaro go vele lupo go, God i seko tabe qita e ita loborona Sale ia. God i vazaria go kolabana pua ne mana pataro ikoego. God i vine bana ṉalu kolabana pua dena tina lupo, osina pataro ikoego tina ke ia Sale ia.

Iburu 10:19

Iago turaquro, tanego parasana Jesu i va voru bana qita, qata mazala so keba zana kova i lete tabo sivala go.

Iburu 10:21

Ita i kone qita kameka Batu lavata ria patere ro i miatarua go basoero ia God.

Iburu 10:23

Mata pala taru vanadua vaogoto qata seko bana nego, tanego ita qata rove God i vavoto pataro i pui ne tina zazu ne go.

Iburu 10:35

Iago, kasi memelaka, tanego ṉalu qamu pala tarua karaputa nae, God tina teke ne qamu voli lavata.

Iburu 11:1

Ṉalu qata vaogote go God, qata taru ze ruruqe ita de ikoe pataro i pui nego God, patavolomo qataki mia kaega, do qata rove i ko.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Iburu 4:11

Iago ita mata lete pada ne za ziṉo tavise na God, iki velaka kaega ṉalu kakia ita, tina lulua go de iri gogo ria iriki vaogote go kaega God, mana iriki pala go kaega ziṉo igogo ne.

Iburu 4:14

Ita mata pala taru vanadua vaogoto qata vasadake go. Tanego ita i ko qita batu ria patere ro i lete karaputa go, iato Jesu Sale ia God, i zako banae go rani ne.

Iburu 4:16

Osiqita mata vanadua nanao qita, mana zae de koko ia God i koego Mana ia. Dego qata mazala pala zena manava mana soba zena Mana tina mazala go tavisi ne qita go ṉalu qata soko go.

Iburu 6:11

Remu qi lete soko osiqamu muna palataru vanadua vaogoto ramu, go na doka go, ṉalu pata qamu ala nego tina lama doka ogoto go.

Iburu 6:18

Karua seko dena i makuru kavala na, mana loborona karua seko dena God iki mazala kaega tina poqe go. Iago ita qata lama soba bana go de velaka de koe God, mata va karaputa nanao qita mana vanadua pata i pui ne qita go God.

Iburu 7:19

Tanego Tamana ia Mosese i makuru tina vavelake kaki pata. Do ninidena God i papaqa kameka zuka qata mazala vanadu ze na nanao qita mana i vagarogaro qitae de ikoego God.

Kameka Pita 1:8

Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.

Kameka Pita 2:5

Ramu do muna gere ipaka ikoego too ṉalu tamuna lama garogaro go Batu ne. God tina vagere qamue ramu Pade Lotu ikoego too. Loborona pade nae ramu tamuna gere qira patere tabo ro ia God. Loborona vitoṉo na Jesu Kristo qamu mazala soso ne tavatavara ramu de ikoego God mana God tina lete kula ne go.

Kameka Pita 4:17

Ṉalu ia God tina varitanae go, i lama to mana basoero tarina koego varitanae kenaqa ia God, ita to basoero ia tanuna. Ṉalu God tina varitanae kenaqa ne qamu go, ava tina goto basoero iriki vaogote go kaega Tarama Velaka ia ne.

Revaleson 2:18

Ia i seko, igo napu de, “Ono karo ne zaqe aqelo na eklesia na Taetira. Iato dena seko era Tuna God, mataqu i uqulu gere go nako ne, mana makequ i damara gere go barasi ne.

Revaleson 2:25

Do muna pala taru vanadua so vatovato velaka qamu zazu nego nae, go tina za doka ṉalu era tuna za lama napu go.

Revaleson 2:26

Basoero iri karaputa nego varitara dena, mana pala soma so zazu velaka era, go za dokae ṉalu vudu pua tina za lupo gogo ne, era tuna teke ne qira karaputa go tarina kenaqa ne ze go sinaqe na vudu pua ne.

Revaleson 3:11

Tiniki umata kaega era tuna lama napu, iago ramu muna palataru vanadua too velaka qamu pala bana go nae, niki go lama vakuziki ne qamue kaki basoe sakata, sasarapa velaka qamu pala bana go.