Iburu 13:3 - Vato Vari Vakameka Voru Ia Batu Ne

³ Muna nanao taru qira vano iri koego bara ze, va gere so tanumu qo ko tavisi e bara ne. Nanao tarua qira vano iri ko vokara go, vagere ze tanumu qo vokara tavisi qira.

Iburu 13:3 Iomraidhean Croise

Matiu 25:36

qa sisinaqa, qamu teke nava baribari, qa mokoso, qamu miasoka va, qa koe loborona bara ne, qamu garetu tove ava go.’

Matiu 25:43

Qa basoe zaza sivala, qamuki, koru vakeba ve kaega pade ramu, qa sisinaqa, do qamuki va baribari ava kaega, qa mokoso mana qa koe loborona bara ne, do qamuki garetu tove ava kaega.’

Zazu Ria Apostoloro 24:23

Pilix gonae i sine ne basoe ni kenaqa nego miasoka na Pol, tarina zamiasoka ia, do mara kasi lete va makureria ia, go vakitaka ro ia, iri mazala lama teke ne na ia kapata iri soko go.

Zazu Ria Apostoloro 27:3

Bakubakuna ne qemu dokae Saidon. Juliasi i nanao Pol, iago i va mao neiago mara za mia qira vakitaka ro ia, go mara teke ne ia kaki pata go tina tavisi ne go.

Leta Ia Pol I Karo Ne Qira Basoero Na Rom 12:15

Muna kula ṉalu qamu ko tavisi qira go vano iri kula go, mana muna dae ṉalu qamu ko tavisi qira go vano iri dae go.

Kameka Korinti 12:26

Ṉalu kaki takoborona tokama ne i vokara, osina kero ne takoboro tarina vokara napu.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Kolosia 4:18

Era qa karo ze karisiqu leta dena, seko kula era de qamu koego. Muniki nanao kasupe ne era qa koe bara dena. Go Mana ia God mara ko tavisi de qamu.

Iburu 10:34

Ramu qamu kena tavise vokara iri pala go vano iri koego bara ne, ṉalu iri pala lupo qamue go pataro qamu toṉove go, do ramu qamu kula so, tanego qamu rove bana i ko ne qamu kaki pata i lete velaka sivala mana tina ko osina ṉalu go.

Iburu 11:37

Kakiaro na iri vana vale qira e ipaka, mana vela vari lobon ne qira, kakiaro na in vae vale qirae pegi loda ro. Kakiaro ria i kaega ne qira poga lago iri va baribari neso kapoto na sipi ba nanikoti, tanego iri situ, in vasasakata ne qira mana in vasasakata ne tokama qira go.

Kameka Pita 3:8

Va lupolupona seko era, ramu muna ko kameka mana kameka nanao. Muna vari mamaligarae gere kameka tamakenaro, vari manavae mana ko qoqoro loborona koko ramu go.