Iburu 12:1 - Vato Vari Vakameka Voru Ia Batu Ne

¹ De qata koego ita ne, iri ko liqutu qita topu ria basoero iri vasadaka bana go vaogoto ria de ikoego God. Iato go ita mata vana ne osina pata i va makuru qitae go vaogote na God, mana mata vana napu ne zukazuka na vasakata pata go, mana mata teteṉe va moqere van vose i kome go kenaqa qita go.

Iburu 12:1 Iomraidhean Croise

Matiu 10:22

Basoero ne tariniki soko qamu kaega tanego i sauqu era. Do ka basoe i degere vanadu ne vaogoto ia deqa koego era, go tina za doka go valupolupo na, God tina vakavele ia.

Matiu 24:13

Do basoe i pala taru vanadu go, mana za doka go valupolupo na ne, tina za kavale.

Maka 10:50

Gonae valeke kodo ne ivana ne roku loda ia i soqa za mana i lama zae de ikoego Jesu.

Luka 12:15

Gonae i sine ne qira, “Muna miasoka ze de qamu koe sauna palana topuna pata. Tanego too ogoto ia basoe iki lulua kaega pataro i toṉove go. Pata volomo i toṉove go topuna pata.”

Luka 16:28

de go iri koe kalima togaqu, go mara za sine bana ne qira, go mara kasi lama na komala vokara dena.’

Luka 21:34

Muna miasoka tanuqamu mana kasi va riqo zena kelo lavata ro, ba ge loka, mana poro nanao na too na ninidena, niki go musaqara igogo ne niki lama pala va poloso qamu.

Tarama Velaka Ia Jesu Kristo I Karo Go Jon 3:32

Ia i sine pataro i mia bana go mana pataro i gata bana go, do i kaega ka basoe i vaogote go ia.

Tarama Velaka Ia Jesu Kristo I Karo Go Jon 4:39

Basoero na Samaria in koego komala lavata igogo ne, iri vaogote Jesu, tanego qole ne igo, “Valeke dena i sine lupo nava era pataro qa zazu bana nego.”

Tarama Velaka Ia Jesu Kristo I Karo Go Jon 4:44

Tanuna Jesu i sine bana igo, “Basoe propeta ne, vano na komala ia iriki soko kaega ia.”

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Qalesia 2:2

Era qa zae de gogo ne, tanego God i vasadaka nava tuna za, mana qa vapepeu vamiki qira vano iri kenaqa ne go lotu mana qa sine vavelaka ne qira sauna Tarama Velaka qa tamana qirae go vano iriki Jiu go kaega. Tanego qa nanao iri niki vanoto, pata qa zazu bana ne, mana pata tunara zazu ne go.

Qalesia 5:7

Ṉalu bana me ramu qamu vazazu velaka me too ramu de ikoego Kristo. Iago, akena to i vamamanava qamue go luluna seko ogoto ne, mana qamu soru kakavata go na?

Epesus 4:25

Iago, ramu muna mamanava sine na seko poqe! Osiqamu muna sine so seko ogoto, de iri koego kero ne vano lotu, tanego ita osiqita qata kamekae so loborona kameka tokamana Kristo.

Pilipae 1:30

Ninidena ramu qamu mazala varitara tavisi ava era, i varipadana so varitara qamu mia go, era qa varitara bana nego, mana iato qamu gata bana go, mana ke qara varitara ne go ninidena go.

Pilipae 2:16

mana ṉalu qamu teke ne qira tarama na too, ṉalu ramu qamu zazu ne, era tina zari nava pata tuna kula ne qamu ego ramu ṉalu musaqara Kristo tina lama napu, tanego tina vasadake osina zazu ro era tiki vana volomo kaega.

Karua Timoti 2:4

Basoe varitara i zae go varitara ne, i soko vakula na batu ia, i makuru ṉara zazu ne rigo ia tanuna.

Karua Timoti 4:7

Qa lete pada ne teteṉe vavelake na vari vose dena. Pasi dena qa dokae to valupolupo na de vari vose ne, mana qara pala taru vanadua so vaogoto era go.

Iburu 6:15

Abra-am iki va nula kaega piri, iago Abra-am i pala to pata i pui ne go God.

Jemisi 1:3

tanego ramu qamu rove ṉalu vaogoto ramu i nadu go, patavolomo pata padaro ilama qiqilo de qamu koe. Ianae to i vakaraputa qamu ramu, go qamu palataru vanadu go osina ṉalu.

Kameka Pita 2:1

Iago ramu kasi ara luluna vatovato sakataro nae mana kasi ara poqe, kasi tatakiu, kasi misi ba seko sakate na kene basoe go.

Kameka Pita 4:2

Iago, pasi ninidena too qamu vae go pua dena muna lulua, too ia God. Mana kasi luluna too ni soko go basoe na vudu pua dena.

Kameka Pita 5:1

Era qa kakia batu lotu, mana qa mia ṉalu Kristo i pala go vokara. Iago era do tuna pala karaputa mazala ia Jesu Kristo ṉalu tina za ule mego. Iago qa pene va karaputa qamu vano batu lotu,

Kameka Pita 5:12

Qa karo zatu leta pusi era dena loborona vari va tatavisi ia Saelas, kameka valeke vakitaka era i nadue de ikoego Kristo. Qa soko vatadagasiri qamu ramu, mana varove qamu ramu makaolo qamu pala go, ia to mamaligara lavata ia God, iago muna degere vanadue to Mana nae.

Karua Pita 1:6

Muna miasoka va velake tokama qamu mana degere vanadu osina ṉalu, mana lulua too ia God.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 13:10

Basoe iri pala vaseka go ne, tina ko basoe seka to, basoe i tavine nego tina le ne pegi loda, tarina vae vale ze to pegi loda. Ṉalu pataro dena tina doka, ramu basoero ia God muna ko vanadu eso vaogoto ramu de ikoego God.”

Revaleson 22:16

“Era, Jesu qa turi ne aqelo era, go tina sine ne qira basoero na eklesia ne. Era qa podoe sinaqe ia Davita mana qa gere go domiri dodola, ni tatavata mego sarusaruku lolotoro ne.”

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.