Iburu 3:1 - Vato Vari Vakameka Voru Ia Batu Ne

¹ Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Iburu 3:1 Iomraidhean Croise

Tarama Velaka Ia Jesu Kristo I Karo Go Jon 17:3

Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Tarama Velaka Ia Jesu Kristo I Karo Go Jon 20:21

Gonae Jesu i sine napu ne qira, “Dalo ina kotavisi qamu. Era qa turine qamu ramu, gerena so Mamae ni turi nava go era”.

Tarama Velaka Ia Jesu Kristo I Karo Go Jon 20:27

Gonae i sine ne Tomasi, “Siba ze kakaraputumu dena, mana reṉa ne karisiqu de, Siba napu me orapaqu de, mana kasi ruama, do vaogoto!”

Zazu Ria Apostoloro 1:15

I sivala kavia musaqara vano iri vaogote go Jesu iri teṉo go, torana kameka vasa karabete ria, mana Pita i degere i seko.

Leta Ia Pol I Karo Ne Qira Basoero Na Rom 11:17

Ramu to vano qamu ki Jiu go kaega qamu gere go moki olivi piru ne, do ṉalu ninidena ramu qamu pala tavise to vavagadona too velaka i reqeme go vano Jiu.

Leta Ia Pol I Karo Ne Qira Basoero Na Rom 15:27

Nanao ria dena ireqeme so de iri koego tanuqira, go iri zazu ne go pata dena. Do itora to, tanego vano situ iri koe go Jerusalema iri tavisi bana ne qira ria. Tanego vano Jiu iri teke kenaqa bana ne qira vano iriki Jiu go kaega pata velaka go tina vamaokolo qira go. Iago vano iriki Jiu go kaega iri tekene ne qira ria pata tina tavisi ne qira go ria pua dena.

Leta Ia Pol I Karo Ne Qira Basoero Na Rom 15:8

Sauna go qa sine ne qamu go, tanego Kristo ilama zazu ne tavisi qira vano Jiu, ivasadake va vaogoto ia God, go tina lama ogote go pui ia de iri koe go kazigarata ro ria ne.

Leta Ia Pol I Karo Ne Qira Basoero Na Rom 9:24

Tanego ita to basoero i koru bana qita go God. Iki vano Jiu miki so kaega do ita napu to vano qatiki Jiu go kaega go.

Kameka Korinti 1:2

Qaru karo zatu seko kula raru de qamu koego ramu basoero na eklesia ia God qamu koego Korint. God i koru qamu go tamuna basoe tavine ia, mana i va tabo bana qamu loborona vari vakameka de ikoego Jesu Kristo, vari vakameka napu e de koe osiqira basoero na soso dia ro iri va Batua go Batu Jesu Kristo ni Batu ria mana ita napu go.

Kameka Korinti 10:17

Tanego kameka bureri dena osiqita qata ge go, qata vari soso ne so kameka tokamana Kristo.

Kameka Korinti 9:23

Osina pataro dena, era qa zazu ne tanego i sauna vazadave na Tarama Velaka ne, go era do tuna pala tavise ure velaka na zazu velaka dena.

Karua Korinti 1:7

Qi rove ramu qamu pala tavise vokara ro qi pala go remu, mana qamu pala tavisi napu so vari vatatavisi qi pala go remu, iago nanao qemu remu deqamu koego ramu iara nadu so.

Karua Korinti 9:13

Tanego i sauna zazu velaka ramu, topu na basoero iri vazakazaka ze God, tanego ramu qamu vaogote Tarama Velaka ia Jesu Kristo mana qamu vasadake go, qamu toqe ne soso na tavisi ramu de iri koego vano Judia mana kero ne basoero lotu go.

Epesus 3:6

Pata ogoto iko pipika bana mego dena ne, loborona tarama velaka ne igo, vano iriki Jiu go kaega iri pala tavise ria tane makaolo ia God iri pala bana go vano Jiu. Osiqira iri kamekae so kameka tokama, mana iri pala tavise pui ia God, ni vazuka me ze go de ikoego Jesu Kristo.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Epesus 4:4

Kameka tokama dena so ita qata lama kamekae go, mana kameka Spirit tabo dena, qata toṉove go osiqita, gerena kameka pata so qata ruruqe go, mana iato nae, God ikoru bana qamue go.

Pilipae 3:14

Iago era qa lete pada ne teteṉe totoloṉo za lala ne, go ma pala sasarapaqu, iato i koru ia God, iva goe ze Jesu Kristo, too ogotona vudu rani ne.

Kolosia 1:12

Mana loborona kula ramu, muna seko velaka zage Tamaqita, ia i mia va tora qamu e ramu pala tavisi na todo qamu pata i sotia go God i taru bana ne qira go basoero ia loborona de ikoego tatavata ia God.

Kolosia 1:22

Do ninidena, loborona basoe ogoto ia Jesu, mana ni le go, God i vine qamu tamuna vakitaka ia, go ramu tamuna tabo, dalo, mana tina kaega ne qamu kebu, tarakenaqana ia.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Kameka Tesalonika 2:12

Remu qimu vakaraputa nanao qamu, mana qimu va momotono qamu, qi sine vakaraputa ne qamu muna lulua too velaka isoko go God, ni koru qamue go tamuna pala tavise de ikoego vari miasoka mana menomeno ia.

Kameka Tesalonika 5:27

Qa pene vakaraputa qamu, muna toere ze leta dena de iri koego vano lotu.

Karua Tesalonika 1:11

Ia tonae tane osina ṉalu remu qimu pene ne qamu go ramu. Qimu pene God ita go mara vatora qamue ramu too ni koru bana qamue go tamuna pala go. Qi pene, go ia mara vazazua karaputa ia, go mara voto lupo osina pata velaka ro qamu soko go, mana valupo to zazu ireqe mego vaogoto ramu.

Karua Tesalonika 2:14

Tarama Velaka qimu sine ne qamu go, God ikoru qamue ramu tamuna pala tavise go karaputa menomeno ia Batu ita Jesu Kristo.

Kameka Timoti 6:12

Tetene va velake loborona vari vose na vaogoto aro, go tono tonovo ze too aro, too iki rove go kaega lupo. Tanego i sauna too dena, God i koru goe aro, ṉalu qo vanadua go vaogoto aro tarakenaqa qira basoero ne.

Kameka Timoti 6:2

Vano kristiano iri vazazu qira go, mana batu ria i basoe lotu, mara mia vamazale batu ria, patavolomo iri varitora go. Vano zazu ne, mara ria zazu velaka, tanego batu ria iri pala ze vari vatatavisi loborona zazu ria iri vaogote iri vari mamaligarae go.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Karua Timoti 2:7

Nanao velaka zaqe pataro qa sine nigo, mana Batu ne tina tavisi nigo, go tono rove velake go.

Iburu 10:19

Iago turaquro, tanego parasana Jesu i va voru bana qita, qata mazala so keba zana kova i lete tabo sivala go.

Iburu 10:21

Ita i kone qita kameka Batu lavata ria patere ro i miatarua go basoero ia God.

Iburu 10:23

Mata pala taru vanadua vaogoto qata seko bana nego, tanego ita qata rove God i vavoto pataro i pui ne tina zazu ne go.

Iburu 13:22

Vakitaka ro era, qa pene vakaraputa qamu muniki nonopa ne pataro qa karo zego era leta dena, tanego seko ro era tina vatalasara qamu, tanego leta qa karo zatu go dena, iki lete loda kaega.

Iburu 2:11

Basoero iri vasakata pata go iva dalo qira, iago Jesu mana ria i vadalo qirae go vasakata pata ne i kameka so Tamaqira. Iato go Jesu iki agava ne kaega koru qira e togaquro ba kaequro.

Iburu 2:17

Iato go i tora ia tina vanadua mana osaka ne zazu ia de koe God gerena batu ria patere, go vasakata pata ria basoero ne na nanao ule ne qira.

Iburu 3:12

Vakitaka ro era loborona lotu, muna miasoka niki go kakia ramu niki sakata nanao na mana vaogoto ia niki pela mana zaza kakavata ne God i ko osina ṉalu topu ro ne.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Iburu 6:20

Go tina tavisi ne qita, Jesu i kenaqa bana za de igogo, mana i za batu lavata ria patere loborona sinaqe patere ia Melkizadek mana zazu patere ia tiniki rove kaega lupo go.

Iburu 7:26

Jesu to i batu Patere ita tina tavisi ne qita go. Ia i tabo, i kaega ne kebu ba vasakata pata, God i taru vakakavata ze ia de iri koego vano vasakata pata go, mana God i taru vakakavata ze ia rani ne.

Iburu 7:28

Tamana ia Mosese i vine qira basoero so iri mazala go batu patere, vano i kaega ne qira karaputa mana iri mazala so vasakata pata go, do pui ia God i lulua go odo odo ia tanuna i lama doka go taramuzina Tamana ia Mosese, i vine Sale ia, iato i dalo bana mana ko totoloṉo osina ṉalu.

Iburu 9:11

Do Kristo ilama bana gere na batu Patere, ia i pala me pata velaka ro ikoego de. Ia i keba bana za kova i lete tabo sivala go, i sivala ne ke bana ne, iato go i meno meno go, basoe iki zazu ne kaega pade dena, tanego vazari i vae nego God kolabana pua ne, pade dena iki va zari palu me kaega.

Iburu 9:15

Sauna to pataro dena, Kristo so tina vanama go varitoqe voru ne, go ria i koru bana qira go God tarina pala vatabo i too sivala, i pui bana nego God. Pataro dena tina mazala zazu, tanego Jesu i le banae koluse ne mana i vakavele bana qirae basoero tepa ia kebu ro iri zazu bana nego ara zazu i vae go varitoqe kenaqa ne.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Pita 3:5

Tanego qolero totoloṉo ṉalu bana ne iri vatabo too ria, mana iri ruruqe zaqe God, go iri ara va sadake go menomeno dena ṉalu iri va mazale go valeke ro ria.

Kameka Pita 5:1

Era qa kakia batu lotu, mana qa mia ṉalu Kristo i pala go vokara. Iago era do tuna pala karaputa mazala ia Jesu Kristo ṉalu tina za ule mego. Iago qa pene va karaputa qamu vano batu lotu,

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Kameka Jon 1:3

Pata qimu mia mana gata gogo ne qimu sine napu ne qamu so ramu, iago ramu muna ko kamekae de qimu koe remu loborona varikitaki qimu pala ze go God Tamaqita, mana de ikoego sale ia Jesu Kristo.

Judi 1:1

Era Judi kameka basoe zazu ia Jesu Kristo mana qa kaena Jemisi. Qa karo ne qamu ramu basoero ikoru bana qamu go God, qamu koe go mamaligara ia God Tamaqita mana vari miasoka ia Jesu Kristo.

Revaleson 17:14

go tarina varitarae de ikoego Tunana Sipi ne iri go. Do Tunana Sipi ne mana basoero ia tarina vaqoqoro qira batu ro dena, tanego Tunana Sipi ne i batu sivala ne qira osiqira batu ro, mana i batu lavata sivala ne qira batu lavata ro. Tunana Sipi ne i koru bana qira basoero ia mana iri vanadue de ikoego iago.”

Revaleson 18:20

Kula, ramu vano na rani ne mana basoero ia God, apostoloro mana propetaro ne tanego God i pero vanaqe komala lavata Babiloni! God i vasakate komala dena, tanego i sauna to pataro izazu bana qamue go ramu.