Iburu 12:11 - Vato Vari Vakameka Voru Ia Batu Ne

¹¹ Ṉalu qata lepulepu, i gere kaki pata i lete va maqata qita, qatiki kula kaega, do taramuzina ria iri vatotoloṉo qira ego lepulepu nae tarina za pala voli na too totoloṉo.

Iburu 12:11 Iomraidhean Croise

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Karua Korinti 4:17

Makuru ro qi vokara nego remu dena, iki pata ko sivala kaega, mana i pata suka so, ṉalu tara varipada ze go ke tinara za lama go. Tanego tinara valame ne qemu kaki pata i lete lavata mana tina ko sivala, mana ia igogo ne, too iki rove go kaega lupo de ikoego God.

Karua Timoti 4:8

Iago God i soti bana voliqu, mana vano iri valupo velake go vari vose ne go, Batu Jesu Kristo iato i tavine ne go tina zazu nego vivine ṉalu musaqara muzimuzi, tina teke nava go voli qu. Mana loborona to musaqara nae, ia tina teke napu ne qira kameka ado na voli igogo ne, de iri koego ria iri rove go ia, mana iri piri ne ṉalu ia tina ule mego.

Iburu 12:10

Ria Tamaqita ro iri koego vudu pua ne iri vatotoloṉo qita so ṉalu pusi, tanego iri lulua so nanao qira, do God ni vatotoloṉo qita go, i tavisi qita go tatana ko tabo gere na tanuna.

Iburu 5:14

Do ka basoe i ge go patagege i magoro ne, i basoe lavata to, imazala to mia rove na pataro i sakata go, mana pataro i velaka go.

Kameka Pita 1:6

Ramu muna kula sivala ne pata dena; kadi go igoto ṉalu ninidena ramu qamu soba desuka makuru, tanego topu adona pada ro qamu soba ze go vokara.

Karua Pita 2:14

Kaega so kaki pata iri lete soko go, do zazu nena so taunata osina ṉalu. I makuru qira va mamanava na too sakata ria nae. Mana iri lete va bulaṉoi qira to basoero i memelaka go vaogoto ria, go mara vasakata napu qira iri go. Mana puṉuqira i lete soko so pala na patapata ro ria basoero ne go. Iato nae tane God i sine bana, tina vakimata qira igogo ne.