Iburu 2:9 - Vato Vari Vakameka Voru Ia Batu Ne

⁹ Do ita qata mia Jesu, iato Jesu dena God i taru ze ia pola qira aqelo ro desuka so ṉalu, go ia loborona manava ia God, ia tina le sauqira osiqira basoero. Ninidena qata mia ia God i vazakazaka vitoṉona mana i teke ia karaputa mazala ia, tanego i sauna to le i vokara ne go.

Iburu 2:9 Iomraidhean Croise

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 6:28

Kasi poro nanao vokara ne poga. Mia qira bubuiliro iri zaṉana podo go. Iriki zazu kaega mana iriki zazu ne kaega poga ria tanuqira go.

Maka 9:1

Jesu i sine ne qira, “Ma sine ne qamu pata ogoto. Kakiaro ramu dena tamuniki le kaega, go tina za doka go ṉalu tamuna miasoba, Too ikoe go vari miasoka ia God tina za lama go.”

Luka 9:27

Mava nanao taru bana qamue, kakiaro ria iri ko go dena, tariniki le kaega go tina doka so ṉalu tarina mia go Too ikoego vari miasoka ia God.”

Tarama Velaka Ia Jesu Kristo I Karo Go Jon 1:29

Bakubaku na ne Jon i mia Jesu i lamae de ikoego, mana igo, “Iato dona Sipi ia God i vakuziki ne go vasakata pata na kolabana pua ne.

Tarama Velaka Ia Jesu Kristo I Karo Go Jon 10:17

Mamae i lete mamaligara nava era, tanego qa mao go tuna le, go era tuna too ule napu me.

Tarama Velaka Ia Jesu Kristo I Karo Go Jon 12:32

Ṉalu basoero ne tarina vaidoko vazakazaka va, era tuna pala valame qirae basoero ne, de qa koego.”

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Tarama Velaka Ia Jesu Kristo I Karo Go Jon 8:51

Ma sine ne qamu pata ogoto, ka basoe i vaogote mana i lulua vari vatatana ro era, tiniki le kaega.”

Tarama Velaka Ia Jesu Kristo I Karo Go Jon 8:52

Vano Jiu ne iri vane de ia, “Ninidena to qiara lete rove, aro i ko ogoto banae to manuru tokamamu, tanego Abra-am ile, mana propetaro iri le, do aro qo go, ka basoe i vaogote mana lulua vari vatatana aro, tiniki le kaega.

Zazu Ria Apostoloro 2:33

I za koe karisi matauna God Tamana mana i tonovo ze de ikoe ia Spirit tabo, gerena, i pui bana ne go ia. Iago, pata qamu mia mana gata qamu gogo nini dena ia to sosovolomo ia Jesu, i zeleme ze de qamu koego ramu.

Zazu Ria Apostoloro 3:13

God ia Abra-am, Aisak, mana Jekop, God ria vanovano bana ro ita, i teke bana ne karaputa mana mazala ia de ikoego valeke zazu ia, Jesu. Do ramu qamu vazao ze ia de iri koe ria batubatu ro, mana Qamu sila ze ia tarakenaqana Pilato, ṉalu Pilato i nanao mara Vatalupase ia.

Leta Ia Pol I Karo Ne Qira Basoero Na Rom 5:18

Iago vasakata pata ia kameka basoe dena, God i varitanae ne qirae qo basoe dena i lukase go vasakata pata ria vano basoe de i koe go God.

Leta Ia Pol I Karo Ne Qira Basoero Na Rom 5:8

Do God i vasadaka ne qita lavata na mamaligara ia de qata koe go ita; ṉalu ita qatara vasakata pata go Kristo i le ne sauqita ita.

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Leta Ia Pol I Karo Ne Qira Basoero Na Rom 8:32

God do, iki ara pala vaule kaega Sale ia, do i soso ne qita to ita go tina le ne sauna go ni bauru ne qita go ita. Gerena ia i sosovolomo ne qita to osina pata.

Karua Korinti 5:15

I le ne osiqita, go ria iri too go tariniki too ne kaega tanuqira, do sauna so ia ni le mana itoo napu nego sauqira ria ne.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Qalesia 4:4

Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.

Kameka Timoti 2:6

ia i soso ne too ia, go tina voli vaule qira osiqira basoero na pua dena. Loborona vokara vamiki i vae go Jesu, i va sadaka ogoto me ṉalu velaka God i soko ne go va kavele qira osiqira basoero ne,

Iburu 1:9

Aro qo mamaligara ne pataro i velaka, mana qo kasia pataro i sakata go. Iato go era, God aro qa vine go aro, mana qa vazakazaka go aro, go tono kula sivala ne qira vakitaka ro aro.”

Iburu 10:5

Iata go sauna to pataro dena, tarakenaqana Kristo iara lamae go vudu pua, ia i sine ne God, “Aro qoki soko kaega komakoma mana soso ria basoero go, do aro go vanama nava era kameka tokama.

Iburu 11:5

I sauna to vaogoto ia, God iki vamao ne kaega Enoke tina lego, iato go God i pala vapopoka zaqe ia rani ne mana kaega ka basoe i soba ia tanego God i pala vapopoka bana ia. Karo ikoego Buka tabo ne igo, tarakenaqana go God i ara pala vapopoka zaqe ia rani ne, Enoke, i zazu ne pataro i vakula go God.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Iburu 2:7

Desuka so ṉalu qo taru ze ia pola qira aqelo ro, do ninidena qo vazakazaka vitoṉona mana qo teke ia karaputa mazala aro,

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Iburu 8:3

Osiqira batu Patere ro i vine qira tarina zazu komakoma mana teke sosovolomo ria de ikoego God. Iago batu Patere ita tina zazu napu ne so sosovolomo ia de ikoego God.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Jon 2:2

Mana tanuna to Kristo ile go i bauru ne go vasakata pata titita vamiki so kaega, do sauna napu to vasakata pata pata ria osina basoero na vudu pua dena go.

Revaleson 19:12

Matana i gere lome na nako ne, mana i topu topatopa ikoego kuzuku na. Vitono i karo ego kuzukuna ne, i kaega to ka basoe i rove go, do tanuna so i rove go.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.