Iburu 13:1 - Vato Vari Vakameka Voru Ia Batu Ne

¹ Muna ko vari mamaligarae gere qira tamakena ro.

Iburu 13:1 Iomraidhean Croise

Tarama Velaka Ia Jesu Kristo I Karo Go Jon 15:17

Iato dena tamana era, muna van mamaligarae.”

Zazu Ria Apostoloro 2:1

Ṉalu musaqarana Pentikoste ilama doka, osiqira vano iri vaogote go Jesu iri teṉoe kameka dia.

Zazu Ria Apostoloro 4:32

Vano iri vaogote go Jesu iri kameka nanao. Kaega kaki kameka basoe i taru vakakavata go patapata ia tanuna, do osiqira iri vari va kameka ne so osina pataro iri toṉove go.

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Epesus 4:3

Muna pada ne ko kameka, gere so de iva mia qamue go Spirit tabo, iato i teke ne qamu go bule go tamuna ko kameka go.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Karua Tesalonika 1:3

Turaquro, osina ṉalu remu timuna seko velake God. Itora remu timuna zazu ne, tanego vaogoto raramu i zaza popoka taru osina ṉalu, mana vari mamaligarae ramu tanuqamu i karaputa.

Iburu 10:24

Mata vari mia lote osiqita, mata vari vatatavisi, mata vasadake mamaligara, mana zazu ne zazu velaka ro go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 2:17

Muna nanao va mazala qira basoero topu, mamaligara ne qira vano lotu mana batu lavata Siza go, mana padapadae de ikoego God.

Kameka Pita 3:8

Va lupolupona seko era, ramu muna ko kameka mana kameka nanao. Muna vari mamaligarae gere kameka tamakenaro, vari manavae mana ko qoqoro loborona koko ramu go.

Kameka Pita 4:8

Pata i lete lavata sivala go muna lete vari mamaligarae, tanego mamaligara to i mazala go vakuziki nena osina vasakata pataro ramu.

Karua Pita 1:7

Muna mamaligara ne qira vano lotu, mana muna lete mamaligara napu ne qira basoero topu go.

Kameka Jon 3:23

Tamana ro ia i sine ne qita go igo dena, mata vaogote sale ia Jesu Kristo mana vari mamaligarae napu tanuqita, gere Kristo i sine bana ne qita go.

Kameka Jon 4:20

Ṉalu basoe igo, “Qa mamaligara ne God igo, do sakata qira so kero ne vano lotu gogo ne i poqe, tanego, ia iki mamaligara ne kaega basoe lotu ni reṉa ne go, iago, avatina go tane tina mamaligara ne go God iki reṉa ne go kaega.”

Revaleson 2:4

Do kameka pata qaki soko qamue go kaega ne, ramu ninidena qamuki mamaligara nava to kaega era, gerena kokoso na bana me.