Iburu 3:12 - Vato Vari Vakameka Voru Ia Batu Ne

¹² Vakitaka ro era loborona lotu, muna miasoka niki go kakia ramu niki sakata nanao na mana vaogoto ia niki pela mana zaza kakavata ne God i ko osina ṉalu topu ro ne.

Iburu 3:12 Iomraidhean Croise

Matiu 16:16

Saimon Pita i vataule, “Aro qo Kristo, qo Tuna go God i too sivala go.”

Matiu 24:4

Jesu i vataule ne qira, “Muna miasoka, niki poqe qamu basoero.

Maka 13:23

Ma sine kenaqa bana ne qamu, muna miasoka! Topu pataro tarinara za lama.”

Maka 13:33

Iago muna miasoka, vanama so osina ṉalu, tanego qamuki rove kaega ṉalu tina lama go osina pata ro dena.

Maka 13:9

Ramu muna miasoka qamu, tanego basoero ne tarina pala vazao qamue varitanae mana tarina zavae qamue Pade Lotu ria vano Jiu. Tarina vadegere qamue tarakenaqa qira vano batu ro mana vano batu lavata ro ne, sauna vitoṉoqu era. Do ṉalu nae ramu muna nanao avaso era mana tarama ne Tarama Velaka de iri koego basoero nae.

Luka 21:8

Jesu i sine ne qira, “Muna miasoka, mara kasi va qalo qamu, tanego topu ria basoero ne tarina va zazua vitoṉoqu era, mana tarina sine, ‘Era to qa Kristo! Osina pata i lama doka to!’ Do muniki vaogoto qira.

Leta Ia Pol I Karo Ne Qira Basoero Na Rom 11:21

Tanego God iki taru sivala qira kaega vano Jiu ṉalu iriki vaogoto go kaega, iago qamu nanao God tina taru sivala qamu ṉalu qamuki vaogoto go kaega?

Kameka Korinti 10:12

Ka basoe i nanao i degere vanadu igogo ina miasoka, niki go za soru.

Kolosia 2:8

Iago muna miasoka tanuqamu, go tariniki va seka qamue kaega tarove volomo na vudu pua dena, i reqe me vari vatatana ria basoero iri pepeu vari soma me, i lulua go tarove na pua dena, iki reqe me kaega Kristo.

Kameka Tesalonika 1:9

Tanego basoero dena iri sine lupo bana so ria osina pata i sadake go, ṉalu remu qimu lama tove qamu go ramu mana de igogo qamu vana ne go vazaka na beku ro ne mana qamu lama basoe zazu ia God, i too osina ṉalu topu ro ne.

Iburu 10:31

I kaki pata i lete vari vasareki sakata basoe tina soru za go karisina God i too sivala go.

Iburu 10:38

Basoero iri lulua go pataro qa soko go era mana iri vaogoto ava gogo ne, tarina pala too ogoto, do ṉalu kaki basoe i tabali kakamu ne vaogoto ava era, era i kaega nava ka riqo de ikoego basoe nae.”

Iburu 12:15

Muna mia soka tanuqamu, go muniki tabali kakamu ne Mana ia God. Muniki gere moki i pani go, mana i mazala go vasakata qira kero ne basoero go.

Iburu 12:22

Do ramu, qamu doka banae to kubolo Zaion, mana komala lavata ia God i too go, Jerusalema ikoego rani ne, de iri koego mao ria aqeloro.

Iburu 12:25

Iago muna miasoka, muniki kasia gata na seko ia God, ria iri kasia go gata na seko ireqe me de ikoego God, i makuru tarinara paqa go. Iago, avigo tatana paqa ne go lepulepu, ṉalu qata tabali kakamu ne ia, ṉalu i seko me tepa rani na?

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Iburu 3:10

Iato go qa muma ne qira go basoero nae mana qa sine, ‘Iri kasi qira taru zena nanao qira, era tane qa kenaqa ne qira go, mana iriki toqe ne kaega lulu na Tamana ro era go!’

Iburu 3:19

Iago ita qata rove i makuru qira tarina keba za pua igogo ne, tanego iriki vaogote go kaega God.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.