Iburu 13:16 - Vato Vari Vakameka Voru Ia Batu Ne

¹⁶ Niki nanao kasupe ne zazu ne na pata velaka go tina tavisi ne qira kero ne basoero, tanego komakoma gere qira to pataro dena i vakula go God.

Iburu 13:16 Iomraidhean Croise

Luka 18:22

Ṉalu Jesu i gata pataro dena, i sine ne ia, “Kameka so pata iara ko ni go, tono zazu ne. Ono volivoli ne osina pataro qo toṉove go mana ono teke ne qira vano situ, kesa na patapataro aro, mana aro tono ara pala vavagado tepa rani, mana lama luluava era.”

Zazu Ria Apostoloro 10:38

Ramu qamu rove napua de igogo pepeu na Jesu na Nazaret mana de igogo God ni zuga ze go ia Spirit tabo mana karaputa. I zae osina dia, i zazu ne pata velaka ro mana iva tavoese qira vano iri koego karaputa ia manuru. I zazu ne pataro dena, tanego God i ko tavise ia.

Zazu Ria Apostoloro 9:36

Komala Jopa i koe kaki kameka qole vitoṉona Tabita i vaogote Jesu Kristo. Seko Qrik Dokasi iri vane vitoṉona. Topuna ṉalu qole dena izazu ne zazu velakaro mana i tavisi ne qira vano situ.

Leta Ia Pol I Karo Ne Qira Basoero Na Rom 12:13

Muna soso patapata ro ramu de iri koe go vano iri makuru ne go kaki pata, muna vakeba velaka qirae komala ramu vano kakavata iri lamae go komala ramu.

Qalesia 6:10

Iago torana iara kone qita go dena ṉalu, ita mata zazu ne ze pata velaka de iri koego vano qata kamekae go vaogoto na Kristo.

Qalesia 6:6

Basoe ipala go vari vatatana na tarama ia Kristo mara teke tavisi ne valeke ni vatatana go ia, sauna pata velaka i pala go.

Epesus 4:28

Basoe i poro sikosiko bana go mara mamanava siko, mana mara zazu, go tina pala go pata totoloṉo tina tavisi ne tanuna, mana vano iri ko situ go.

Pilipae 4:14

Do i lete velaka sivala, ramu tamuna tavisi nava era, loborona makuru ro era.

Pilipae 4:18

Ia dena to seko velaka era sauna osina pata qamu teke nava go, mana i lete sivala ne topu na pata qa soko go. Osina pata qa soko go, era qa pala to ṉalu Epaparoditus i valama nava go era sosovolomo ro ramu. Sosovolomo ro ramu i nonoli meno, qamu soso zaqe de koe God, tavatavara i toqe ne mana i vakula go God.

Kameka Tesalonika 5:15

Kaega kaki basoe mara zazu ne ze go kene basoe pata i sakata go. Do osina ṉalu muna pada ne zazu ne na pata velaka de qamu koego, mana kero ne basoero go.

Karua Tesalonika 3:13

Do ramu turaquro, muna tamadoko ne zazu ne na pata velaka.

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Pilimon 1:6

Pene era ne, loborona varikitaki ita vano qata vaogoto go, tina valame dego qata mazala nanao rove na osina pata velaka, qata pala ze go loborona too ita, loborona vari vakameka ita de ikoego Kristo.

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Kapisa Jon 1:11

Vakitaka era, oniki lutua vatovato sakata ro nae, do ono lutua vatovato velaka. Basoe igogo nae ne to i basoe iago God, ba basoe i lutua go vatovato sakata iki rove bana to kaega God.