Iburu 12:4 - Vato Vari Vakameka Voru Ia Batu Ne

⁴ Degere vanadu mana bara ne tanuqamu tepa ia vasakata pata, tanego i kaega ka basoe i le ne go varitara nae.

Iburu 12:4 Iomraidhean Croise

Matiu 24:9

Taramuzina nae tarina pala qamue varitanae mana vae vale qamu go. Topu sasakata basoero tariniki soko qamu kaega, tanego i sauqu era.

Kameka Korinti 10:13

Osina pata pada ro iri lama pada ne qamu, iri gerena so padaro idoka qira go basoero ne. Do ramu God i soti vanadua pui ia, mana iki vamalumua kaega kaki pata pada tina lama pada ne qamu ramu, tina sivale go karaputa raramu. Ṉalu ramu tamuna soba go pata pada, God tina teke ne qamu karaputa go tamuna vanadu taru, mana tina teke ne qamu zuka tamuna sipore go.

Pilipae 2:8

Ia ivaqoqore tanuna, mana i goe zuka na va vaotovo, go i doka so le ia koluse ne.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Iburu 13:13

Iago ita mata za ko tavisi ze ia taramuzina komala lavata ne, go basoero ne tarina vasasakata ne qita, gere na so de iri vane bana go Jesu.

Revaleson 12:11

Do ria turaqita ro ne iri vapela ze ia karaputa na parasana Sipi ne, mana karaputa na seko ia iri vasadake go. Iri toqe ne soso na too ria, mana iriki sareki ne kaega le go.

Revaleson 17:6

Mana qa reṉa ne qole ne i ge loka bulaṉoe ne, tanego i ge parasa qira basoero ia God, mana parasa qira basoero iri lulua go Jesu. Qa lete poloso sasakata, ṉalu qa reṉa nego ia igogo.

Revaleson 18:24

Iago kimata nae i pala go aro Babiloni, tanego i sauna parasa qira vano propeta ro ne mana basoero ia God iri soba ze go komala lavata ne, ove to, parasa qira basoero iri vae vale qirae go vudu pua ne.

Revaleson 2:13

Era qa rove, ramu qamu koe loborona vari miasoka ia Satana, do ramu, qamu ara pala taru vanadua so vitoṉoqu era, mana qamuki vana ne kaega vaogoto ramu de qa koego era go, patavolomo iri vae vale go Antipasi vasadake go too mana vatovato velaka ia, tanego i vaogoto ava era.