Iburu 12:3 - Vato Vari Vakameka Voru Ia Batu Ne

³ Muna nanao zaqe dego Jesu i vanadu go, ṉalu vano vasakata pata iri vasasakata ne go, iago ramu muniki vaqoqore tanuqamu mana kasi pela go.

Iburu 12:3 Iomraidhean Croise

Matiu 11:19

Mana ṉalu era Tuna basoe qa lama go, qa ṉaṉa mana qa ge loka do basoero ne iri go, ‘Mia to valeke dona, i poro ṉaṉa, ge loka so, mana i vakitaka qira so vano palapala takisi mana vano vatovato sakata go.’ Do osina pata i reqe me nanao velaka ia God, i vasadake nanao velaka ro nae i pata ogoto.”

Matiu 12:24

Do ṉalu kakiaro vano Parisio iri gata tarama dena, iri go de, “Batu Belzebul tane i teke ne go ia karaputa, go i kakale ze go manuru sakata ne.”

Matiu 15:2

“Avigo tane disipoloro aro iriki lulua go kaega tamana iri taru ne qita go vano ṉalu bana ro ita? Iriki saboro kenaqe kaega karisi qira iado iri ṉaṉa so!”

Matiu 21:23

Jesu i ule napu me Pade Lotu lavata ne, mana i vatatana qira basoe ro ne, batu ria patere ro mana vano kazigarata ro iri lamae de ikoego Jesu mana iri tana ne, “Ava karaputa na tane qo pala go aro, go qo zazu nego pataro nae? Mana akena tane i teke nigo karaputa igogo ne?”

Matiu 21:46

Iago iri pada ne pala na ia. Do iri sareki ne qira basoero ne, tanego basoero ne iri vaogote Jesu i kaki propeta.

Matiu 22:15

Vano Parisio iri kasi ne Pade Lotu ne, mana iri za vato ne dego tarina vasoru ze Jesu, loborona tana ria.

Luka 14:1

Kameka musaqara Sabat, Jesu iza ṉaṉae pade ia valeke kenaqa ria vano Parisio, mana ṉalu nae basoero iri lete mia tarua ia.

Luka 15:2

Do vano Parisio mana vano vari vatatana na Tamana iri tupi vari gozogozo nena Jesu, iri go, “Valeke dena isoko qira so vano sakata mana iṉana tavisi qira so go.”

Luka 16:14

Ṉalu vano Parisio iri gata pataro dena, iri vakari ne Jesu, tanego iri mamaligara ne kesa.

Luka 2:34

Simion i vatabo qiru mana i sine ne Maria ni sinana go. “Sale dena i vivine bana iaso God tina vasakata qira basoero topu, mana tina vakavele qira basoero topu. Iato tina lalana God mana topu na basoero ne tarina seko tolia ia, go nanao pupuika ria basoero ne tinara sadaka me.

Luka 5:21

Ria vano tarove na Tamana mana vano Parisio iri nanao luluse seko ia Jesu, iri vari goe de tanuqira, “Akena tane valeke dena i seko sakate go God! Tanuna so God i mazala go lukasena vasakata pata.”

Tarama Velaka Ia Jesu Kristo I Karo Go Jon 10:20

Topu ria iri go, “I koe manuru de ikoego mana i bulaṉoi! Avigo tane qamu gata go seko ro i sine go.”

Tarama Velaka Ia Jesu Kristo I Karo Go Jon 18:22

Taramuzina Jesu i sine go sekoro dena, kaki kameka ria vano iri miasoka go dego, i posare Jesu mana igo de, “Avigo tane qoki vamazale go kaega batu ria patere na?”

Tarama Velaka Ia Jesu Kristo I Karo Go Jon 5:16

Iago iri tupia to vasasakata ne na Jesu, tanego i vatavoisia go valeke ne musaqara Sabat.

Tarama Velaka Ia Jesu Kristo I Karo Go Jon 7:12

Topu sasakata basoero iri teṉo go, kakiaro ria iri vari sine ne, “Jesu i valeke velaka, do kakia ro iri go, ‘Kaega’, kakiaro iri go, i poqe taru qirae basoero ne sekoro ia,” iri go.

Tarama Velaka Ia Jesu Kristo I Karo Go Jon 8:13

Vano Parisio ne iri sine ne ia, “Tanumu so qo sine go pataro i voto go tanumu, iago i makuru qemu remu vaogote na.”

Tarama Velaka Ia Jesu Kristo I Karo Go Jon 8:52

Vano Jiu ne iri vane de ia, “Ninidena to qiara lete rove, aro i ko ogoto banae to manuru tokamamu, tanego Abra-am ile, mana propetaro iri le, do aro qo go, ka basoe i vaogote mana lulua vari vatatana aro, tiniki le kaega.

Tarama Velaka Ia Jesu Kristo I Karo Go Jon 8:59

Pasi nae to ia, iri soqe ipaka go mara vana Jesu iri go, do ipipika mana i kasi ne Pade Lotu ne.

Tarama Velaka Ia Jesu Kristo I Karo Go Jon 9:40

Kakiaro vano Parisio iri koego de go, iri gata seko ia Jesu iri vane de ia, “Oniki nanao aro remu qi kodo na!”

Kameka Korinti 15:58

Iago vakitaka ro era, degere vanadu mana ko vakaraputa. Variqo ze too ramu loborona zazu ia Batu ne, tanego qamu rove bana, kaega kaki pata i patavolomo ṉalu qamu zazu ne zazu ia Batu ne.

Karua Korinti 4:1

Loborona vari nanao ia God i teke ne qemu zazu go timuna zazu nego, lago remu iki pela kaega nanao qemu.

Karua Korinti 4:16

Iago, remu qiki pela kaega, patavolomo karaputa remu i taqoqoro, do too na madau qemu i pala karaputa nogotona musaqara.

Qalesia 6:9

Iago ita mata kasi tamadoko ne pata velaka qata zazu ne go. Tanego ṉalu ita qatiki pela ne go kaega zazu nena velaka ita, ita tatana za pala ze urena zazu velaka ita musaqara iko mego.

Karua Tesalonika 3:13

Do ramu turaquro, muna tamadoko ne zazu ne na pata velaka.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Iburu 12:5

Avigo qamu nanao kasupe ne seko vari vakaraputa i sine go God, igo qamu salero ia? Igo, “Tuqu, ṉalu Batu ne i Vatotoloṉe vatovato ba too qo va kebua go, kasi nanao na i patavolomo so ṉalu i seko vamoqere ne kebu ro aro, kasi va sakate na nanaomu go.

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Kameka Pita 2:23

Ṉalu basoero ne iri va vokare go, iki muma ne qira kaega go. Tanego osina ruqe ia i taru lupo zaqe de ikoego God, ia so i mazala go taru ze vivine totoloṉo de ikoego basoe ne.

Revaleson 2:3

Qa rove era tane pala taru vanadu raramu, mana qamuki vana ne kaega vaogoto ramu, patavolomo basoero ne iri va vokara ne qamu go sauqu era.