Iburu 2:10 - Vato Vari Vakameka Voru Ia Batu Ne

¹⁰ God i vazaria go osina pata mana i bara ne tanuna go, i soko pala qira salero ia tarina lama teṉo tavise ia tepa rani ne. Iago i totoloṉo so i vazakazaka ze Jesu zuka igogo ne i vokara go tina vakavele qira go basoero iri lulua go ia.

Iburu 2:10 Iomraidhean Croise

Luka 13:32

Jesu iva taule ne qira igo, “Muna za sine ne sika piru nae, ‘Era tuna kakale qira manuru sakata ro mana vole qira basoero, ninidena bakubaku, mana vapisana musaqara so tunara valupo go zazu era muna za sine ne.’

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Luka 24:26

Avigo iki tora kaega Mesia tina vokara ne pataro dena go tina ra keba za go Too ikoego vari miasoka ia God?”

Luka 24:46

Mana i sine napu ne qira, “Iato dena pata ni sine go Buka tabo ne, Mesia ne tina pala vokara mana tina le, taramuzina kapisa musaqara ia tina too napu me tepa le ne.

Tarama Velaka Ia Jesu Kristo I Karo Go Jon 11:52

Tiniki le ne qira so kaega vano Jiu, do sau napu qira salesalero ia God iri repe go soso dia ro, Jesu tina le, go osiqira basoero tarina kameka qoqoṉo mana kameka basoe so go.

Tarama Velaka Ia Jesu Kristo I Karo Go Jon 19:30

Ṉalu Jesu i besi lupo vino pani dena, igo dena, “Era qa va lupo to zazu dena.” Goto nae i tudu mana i le go.

Zazu Ria Apostoloro 3:15

Iato go qamu vae vale go basoe i mazala go teke ne na too ogoto basoe ne, do God i va too ze ia tepa le, mana remu to qi mia go.

Zazu Ria Apostoloro 5:31

God i pala vapopoka ze ia tepa matauna, mana i Batu na vari vakavele, go tina teke qira vano Izirel kavala, go tarina nanao ule mana vasakata pata ro ria tina talupasa.

Leta Ia Pol I Karo Ne Qira Basoero Na Rom 11:36

Tanego osina pata i vazari me so ia, mana osina pata iri sadakae so loborona karaputa ia, mana osina pataro dena iri patapata lupo ia so God. Iago ita mata vazaka God osina ṉalu topuro ne! Amen.

Leta Ia Pol I Karo Ne Qira Basoero Na Rom 9:23

Mana i soko napu vasadakena velaka sivala na karaputa ia, i zele me ze go de iri koe go ria iri pala go manava ia, mana de qata koe go ita ia i vanama ne qita go tatana pala tavise go menomeno ia.

Kameka Korinti 2:7

Tarove qa tarama ne era i tarove ia God ni ko vapipika go, i ko pipika ne qira basoero. Do tarakenaqa na God iara kaebo vazari na kolabana pua ne, seko tarove ia dena i taru bana ne qita so, iato zuka nigogo ne qata mazala go doke na de koe God tepa rani ne.

Kameka Korinti 8:6

do i kameka minena so God Tamaqita iva zaria go osina ro pata mana ita qata too e loborona ia. I ko ne qita kameka so Batu Jesu Kristo, loborona ia topu pata i zari me, mana loborona ia, ita qata too e go.

Karua Korinti 3:18

Iago ita osiqita, i kuziki lupo sapu na tarakenaqa qita, qata tabali go za de iri koego basoero na tatavata menomeno ia Batu ne, iato Spirit tabo i itana va gere qitae tanuna mana karaputa mazala ia i podo popoka osina ṉalu.

Karua Korinti 4:17

Makuru ro qi vokara nego remu dena, iki pata ko sivala kaega, mana i pata suka so, ṉalu tara varipada ze go ke tinara za lama go. Tanego tinara valame ne qemu kaki pata i lete lavata mana tina ko sivala, mana ia igogo ne, too iki rove go kaega lupo de ikoego God.

Karua Korinti 5:18

Osina pataro dena, God so i zazu ne, de ikoego Kristo tanego i kavala qita go qatara vakameka napu ne God. Ninidena ia iteke ne qemu zazu, go osina basoero tarina vakitaka napua go ia.

Karua Korinti 6:18

Era tuna Tamaqamu mana ramu tamuna sale valeke ro mana sale qolero era go,” igo Batu ni lete karaputa sivala go.

Qalesia 3:26

Loborona to vaogoto ramu de ikoego Jesu Kristo osiqamu qamu salero ia God.

Epesus 2:7

God izazu ne pata dena go mara vasadaka ne qira sapoko iara ko mego, osina ṉalu i lete lavata sivala varinanao ia loborona mamaligara ia, go ni vasadaka zego de ikoego Jesu Kristo.

Epesus 3:10

Do ninidena God i va zazua eklesia go tina vasadake go nanao velaka ro ia God, de iri koego aqeloro ne mana kero ne karaputa ro zakazaka ne.

Kolosia 3:4

Too ogoto ramu to Kristo, mana ṉalu tina lama sadaka, ramu napu tamuna sadaka tavise ia mana tamuna pala tavise tatavata mazala ia.

Karua Timoti 2:10

iato go era qa zazu so, patavolomo iri vasasakata nava. Qa soko tavisi ne qira basoe ia God i vine bana qira go, go tarina vakameka ne Jesu Kristo. Go God tina vakavele qira mana teke ne qira too iki rove go kaega lupo.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Iburu 6:20

Go tina tavisi ne qita, Jesu i kenaqa bana za de igogo, mana i za batu lavata ria patere loborona sinaqe patere ia Melkizadek mana zazu patere ia tiniki rove kaega lupo go.

Iburu 7:26

Jesu to i batu Patere ita tina tavisi ne qita go. Ia i tabo, i kaega ne kebu ba vasakata pata, God i taru vakakavata ze ia de iri koego vano vasakata pata go, mana God i taru vakakavata ze ia rani ne.

Iburu 7:28

Tamana ia Mosese i vine qira basoero so iri mazala go batu patere, vano i kaega ne qira karaputa mana iri mazala so vasakata pata go, do pui ia God i lulua go odo odo ia tanuna i lama doka go taramuzina Tamana ia Mosese, i vine Sale ia, iato i dalo bana mana ko totoloṉo osina ṉalu.

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.

Kameka Pita 5:1

Era qa kakia batu lotu, mana qa mia ṉalu Kristo i pala go vokara. Iago era do tuna pala karaputa mazala ia Jesu Kristo ṉalu tina za ule mego. Iago qa pene va karaputa qamu vano batu lotu,

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Revaleson 4:11

“Ke God mana Batu remu, aro qo vazaria go osina pata i koego kolabana pua ne, mana aro qo teke ne too osina ro pata, tanego iato nae pata qo soko go aro. Iago i tora remu timuna teke nigo aro vazaka, karaputa menomeno go.”

Revaleson 7:9

Taramuzina pata dena, qa mia zaqe topu sasakata basoero i makuru go qana qira, basoero dena iri reqe me soso sinaqe na basoero, soso vuduro mana soso sekoro go, iri va roku kakasa mana iri pala ubi, gonae iri za degere tarakenaqana de kolokoloku ia Batu ne mana Tunana Sipi go.